எம்.ஜி.ஆரையே தூக்கி சாப்பிட்ட விஜய்.. தவெக 34.90% வாக்குகள்.. அட! திமுக, அதிமுக இவ்வளவுதானா?

தமிழகத்தை பொறுத்தவரை 2006ம் ஆண்டு தேர்தலில் கேப்டன் விஜயகாந்த் 8.5% வாக்குகளையும், உலக நாயகன் கமல்ஹாசன் 2021ம் ஆண்டு தேர்தலில் கமல்ஹாசன் 2.6% வாக்குகளையும் பெற்று இருந்தது குறிப்பிடத்தக்கது. 

Image Credit : AI

தமிழக அரசியலில் விஜய் சாதனை

தமிழக அரசியலில் ஒரு அதிரடி திருப்பத்தை ஏற்படுத்தியுள்ளார் நடிகர் விஜய். முதன்முறையாக தேர்தலில் போட்டியிடும் விஜய்யின் தவெக 108 தொகுதிகளில் முன்னிலை பெற்று கூட்டணி ஆட்சி அமைக்க உள்ளது. தனது மக்கள் செல்வாக்கை வாக்குகளாக மாற்றி, தனது அரசியல் பயணத்தை ஒரு பிளாக்பஸ்டர் வெற்றியாகத் தொடங்கியுள்ளார் விஜய். இந்த தேர்தலில் திமுக 24.20% வாக்குகளையும், அதிமுக 21.35% வாக்குகளையும் பெற்றுள்ளன.

எம்.ஜி.ஆரையே தூக்கி சாப்பிட்ட விஜய்

ஆனால் முதன்முறை களம் கண்ட தவெக 34.90% வாக்குகளுடன் அனைவரையும் ஆச்சரியத்தில் ஆழ்த்தியுள்ளது. அதாவது புரட்சித் தலைவர் எம்.ஜி.ஆர் 1977ம் ஆண்டு 30.4% வாக்குகள் பெற்று ஆட்சியை பிடித்தார். இப்போது விஜய் எம்.ஜி.ஆர் சாதனையையே முறியடித்து மாஸ் காட்டியுள்ளார். தமிழகத்தை பொறுத்தவரை 2006ம் ஆண்டு தேர்தலில் கேப்டன் விஜயகாந்த் 8.5% வாக்குகளையும், உலக நாயகன் கமல்ஹாசன் 2021ம் ஆண்டு தேர்தலில் கமல்ஹாசன் 2.6% வாக்குகளையும் பெற்று இருந்தது குறிப்பிடத்தக்கது.

Image Credit : ANI

விஜய் வெற்றிக்கான காரணங்கள்

விஜய்யின் இந்த வெற்றி பல காரணங்களுக்காக முக்கியத்துவம் பெறுகிறது. அரசியல் பிரவேசத்தின் போது பல சந்தேகங்கள், சர்ச்சைகள் மற்றும் மற்ற நடிகர்-அரசியல்வாதிகளுடன் ஒப்பிட்டுப் பேசப்பட்டார். ஆனால், தனது ரசிகர்களின் ஆதரவை வாக்குகளாக மாற்றி, போதைப்பொருள் எதிர்ப்பு மற்றும் சமூக நீதி போன்ற பிரச்சினைகளை மையமாக வைத்து பிரச்சாரம் செய்து, அனைத்து கணிப்புகளையும் பொய்யாக்கியுள்ளார். இளைஞர்கள் மற்றும் சிறுபான்மையினர் மத்தியில் அவருக்கு இருந்த செல்வாக்கு, பாரம்பரிய திராவிடக் கட்சிகளின் கோட்டைகளை அசைத்துப் பார்த்துள்ளது.

Image Credit : Asianet News

தலைமுறை மாற்றம்

இந்தத் தருணம் சரித்திர முக்கியத்துவம் வாய்ந்தது. தமிழ்நாடு பல நடிகர்-அரசியல்வாதிகளைப் பார்த்திருந்தாலும், விஜய்யின் எழுச்சி ஒரு தலைமுறை மாற்றத்தைக் குறிக்கிறது. பெரம்பூர் மற்றும் திருச்சி கிழக்கு ஆகிய இரண்டு தொகுதிகளிலும் வெற்றி பெற்றதன் மூலம், விஜய் அரசியலுக்குள் நுழைவது மட்டுமல்ல, மாநிலத்தின் எதிர்காலத்தை தீர்மானிக்கும் ஒரு முக்கிய சக்தியாக தன்னை நிலைநிறுத்தியுள்ளார்.