- Home
- டெக்னாலஜி
- சும்மா மிரட்டலா இருக்கே.. போட்டோஷாப்பிற்குள் நுழைந்த கூகுள்! 'நானோ பனானா' செய்யும் மேஜிக்!
சும்மா மிரட்டலா இருக்கே.. போட்டோஷாப்பிற்குள் நுழைந்த கூகுள்! 'நானோ பனானா' செய்யும் மேஜிக்!
Adobe அடோப் போட்டோஷாப்பில் ஜெமினி 3 நானோ பனானா ப்ரோ AI இணைப்பு. டிசம்பர் 1 வரை அன்லிமிடெட் இமேஜ் ஜெனரேஷன் வசதி!
Adobe அடோப் பயனர்களுக்கு ஜாக்பாட்!
அடோப் (Adobe) நிறுவனம் தனது பிரபலமான போட்டோஷாப் மற்றும் பயர்பிளை (Firefly) செயலிகளில், கூகுளின் அதிநவீன 'ஜெமினி 3' (Gemini 3) தொழில்நுட்பத்தில் இயங்கும் 'நானோ பனானா ப்ரோ' (Nano Banana Pro) எனும் புதிய AI மாடலை இணைத்துள்ளது. இதன் மூலம் பயனர்கள் இனி மிகத் துல்லியமான படங்களை உருவாக்கவும், எடிட் செய்யவும் முடியும்.
கூகுள் - அடோப் மெகா கூட்டணி
கூகுள் நிறுவனம் தனது லேட்டஸ்ட் AI மாடலை அறிமுகப்படுத்திய சில நாட்களிலேயே, அடோப் அதனை தனது மென்பொருளில் இணைத்துள்ளது தொழில்நுட்ப உலகை வியக்க வைத்துள்ளது. கூகுள் மற்றும் அடோப் நிறுவனங்களுக்கிடையேயான இந்தத் துரிதக் கூட்டணி, கிரியேட்டர்களுக்கு (Creators) அதிநவீன AI கருவிகளை மொபைல் மற்றும் டெஸ்க்டாப்பில் வழங்குவதை நோக்கமாகக் கொண்டுள்ளது.
டிசம்பர் 1 வரை அன்லிமிடெட் ஆஃபர்
இந்த புதிய இணைப்பைக் கொண்டாடும் விதமாக, Creative Cloud Pro மற்றும் Firefly சந்தாதாரர்களுக்கு ஒரு சிறப்புச் சலுகையை அடோப் அறிவித்துள்ளது. அதன்படி, வரும் டிசம்பர் 1-ம் தேதி வரை, பயனர்கள் பயர்பிளை மற்றும் மூன்றாம் தரப்பு AI மாடல்களைப் பயன்படுத்தி 'அன்லிமிடெட்' ஆக படங்களை உருவாக்கலாம் (Unlimited AI Image Generation).
பயர்பிளை ஆப்பில் புதிய வசதிகள்
பயர்பிளை ஆப்பில் 'Text-to-Image' வசதியில் இனி 'நானோ பனானா ப்ரோ' மாடலைப் பயன்படுத்தலாம். மேலும், 'பயர்பிளை போர்ட்ஸ்' (Firefly Boards) எனும் கூட்டு முயற்சித் தளத்திலும் இது இணைக்கப்பட்டுள்ளது. இதன் சிறப்பம்சங்கள்:
• ஒரே நேரத்தில் 6 ரெபரன்ஸ் படங்களை (Reference Images) பதிவேற்றலாம்.
• பிராம்ப்ட்கள் (Prompts) மூலம் படங்களை மிகத் துல்லியமாக மாற்றியமைக்கலாம்.
• குழுவாக இணைந்து புதிய ஐடியாக்களை உருவாக்கலாம்.
போட்டோஷாப்பில் என்ன ஸ்பெஷல்?
போட்டோஷாப்பில் உள்ள பிரபலமான 'ஜெனரேட்டிவ் ஃபில்' (Generative Fill) வசதிக்கு இந்த ஜெமினி 3 மாடல் கூடுதல் வலு சேர்க்கிறது.
• 4K துல்லியத்தில் படங்களை உருவாக்கலாம்.
• எழுத்து வடிவிலான கட்டளைகள் மூலம் அட்வான்ஸ்ட் எடிட்டிங் செய்யலாம்.
• லைட்டிங் (Lighting), ஸ்டைல் மற்றும் காம்போசிஷனை எளிதாக மாற்றலாம்.
ஏற்கனவே உள்ள நானோ பனானா மற்றும் FLUX.1 மாடல்களைத் தொடர்ந்து, போட்டோஷாப்பில் இணையும் மூன்றாவது பார்ட்னர் மாடல் இதுவாகும்.
அசுர வளர்ச்சியில் அடோப் AI
இந்த புதிய அப்டேட் மூலம் அடோப் தனது AI சுற்றுச்சூழல் அமைப்பை (AI Ecosystem) மேலும் வலுப்படுத்தியுள்ளது. வடிவமைப்பாளர்கள் மற்றும் எடிட்டர்களுக்கு இது ஒரு வரப்பிரசாதமாகும். கூகுளுடனான இந்தக் கூட்டணி மூலம், போட்டோஷாப் மற்றும் பயர்பிளை ஆகியவை AI உலகில் அசைக்க முடியாத இடத்தைப் பிடித்துள்ளன.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
