2TB மெமரி, 8,300mAh பேட்டரி: 11-இன்ச் திரையுடன் களமிறங்கும் பிளாக்வியூ ஜெனோ 6 டேப்லெட்!

பிளாக்வியூ ஜெனோ 6 11-இன்ச் திரை, ஆண்ட்ராய்டு 17 மற்றும் 8300mAh பேட்டரியுடன் அறிமுகம். முழுமையான அம்சங்கள் மற்றும் விலை விவரங்களை பற்றி பார்போம்.

Image Credit : X

பிளாக்வியூ (Blackview) 'ஜெனோ 6' டேப்லெட்

பிளாக்வியூ (Blackview) நிறுவனம் தனது புதிய 'ஜெனோ 6' (Zeno 6) டேப்லெட்டின் அதிகாரப்பூர்வ அம்சங்களை வெளியிட்டுள்ளது. 11-இன்ச் திரை அளவு கொண்ட இந்த டேப்லெட், ஒரே நேரத்தில் பல பணிகளைச் செய்யக்கூடிய (Multitasking) சிறப்பம்சங்களுடன் வடிவமைக்கப்பட்டுள்ளது. செப்டம்பர் 2026-இல் வெளியான ஜெனோ 6 புரோ (Zeno 6 Pro) மாடலின் பல அம்சங்களை இதுவும் பகிர்ந்து கொள்கிறது.

Image Credit : X

ஸ்கிரீன் & வடிவமைப்பு (Display & Design)

ஸ்கிரீன் - 2,300 × 1,600 பிக்சல்கள் ரெசல்யூஷன் மற்றும் 90Hz ரீஃப்ரெஷ் ரேட் (Refresh rate) கொண்ட IPS திரையைக் கொண்டுள்ளது.

ஸ்கிரீன் -உடல் விகிதம் - இதன் ஸ்கிரீன்-உடல் விகிதம் (Screen-to-body ratio) 94.7% என்று பிளாக்வியூ நிறுவனம் தெரிவித்துள்ளது.

ஸ்ட்ரீமிங் & பாதுகாப்பு - HD ஸ்ட்ரீமிங் செய்வதற்கான Widevine L1 ஆதரவு மற்றும் TÜV SÜD சான்றளிக்கப்பட்ட குறைந்த நீல ஒளி (low-blue-light) பாதுகாப்பு உள்ளது. மேலும் ரீடிங் மோட், டார்க் மோட் மற்றும் நைட் லைட் செட்டிங்ஸ்களும் இதில் உள்ளன. முன்னதாக வெளியான ஷியோமி Redmi Pad 2 மாடலில் இதே 90Hz ரீஃப்ரெஷ் ரேட் உடன் 2,560 × 1,600 என்ற கூடுதல் ரெசல்யூஷன் இருந்தது குறிப்பிடத்தக்கது.

Image Credit : X

செயல்திறன் & ஸ்டோரேஜ்

பிராசஸர் - 6nm தொழில்நுட்பத்தில் உருவாக்கப்பட்ட, 2.2GHz வேகம் கொண்ட 'Unisoc T7300' ஆக்டா-கோர் பிராசஸர் இதில் பயன்படுத்தப்பட்டுள்ளது. (ஜெனோ 6 புரோ மாடலில் ஸ்னாப்டிராகன் 4 ஜென் 2 பிராசஸர் இருந்தது).

ரேம் & மெமரி - 8GB அல்லது 12GB LPDDR4X RAM மற்றும் 256GB UFS 2.1 உள்சேமிப்பகத்துடன் (Internal Storage) கிடைக்கிறது.

கூடுதல் சேமிப்பு - microSD கார்டு மூலம் சேமிப்பகத்தை 2TB வரை உயர்த்திக் கொள்ள முடியும். மேலும் மெய்நிகர் ரேம் (Virtual RAM) தொழில்நுட்பம் மூலம் 8GB மாடலை 24GB வரையிலும், 12GB மாடலை 36GB வரையிலும் விரிவுபடுத்தலாம்.

Image Credit : X

ஓ.எஸ் & இணைப்பு வசதிகள்

இயங்குதளம் - ஆண்ட்ராய்டு 17 (Android 17) அடிப்படையிலான DokeOS_P 5.1-இல் இது இயங்குகிறது.

சிறப்பம்சங்கள் - மல்டிடாஸ்கிங்கிற்கு ஏதுவாக 'ஸ்பிளிட் ஸ்கிரீன் 2.0', ஒரே நேரத்தில் 8 விண்டோக்களை பயன்படுத்தக்கூடிய 'PC Mode 3.0', WPS Office, Doke AI 2.0 மற்றும் கூகிள் ஜெமினி (Google Gemini) ஆதரவு ஆகியவை இதில் சேர்க்கப்பட்டுள்ளன.

இணைப்பு - Wi-Fi 6, Bluetooth 5.4, டூயல்-சிம் 4G LTE மற்றும் GPS, GLONASS, Galileo, BeiDou, NavIC, QZSS ஆகிய 6 செயற்கைக்கோள் வழிகாட்டுதல் அமைப்புகளை இது ஆதரிக்கிறது.

Image Credit : X

பேட்டரி, கேமரா & பாகங்கள்

பேட்டரி - 18W சார்ஜிங் ஆதரவுடன் கூடிய 8,300mAh பேட்டரி வழங்கப்பட்டுள்ளது.

கேமரா & ஸ்பீக்கர் - Smart-PA தொழில்நுட்பத்துடன் கூடிய 2 2W ஸ்பீக்கர்கள், 2K வீடியோ பதிவு செய்யக்கூடிய 13MP பின் கேமரா (ஃபிளாஷ் ஒளியுடன்) மற்றும் 8MP முன் கேமரா உள்ளன.

அளவுகள் - 246.4 × 177.3 × 8.4 மி.மீ அளவும், 513 கிராம் எடையும் கொண்டது.

வண்ணங்கள் - இன்டர்ஸ்டெல்லார் பிளாக், கிளேசியர் ப்ளூ மற்றும் லிலாக் பர்பிள் ஆகிய நிறங்களில் கிடைக்கிறது.

இணைப்பு பாகங்கள் (Accessories) - வயர்லெஸ் கீபோர்டு, மவுஸ், ஸ்டைலஸ் (Stylus), பாதுகாப்பு உறை (Case), ஸ்கிரீன் புரோட்டெக்டர் மற்றும் வயர்டு இயர்போன்கள் ஆகிய அனைத்தும் இதனுடன் இலவசமாகவே வழங்கப்படுகின்றன.

விலை விவரம் - பிளாக்வியூ நிறுவனம் தனது அதிகாரப்பூர்வ தயாரிப்பு பக்கத்தில் ஜெனோ 6 டேப்லெட்டின் விலை அல்லது விற்பனைக்கு வரும் நேரடி தேதியை இன்னும் அறிவிக்கவில்லை.