e-PAN Scam: பான் கார்டு வச்சிருக்கீங்களா? இந்த ‘போலி’ இமெயில் உங்களுக்கும் வரலாம்! உஷார் மக்களே!

e-PAN Scam: e-PAN கார்டுகளை டவுன்லோட் செய்யும்படி பொதுமக்களுக்கு போலியான இமெயில்கள் வருவதாகவும், இது குறித்து மக்கள் உஷாராக இருக்க வேண்டும் எனவும் மத்திய அரசு எச்சரிக்கை விடுத்துள்ளது. இது குறித்து விரிவாக பார்ப்போம்.

Image Credit : Asianet News

e-PAN Scam: பான் கார்டு வச்சிருக்கீங்களா?

e-PAN கார்டுகளை டவுன்லோட் செய்யும்படி பொதுமக்களுக்கு வரும் இ-மெயில்கள் போலியானவை என்று மத்திய அரசின் பத்திரிகை தகவல் அலுவலகத்தின் (PIB) உண்மை சரிபார்க்கும் குழு எச்சரிக்கை விடுத்துள்ளது. இது போன்ற செய்திகள் அனைத்தும் மோசடியானவை என்றும், நிதி மற்றும் தனிப்பட்ட முக்கியத் தகவல்களைக் கேட்கும் எந்தவொரு இ-மெயில், லிங்க், போன் கால் அல்லது SMS-க்கும் பதிலளிக்க வேண்டாம் என்றும் மக்களை அறிவுறுத்தியுள்ளது.

Image Credit : Youtube

PIB-யின் உண்மை சரிபார்க்கும் குழு மக்களுக்கு எச்சரிக்கை

PIB-யின் உண்மை சரிபார்க்கும் குழு, தனது X சமூக வலைதளப் பக்கத்தில் ஒரு பதிவை வெளியிட்டது. அதில், சந்தேகத்திற்கிடமான இ-மெயில்கள், லிங்குகள், போன் கால்கள் அல்லது SMS மூலம் வரும் செய்திகளை நம்பி, உங்கள் நிதி அல்லது தனிப்பட்ட தகவல்களை யாரிடமும் பகிர வேண்டாம் என்று பயனர்களை எச்சரித்துள்ளது.

அந்தப் பதிவில், "e-PAN கார்டை டவுன்லோட் செய்யச் சொல்லி உங்களுக்கும் இ-மெயில் வந்ததா?" என்று கேள்வி எழுப்பி, "இந்த இ-மெயில் #போலியானது" (#Fake) என்று PIB கூறியுள்ளது. மேலும், "உங்கள் நிதி மற்றும் முக்கியத் தகவல்களைக் கேட்கும் எந்தவொரு இ-மெயில், லிங்க், கால் மற்றும் SMS-க்கும் பதிலளிக்க வேண்டாம்" என்றும் பொதுமக்களுக்கு அறிவுறுத்தியுள்ளது.

Image Credit : Incometax.com

போலி முத்திரை

PIB வெளியிட்ட பதிவில் ஒரு புகைப்படமும் இணைக்கப்பட்டிருந்தது. அதில், "Download e-PAN Card Online: A step-by-step guide" என்ற தலைப்புடன் வந்த ஒரு இ-மெயிலின் படம் இருந்தது. அந்தப் படத்தின் மீது 'FAKE' (போலி) என்று பெரியதாக முத்திரை குத்தப்பட்டிருந்தது. அந்த போலி இ-மெயிலில், e-PAN கார்டை டவுன்லோட் செய்வதற்கான வழிமுறைகள் இருப்பதாகக் கூறப்பட்டிருந்தது. மேலும், 'வருமான வரித்துறையால் வழங்கப்படும் மிக முக்கியமான ஆவணங்களில் ஒன்று பான் கார்டு' என்றும் அதில் குறிப்பிடப்பட்டிருந்தது.

பொதுமக்கள் உஷாராக இருக்க வேண்டும்

அந்தப் புகைப்படத்தில், 'e-PAN கார்டுகளை டவுன்லோட் செய்யச் சொல்லும் போலி இ-மெயில்களிடம் ஜாக்கிரதை' என்ற எச்சரிக்கை வாசகமும் இருந்தது. இது போன்ற செய்திகள் மோசடியானவை என்பதை இது மேலும் உறுதிப்படுத்தியது. சமூக ஊடகங்கள் மற்றும் பிற டிஜிட்டல் தளங்களில் பரவும் தவறான தகவல்கள், ஆன்லைன் மோசடிகள் மற்றும் போலி செய்திகள் குறித்து PIB-யின் உண்மை சரிபார்க்கும் குழு தொடர்ந்து எச்சரிக்கைகளை வெளியிட்டு வருகிறது. எந்தவொரு தகவலையும் நம்பி நடவடிக்கை எடுப்பதற்கு முன்பு, அதிகாரப்பூர்வ அரசு வழிகள் மூலம் அதைச் சரிபார்க்க வேண்டும் என்று மக்களைக் கேட்டுக்கொள்கிறது.

Image Credit : social media

பொதுமக்கள் மோசடிகளில் இருந்து தப்பிப்பது எப்படி?

அதிகாரப்பூர்வ இணையதளங்களை மட்டும் பயன்படுத்தவும்: உங்களுக்கு e-PAN கார்டு தேவைப்பட்டால், மின்னஞ்சலில் வரும் லிங்குகளைக் கிளிக் செய்யாமல், வருமான வரித்துறையின் அதிகாரப்பூர்வ இணையதளமான incometax.gov.in அல்லது NSDL/UTIITSL ஆகிய அங்கீகரிக்கப்பட்ட போர்ட்டல்களுக்கு நேரடியாகச் சென்று மட்டுமே பதிவிறக்கம் செய்ய வேண்டும்.

அனுப்புநரின் முகவரியைச் சரிபார்க்கவும்: உங்களுக்கு வரும் மின்னஞ்சல் வருமான வரித்துறையின் அதிகாரப்பூர்வ டொமைனான @incometax.gov.in என்ற முகவரியிலிருந்து வருகிறதா என்பதை உறுதிப்படுத்துங்கள். பொதுவான அல்லது சந்தேகத்திற்குரிய ஜிமெயில் (Gmail) அல்லது பிற தனிப்பார்வை முகவரிகளில் இருந்து வரும் மின்னஞ்சல்களை உடனே நிராகரியுங்கள்.

ரகசிய எண்களைப் பகிர வேண்டாம்: பான் கார்டு விவரங்கள் மட்டுமின்றி, உங்கள் வங்கி கணக்கு எண், கிரெடிட்/டெபிட் கார்டு எண்கள், சிவிவி (CVV) மற்றும் ஓடிபி (OTP) போன்ற எந்தவொரு ரகசியத் தகவல்களையும் யாருடனும் பகிரக் கூடாது.

புகார் அளிப்பது எப்படி?: இது போன்ற ஆன்லைன் நிதி மோசடி அல்லது போலி மின்னஞ்சல்களால் நீங்கள் ஏமாற்றப்பட்டாலோ அல்லது சந்தேகம் எழுந்தாலோ, உடனடியாக மத்திய அரசின் தேசிய சைபர் குற்றப் பிரிவு இணையதளத்திலோ (cybercrime.gov.in) அல்லது 1930 என்ற உதவி எண்ணிலோ தொடர்பு கொண்டு புகார் அளிக்கலாம்.