தக்காளி, வெங்காயத்தின் விலை அதிகரித்ததா.? கோயம்பேட்டில் ஒரு கிலோ காய்கறி என்ன விலை.?

சமையலுக்கு முக்கிய தேவையான காய்கறிகள் கோயம்பேடு சந்தையில் இருந்து சில்லரை வர்த்தகத்தில் சென்னையில் பல்வேறு இடங்களில் விற்பனை செய்யப்படுகிறது. காய்கறிகளின் வரத்தை பொறுத்து விற்பனை விலையில் ஏற்றம் மற்றும் இறக்கம் காணப்படுகிறது. அந்த வகையில் காய்கறி விலையானது சற்று குறைந்துள்ளது. 

காய்கறி விலை உயர்ந்ததா.? குறைந்ததா.?

சென்னை கோயம்பேடு சந்தைக்கு தமிழகத்தின் பல்வேறு மாவட்டங்களில் இருந்தும், ஆந்திரா மற்றும் கர்நாடகவில் இருந்தும் காய்கறிகள் வருகின்றன. இந்த காய்கறிகளின் வரத்தை பொறுத்து விற்பனை விலையானது மாற்றி அமைக்கப்படுகிறது. அந்தவகையில், சென்னை கோயம்பேடு காய்கறி சந்தையில் பெரிய வெங்காயம் ஒரு கிலோ 30 ரூபாய்க்கும்,  சின்ன வெங்காயம் ஒரு கிலோ 60 ரூபாய்க்கும், பச்சை மிளகாய் ஒரு கிலோ 35 ரூபாய்க்கும், பீட்ரூட் ஒரு கிலோ 38 ரூபாய்க்கும் விற்பனை செய்யப்பட்டு வருகிறது.

Vegetables

வெண்டைக்காய் விலை என்ன.?

உருளைக்கிழங்கு ஒரு கிலோ 30 ரூபாய்க்கும், குடைமிளகாய் ஒரு கிலோ 30 ரூபாய், வாழைப்பூ ஒரு கிலோ 25 ரூபாய்க்கும் விற்பனையாகிறது. முருங்கைக்காய் ஒரு கிலோ 20 ரூபாய்க்கும்,  கத்திரிக்காய் ஒரு கிலோ 25 ரூபாய்க்கும், பெரிய கத்திரிக்காய் ஒரு கிலோ 50 ரூபாய்,  பச்சை கத்தரிக்காய் ஒரு கிலோ 30 ரூபாய்க்கும்,  பீன்ஸ் ஒரு கிலோ 65 ரூபாய்க்கும் விற்பனை செய்யப்பட்டு வருகிறது.

வெண்டைக்காய் ஒரு கிலோ 25 ரூபாய்க்கும்,  முள்ளங்கி ஒரு கிலோ 40 ரூபாய்க்கும், பீர்க்கங்காய் ஒரு கிலோ 40 ரூபாய்க்கும், புடலங்காய் ஒரு கிலோ 20 ரூபாய்க்கும், கோவைக்காய் ஒரு கிலோ 20 ரூபாய்க்கும் விற்பனையாகிறது. 

தக்காளி , இஞ்சி விலை.?

கடந்த சில நாட்களாக உச்சத்தில் இருந்த தக்காளி விலையானது சரசரவென குறைந்து தற்போது ஒரு கிலோ தக்காளி 16 ரூபாயாக விற்பனை செய்யப்பட்டு வருகிறது. அதே நேரத்தில் சமையலுக்கு முக்கிய தேவையான இஞ்சியின் விலையானது உச்சத்தை தொட்டுள்ளது. 50  ரூபாய் முதல் 150 ரூபாய் வரை விற்பனை செய்யப்பட்டு வந்த இஞ்சியானது. தற்போது 240 ரூபாய்க்கு விற்பனை செய்யப்பட்டு வருகிறது