ஸ்மார்ட்போன், ஸ்மார்ட்வாட்ச், இயர்பட்ஸ்... பட்ஜெட் விலையில் ஒட்டுமொத்தமாக களமிறக்கும் Ai+! முழு விவரம் இதோ!

Ai மார்ச் 2-ஆம் தேதி அதிரடியாக வெளியாகிறது Ai+ Pulse 2 ஸ்மார்ட்போன். அத்துடன் வெறும் ரூ.699 முதல் துவங்கும் நோவாபாட்ஸ் மற்றும் ஸ்மார்ட்வாட்ச்களும் அறிமுகம்! முழு விவரம் உள்ளே.

Image Credit : Gemini

Ai

இந்திய ஸ்மார்ட்போன் சந்தையில் வேகமாக வளர்ந்து வரும் 'Ai+' (Ai Plus) நிறுவனம், வாடிக்கையாளர்களை கவரும் விதமாகப் புதிய தயாரிப்புகளை அடுத்தடுத்து அறிமுகம் செய்யத் தயாராகிவிட்டது. ஸ்மார்ட்போன்கள் மட்டுமின்றி, இயர்பட்ஸ் (Earbuds) மற்றும் ஸ்மார்ட்வாட்ச் (Smartwatch) அடங்கிய 'AIoT' (Artificial Intelligence of Things) சாதனங்களையும் மிகக் குறைந்த விலையில் சந்தையில் களமிறக்குகிறது. இதன் மூலம் பட்ஜெட் விலையில் பிரீமியம் தொழில்நுட்பத்தை அனைவருக்கும் கொண்டு சேர்ப்பதே தங்களின் நோக்கம் என நிறுவனம் தெரிவித்துள்ளது.

இதில் அதிகம் எதிர்பார்க்கப்படும் 'Ai+ Pulse 2' ஸ்மார்ட்போன் வரும் மார்ச் 2-ஆம் தேதி அதிகாரப்பூர்வமாக வெளியாகவுள்ளது. அதேசமயம், மற்ற AIoT சாதனங்கள் பிப்ரவரி 27-ஆம் தேதி நண்பகல் முதல் பிளிப்கார்ட் (Flipkart) தளத்தில் விற்பனைக்கு வரும் என அறிவிக்கப்பட்டுள்ளது.

Image Credit : Gemini

Ai+ Pulse 2 ஸ்மார்ட்போனின் சிறப்பம்சங்கள்:

பட்ஜெட் வாடிக்கையாளர்களைக் குறிவைத்து வெளியாகும் இந்த 'Pulse 2' ஸ்மார்ட்போன், அதிரடியான அம்சங்களை உள்ளடக்கியுள்ளது. புகைப்படங்கள் எடுக்க 50MP மெயின் கேமராவும், செல்ஃபிகளுக்காக 8MP முன்பக்க கேமராவும் வழங்கப்பட்டுள்ளது. இதன் மிக முக்கிய அம்சமே இதன் பேட்டரி தான்; இந்த பட்ஜெட்டிலேயே மிகவும் மெலிதான (Slimmest) 6000mAh பிரம்மாண்ட பேட்டரியைக் கொண்ட போனாக இது வெளியாகிறது. மேலும், இது லேட்டஸ்ட் 'Android 16' இயங்குதளத்தில் (NxtQuantum OS) இயங்கும் என்பது கூடுதல் சிறப்பு.

Image Credit : X/aiplus_official

நோவாபாட்ஸ் (NovaPods) சீரிஸ் இயர்பட்ஸ்:

காதுகளுக்குப் பொருத்தமான மூன்று விதமான இயர்பட்ஸ்களை 'நோவாபாட்ஸ்' என்ற பெயரில் நிறுவனம் அறிமுகம் செய்கிறது.

• NovaPods Go: வெறும் ரூ.699 விலையில் அறிமுகமாகும் இதில், 10mm டிரைவர், 24 மணி நேர பேட்டரி பேக்கப் மற்றும் IPX4 ரேட்டிங் வழங்கப்பட்டுள்ளது.

• NovaPods Pro: ரூ.1,999 விலையில் வரும் இந்த மாடலில், ஆக்டிவ் நாய்ஸ் கேன்சலேஷன் (ANC), சிக்ஸ்-மைக் செட்டப், ப்ளூடூத் 6.0 மற்றும் 30 மணி நேர பிளேபேக் வசதி உள்ளது.

• NovaPods Clips: ஓப்பன்-வியர் (Open-wear) டிசைன் கொண்ட இதன் விலை ரூ.3,999. இது 16 மணி நேர பேட்டரி பேக்கப் மற்றும் 50ms லோ-லேட்டன்சி (Low-latency) அம்சத்தைக் கொண்டுள்ளது.

Image Credit : X/aiplus_official

நோவா வாட்ச் (NovaWatch) மற்றும் ஹைப்ரிட் மாடல்கள்:

ஸ்மார்ட்வாட்ச் வரிசையிலும் மூன்று புதுமையான மாடல்களை Ai+ அறிமுகம் செய்துள்ளது.

• NovaWatch Active: 1.73-இன்ச் AMOLED டிஸ்ப்ளே, ப்ளூடூத் காலிங் மற்றும் ஹெல்த் டிராக்கிங் வசதிகளுடன் வரும் இதன் விலை ரூ.2,499 மட்டுமே.

• NovaWatch Kids 4G: குழந்தைகளுக்காகவே பிரத்யேகமாக வடிவமைக்கப்பட்ட இந்த வாட்ச், 4G காலிங், ஜிபிஎஸ் (GPS) மற்றும் SOS அலர்ட் வசதிகளுடன் ரூ.2,999-க்கு விற்பனைக்கு வருகிறது.

• Ai+ Wearbuds (Hybrid): இது ஒரு புதுமையான மாடல்! ஸ்மார்ட்வாட்ச் மற்றும் இயர்பட்ஸ் ஆகிய இரண்டும் இணைந்த இந்த 'ஹைப்ரிட்' வாட்சின் விலை ரூ.7,999 ஆகும். இதில் 1.43-இன்ச் AMOLED டிஸ்ப்ளே மற்றும் வாட்ச்சின் உள்ளேயே இயர்பட்ஸை வைத்துக்கொள்ளும் வசதி உள்ளது.

ரூ.699 முதல் துவங்கும் இந்த புதிய சாதனங்கள், பட்ஜெட் விலையில் தரமான கேட்ஜெட்களை (Gadgets) தேடுபவர்களுக்கு ஒரு மாபெரும் விருந்தாக அமையும் என்பதில் சந்தேகமில்லை.