JioPC: பழைய லேப்டாப் தூக்கிப்போடாதீங்க... வெறும் ரூ.11-க்கு 8GB RAM, 500GB ஸ்டோரேஜ் சூப்பர் கம்ப்யூட்டர் தரும் ஜியோ!

JioPC: ரிலையன்ஸ் ஜியோவின் கிளவுட் தொழில்நுட்பம் மூலம், பழைய கணினிகள், லேப்டாப்களை அதிவேகக் கணினியாக மாற்ற முடியும். நாள் ஒன்றுக்கு வெறும் ரூ.11 செலவில் (10+2 மாத வருடாந்திரத் திட்டம்) 4 vCPUs, 8GB RAM மற்றும் 500GB கிளவுட் ஸ்டோரேஜ் வழங்கப்படுகிறது.

Image Credit : Google

டீ விலையில் ஒரு சூப்பர் கம்ப்யூட்டர்: ஜியோவின் புரட்சி!

JioPC: சாலையோர டீ கடையில் ஒரு கப் டீ குடிக்க இப்போது குறைந்தது 12 முதல் 15 ரூபாய் வரை செலவாகிறது. ஆனால், அதைவிடக் குறைந்த செலவில் வெறும் ரூ.11-க்கு ஒரு முழுமையான கம்ப்யூட்டரை உங்கள் கைகளில் கொடுத்தால் எப்படி இருக்கும்?

இந்திய டெலிகாம் சந்தையில் டேட்டா புரட்சியை ஏற்படுத்திய ரிலையன்ஸ் ஜியோ, இப்போது கம்ப்யூட்டிங் உலகிலும் ஒரு மிகப்பெரிய மாற்றத்தை முன்னெடுத்துள்ளது. பழைய, வேகம் குறைந்த லேப்டாப்பையோ அல்லது கம்ப்யூட்டரையோ தூக்கி எறியாமல், புதிய கம்ப்யூட்டர் வாங்க ரூ.30,000 முதல் ரூ.50,000 வரை செலவழிக்காமல், கிளவுட் தொழில்நுட்பம் மூலம் அதிவேகக் கணினியாக மாற்றுகிறது ஜியோபிசி (JioPC).

Image Credit : Google

நாள் ஒன்றுக்கு ரூ.11 கணக்கு எப்படி வருகிறது?

ஜியோபிசி வழங்கும் வருடாந்திர திட்டத்தின் சலுகைதான் இதன் முக்கிய சிறப்பம்சம். 10 + 2 மாதங்கள் திட்டம் (மொத்தம் 12 மாதங்கள் / 365 நாட்கள்) ரூ.4,000 (ஜிஎஸ்டி வரி உட்பட; விளம்பர சலுகைகளில் இது ரூ.2,000 வரை கூட கிடைக்கிறது). இந்த ரூ.4,000 தொகையை 365 நாட்களுக்குப் பிரித்தால், தோராயமாக ஒரு நாளுக்கான செலவு வெறும் ரூ.10.95 (சுமார் ₹11) மட்டுமே.குறுகிய காலத்திற்குப் பயன்படுத்த விரும்புவோருக்கு, 2 மாதங்களுக்கான கட்டணம் ரூ.1,000 (ஜிஎஸ்டி உட்பட) ஆக நிர்ணயிக்கப்பட்டுள்ளது. வெறும் ரூ.11 செலவில் அன்றாடக் கணினி வேலைகளைச் செய்து முடிக்கும் சுதந்திரம் கிடைப்பது டிஜிட்டல் உலகில் மிகப்பெரிய விஷயம்.

Image Credit : Google

ரூ.11-ல் என்னென்ன சிறப்பம்சங்கள் கிடைக்கின்றன?

குறைந்த கட்டணம் என்பதற்காக வசதிகள் குறைவாக இல்லை. வழக்கமான அன்றாடப் பயன்பாடுகளுக்குத் தேவையான அத்தனை அம்சங்களும் இதில் அடக்கம். 4 விர்ச்சுவல் சிபியு (vCPUs). 8GB RAM மல்டி-டாஸ்கிங் மற்றும் பிரவுசிங் தடையின்றி இயங்கும். 500GB Cloud Storage, ஃபைல்கள், ஆவணங்கள், மீடியாக்களைப் பத்திரமாகச் சேமிக்கலாம். உபுண்டு லினக்ஸ் (Ubuntu Linux) அடிப்படையிலான விர்ச்சுவல் டெஸ்க்டாப். வெறும் 5 நிமிடங்களில் எந்தவித புதிய ஹார்டுவேர் இணைப்பும் இல்லாமல் உடனடியாகப் பயன்படுத்தத் தொடங்கலாம். (கூடுதல் திறன் தேவைப்படுபவர்களுக்கு 8 vCPUs, 16GB RAM மற்றும் 1TB Storage கொண்ட JioPC Ultra திட்டமும் உள்ளது).

Image Credit : Jiopc

ஜியோ கனெக்ஷன் இல்லாவிட்டாலும் பயன்படுத்தலாமா?

ஆம், இதுதான் இந்த சேவையின் மிகப்பெரிய சிறப்பம்சம். எந்த நெட்வொர்க்கிலும் வேலை செய்யும். ஏர்டெல், பிஎஸ்என்எல், வி (Vi) அல்லது எந்தவொரு பிராட்பேண்ட்/வைஃபை நெட்வொர்க் வைத்திருந்தாலும் ஜியோபிசியை பிரவுசர் மூலமாக இயக்கலாம்.எந்த மொபைல் எண்ணையும் பயன்படுத்தலாம்.

பதிவு செய்வதற்கு ஜியோ எண் மட்டுமே இருக்க வேண்டும் என்ற கட்டாயமில்லை; எந்த மொபைல் எண்ணையும் பயன்படுத்தலாம்.எளிய பிரவுசர் லாகின்: உங்கள் பழைய கம்ப்யூட்டரில் உள்ள இணைய உலாவியைத் (Browser) திறந்து, லாகின் செய்தாலே புதிய கணினி திரை கண்முன்னே விரிந்துவிடும்.

Image Credit : Reliance jiopc

யாருக்கு இது வரப்பிரசாதம்?

கோடிங் பயில, ஆன்லைன் தேர்வுகள் எழுத, திட்டப் பணிகளை (Projects) ஆவணப்படுத்த இது பள்ளி & கல்லூரி மாணவர்களுக்கு மிகவும் பயனுள்ளதாக இருக்கும். 6 அல்லது 8 வருடப் பழைய கம்ப்யூட்டரில் ரேம் பற்றாக்குறை அல்லது ஹார்டு டிஸ்க் வேகம் குறைவாக இருந்தால், புதிய பாகங்களை வாங்கிப் பணத்தை வீணாக்காமல் ஜியோபிசி மூலம் புத்துயிர் கொடுக்கலாம்.

பில்லிங், அலுவலக ஆவணங்கள், மின்னஞ்சல் மற்றும் விரிதாள்கள் (Spreadsheets) போன்ற அடிப்படை தேவைகளுக்கு விலையுயர்ந்த கணினிகள் சிறு வணிகர்கள் & ஃப்ரீலான்ஸர்கள் வாங்கத் தேவையில்லை. விலையுயர்ந்த லேப்டாப்களை வாங்க முடியாத நடுத்தரக் குடும்பங்களுக்கும், பழைய கணினிகளை அப்புறப்படுத்த விரும்பாதவர்களுக்கும் இந்த ரூ.11 கிளவுட் கணினி திட்டம் டிஜிட்டல் இடைவெளியைக் குறைக்கும் ஒரு சிறப்பான முன்னெடுப்பு.