- Home
- Tamil Nadu News
- திமுக வாக்கு வங்கியில் ஓட்டை போட்ட தவெக.. கிறிஸ்தவர்கள், இஸ்லாமியர்கள் வாக்குகளை அள்ளி சுருட்டிய விஜய்!
திமுக வாக்கு வங்கியில் ஓட்டை போட்ட தவெக.. கிறிஸ்தவர்கள், இஸ்லாமியர்கள் வாக்குகளை அள்ளி சுருட்டிய விஜய்!
தேர்தலில் தவெகவுக்கும், திமுகவுக்கும் மட்டும் போட்டி என தொடர்ந்து கூறிவந்த விஜய், இப்போது அதனை செயலில் நிரூபித்துள்ளார். ஏனெனில் திமுகவின் வாக்கு வங்கி முழுமையாக சரிந்துள்ளது.
தமிழக சட்டப்பேரவை தேர்தல் 2026
தமிழக சட்டசபை தேர்தலில் பதிவான வாக்குகள் எண்ணப்பட்டு வரும் நிலையில் நடிகர் விஜய்யின் தவெக பிரம்மாண்டமான வெற்றியை நோக்கி சென்று கொண்டிருக்கிறது. 234 தொகுதிகளிலும் தனித்து களம் கண்ட தவெக தற்போதைய நிலவரப்படி 109 தொகுதிகளில் முன்னிலையில் உள்ளது. பிரதான எதிர்க்கட்சியான அதிமுக 75 தொகுதிகளில் முன்னிலையில் உள்ளது ஆளுங்கட்சியான திமுக 50 தொகுதிகளில் மட்டுமே முன்னிலையில் உள்ளது.
திமுக வாக்கு வங்கியில் கைவைத்த தவெக
தேர்தலில் தவெகவுக்கும், திமுகவுக்கும் மட்டும் போட்டி என தொடர்ந்து கூறிவந்த விஜய், இப்போது அதனை செயலில் நிரூபித்துள்ளார். ஏனெனில் திமுகவின் வாக்கு வங்கி முழுமையாக சரிந்துள்ளது. திமுகவின் கோட்டையாக கருதப்படும் சென்னையில் தவெக முழுமையாக ஆதிக்கம் செலுத்துகிறது. குறிப்பாக இஸ்லாமியர்கள் மற்றும் கிறிஸ்தவர்கள் என சிறுபான்மையினர் வாக்குகள் முழுவதும் எப்போதும் திமுக பக்கம் இருக்கும்.
சிறுபான்மையினர் வாக்கு வங்கி
ஆனால் இந்த முறை சிறுபான்மையினர் வசிக்கும் பெரும்பாலான தொகுதிகளில் தவெக முன்னிலை பெற்றுள்ளது. அதாவது கிறிஸ்தவர்கள் அதிக வசிக்கும் நாகர்கோவில், விளவங்கோடு, குளச்சல், ஆகிய தொகுதிகளில் தவெக முன்னிலையில் உள்ளது. மேலும் சென்னையில் கிறிஸ்தவர்கள் வசிக்கும் மயிலாப்பூர், பெரம்பூர், ஆலந்தூர் மற்றும் தாம்பரம் தொகுதிகளில் தவெக முன்னிலை பெற்றுள்ளது. மிக முக்கியமாக திருநெல்வேலி, பாளையங்கோட்டை, ராதாபுரம் என கிறிஸ்தவர்கள் கணிசமாக வசிக்கும் தொகுதிகளில் தவெக வெற்றி பெறும் நிலையில் உள்ளது.
கிறிஸ்தவர்கள் வாக்குகள்
இது மட்டுமின்றி கிறிஸ்தவர்கள் வசிக்கும் திருச்சி கிழக்கு தொகுதியில் விஜய் மிக பிரம்மாண்டமாக வெற்றி பெற உள்ளார். இதேபோல் இஸ்லாமியர்கள் அதிகம் வசிக்கும் வேலூர் மாவட்டம் வாணியம்பாடி, ஆம்பூர், வேலூர், குடியாத்தம் ஆகிய தொகுதிகளிலும் தவெக ஆதிக்கம் அதிகம் உள்ளது. சென்னையில் சேப்பாக்கம் திருவல்லிக்கேணி, துறைமுகம், வில்லிவாக்கம் இஸ்லாமியர்கள் அதிகம் வசிக்கும் பகுதிகளில் திமுக வாக்கு வங்கியை தவெக சிதைத்துள்ளது.
இஸ்லாமியர்கள் வாக்குகள்
மேலும் இஸ்லாமியர்கள் நிறைந்த கோட்டையாக கருதப்படும் ராமநாதபுரத்திலும், கீழக்கரை, கடையநல்லூர் ஆகிய தொகுதிகளிலும் இடங்களில் வெற்றிபெறும் நிலையில் உள்ளது. திமுக காலம் காலமாக சிறுபான்மையினர் வாக்குகளை அறுவடை செய்து வந்த நிலையில் இந்த வாக்குகளை தவெக மொத்தமாக அள்ளியதே திமுகவின் படுதோல்விக்கு முக்கிய காரணமாக பார்க்கப்படுகிறது.
