ஆபத்து! உங்கள் ஜிமெயில் ஹேக் ஆகியிருக்கலாம்: ஒரே நிமிடத்தில் திருடர்களை விரட்ட கூகுள் தரும் 'ரகசிய வழி'!

Gmail Hack உங்கள் ஜிமெயில் பாதுகாப்பை உறுதி செய்ய உடனடி வழிகாட்டி! லாக்-இன் செய்யப்பட்ட கருவிகளைக் கண்டறிவது, தேவையற்ற அணுகலை நீக்குவது, செயல்பாடு மற்றும் மூன்றாம் தரப்பு செயலிகள் பாதுகாப்பு வழிமுறைகள் இதோ!

Image Credit : Gemini

Gmail Hack ஜிமெயில் பாதுகாப்பில் அலட்சியம் வேண்டாம்! திருடர்கள் ஊடுருவினரா?

உலகம் முழுவதும் கோடிக்கணக்கான ஆண்ட்ராய்டு ஸ்மார்ட்போன் பயனர்களுக்கு ஜிமெயில் (Gmail) முகவரி ஒரு அத்தியாவசியத் தேவையாகிவிட்டது. கூகிள் பிளே ஸ்டோரில் இருந்து செயலிகளைப் பதிவிறக்குவது முதல், உங்கள் வங்கிச் செயலிகள் வரை அனைத்துக்கும் இதுவே அடிப்படை. உங்கள் ஜிமெயில் அக்கவுண்ட்டுக்கு அனுமதி இல்லாதவர்கள் நுழையும் பட்சத்தில், உங்களின் தனிப்பட்ட தகவல்கள், வங்கி விவரங்கள், புகைப்படங்கள் என அனைத்தும் திருடப்படும் அபாயம் உள்ளது. உங்கள் அக்கவுண்ட் ஹேக் ஆகியுள்ளதா என்பதை உடனடியாகக் கண்டறிய எளிய வழிகள் உள்ளன.

Image Credit : Gemini

லாக்-இன் செய்த கருவிகளைக் கண்டறியும் எளிய வழி!

உங்கள் ஜிமெயில் அக்கவுண்ட் எந்தெந்த கருவிகளில் (Devices) தற்போது பயன்பாட்டில் உள்ளது என்பதைக் கண்டறிவது மிகவும் எளிது. இதோ அதற்கான வழிமுறைகள்:

1. உங்கள் கணினி அல்லது மொபைல் பிரவுசரில் myaccount.google.com என்ற இணையதளத்திற்குச் செல்லவும்.

2. அதில் உள்ள ‘பாதுகாப்பு’ (Security) விருப்பத்திற்குச் சென்று, கீழே ஸ்க்ரோல் செய்யவும்.

3. அடுத்து, ‘உங்கள் கருவிகள்’ (Your Devices) என்ற பகுதிக்குச் சென்று, ‘அனைத்து கருவிகளையும் நிர்வகிக்கவும்’ (Manage All Devices) என்பதைக் கிளிக் செய்யவும்.

4. இந்த பட்டியலில், நீங்கள் ஜிமெயில் அக்கவுண்ட்டில் லாக்-இன் செய்த அனைத்துக் கருவிகளையும் பார்க்கலாம். அதில் உங்களுக்குச் சொந்தமில்லாத அல்லது சந்தேகத்திற்குரிய கருவிகள் ஏதேனும் இருந்தால், உடனே அதைக் கிளிக் செய்து ‘வெளியேறு’ (Sign out) என்பதைத் தேர்ந்தெடுக்கவும். அதன் பிறகு, உடனடியாக உங்கள் ஜிமெயில் கடவுச்சொல்லை (Password) மாற்றி விடுங்கள்.

Image Credit : gemini

சந்தேகத்திற்குரிய செயல்பாடுகளைச் சரிபார்ப்பது எப்படி?

உங்கள் ஜிமெயில் கணக்கில் ஏதேனும் சந்தேகத்திற்குரிய செயல்பாடுகள் நடக்கிறதா என்பதை அறிந்து கொள்வது அவசியம்.

1. முதலில், உங்கள் ஜிமெயில் அக்கவுண்ட்டில் லாக்-இன் செய்யுங்கள்.

2. உங்கள் மின்னஞ்சல் பட்டியலில் (Mail List) கீழே வரை ஸ்க்ரோல் செய்து, வலது மூலையில் உள்ள ‘விவரங்கள்’ (Details) என்பதைக் கிளிக் செய்யவும்.

3. புதிய சாளரம் ஒன்று திறக்கும். அதில், நீங்கள் ஜிமெயிலை அணுகிய நேரம், அணுகல் வகை (Access Type), ஐபி முகவரி (IP Address) போன்ற விவரங்களைக் காணலாம்.

4. இந்த விவரங்களில் ஏதேனும் சந்தேகம் ஏற்பட்டால், தாமதிக்காமல் உங்கள் ஜிமெயில் கடவுச்சொல்லை மாற்றி, பாதுகாப்பை உறுதி செய்யுங்கள்.

Image Credit : Freepik@IftikharAlam

மூன்றாம் தரப்பு செயலிகளின் அணுகலை நீக்குவது!

சில சமயம், விளையாட்டுகள் அல்லது பிற சேவைகளுக்காக உங்கள் ஜிமெயில் அக்கவுண்ட்டை மூன்றாம் தரப்பு இணையதளங்கள் அல்லது செயலிகளுக்குப் பயன்படுத்தியிருப்பீர்கள். அவற்றால் உங்கள் ஜிமெயில் துஷ்பிரயோகம் செய்யப்பட வாய்ப்புள்ளது.

1. உங்கள் பிரவுசரில் மீண்டும் myaccount.google.com திறந்து, ‘பாதுகாப்பு’ (Security) விருப்பத்திற்குச் செல்லவும்.

2. அதில் கீழே ஸ்க்ரோல் செய்து ‘பிற தளங்களில் புகுபதிகை செய்கிறது’ (Signing in to other sites) என்ற பகுதியைக் கண்டறியவும்.

3. அதன் கீழ் உள்ள ‘கூகிள் மூலம் புகுபதிகை செய்கிறது’ (Signing in with Google) என்பதைக் கிளிக் செய்யவும்.

4. இந்த பட்டியலில், உங்கள் ஜிமெயில் மூலம் லாக்-இன் செய்த அனைத்து இணையதளங்கள் மற்றும் செயலிகளைக் காணலாம். அங்கீகாரமற்ற அல்லது சந்தேகத்திற்குரிய தளங்களைக் கண்டால், அவற்றின் அணுகலை உடனடியாக நீக்குங்கள் (Remove access).