பெட்டி பெட்டியா தக்காளி... மூட்டை மூட்டையாக வெங்காயம்..! குவியும் காய்கறிகள் - ஒரு கிலோ இவ்வளவு தானா.?

Tomato And Onion Price drop : தக்காளி, வெங்காயம் மற்றும் முக்கிய காய்கறிகளின் விலை கணிசமாகக் குறைந்துள்ளது. சென்னை கோயம்பேடு சந்தையில் தக்காளி கிலோ 15 ரூபாய்க்கும், வெங்காயம் 20 ரூபாய்க்கும் விற்கப்படுவதால் பொதுமக்கள் மகிழ்ச்சி

Image Credit : google

சமையலும் காய்கறிகளும்

சமையல் என்றாலே அனைவருக்கும் நினைவிற்கு வருவது காய்கறிகள், அதிலும் புரட்டாசி மாதம் என்றால் கேட்கவா வேண்டும். மட்டன், சிக்கன், மீன் வகைகளுக்கு தடை விதிக்கப்பட்டு இந்த ஒரு மாதம் காய்கறிகள் மட்டும் பெரும்பாலான வீடுகளில் சமையலாக இருக்கும். அந்த வகையில் காய்கறிகள் விலையானது இந்த மாதம் உயரத்தொடங்கும். 

ஆனால் இதற்கு நேர்மாறாக காய்கறி சந்தையில் விலையானது பெரிய அளவில் மாற்றம் இல்லாமல் விற்பனையாகி வருகிறது. அதிலும் சமையலில் முக்கிய தேவையாக இருக்கக்கூடிய தக்காளி மற்றும் வெங்காயத்தின் விலையானது சரிந்துள்ளது.

Image Credit : our own

தக்காளி, வெங்காயம் விலை என்ன.?

கடந்த சில வாரங்களுக்கு முன்பாக தக்காளி விலையானது உயர்ந்தது. ஒரு கிலோ 70 முதல் 80 ரூபாய் வரை விற்பனையானது. இதே போல பெரிய வெங்காயத்தின் விலையும் ஒரு கிலோ 40 ரூபாய்க்கு விற்பனையானது. இந்த நிலையில் விளைச்சல் அதிகரிப்பால் பெட்டி பெட்டியாக தக்காளி குவிந்துள்ளது. இதனால் தக்காளி விலை ஒரு கிலோ 15 முதல் 20 ரூபாய்க்கு விற்பனை செய்யப்படுகிறது.

100 ரூபாய்க்கு 5 கிலோ தக்காளியை கூவி கூவி காய்கறி சந்தையில் விற்பனை செய்யப்படுகிறது. இதே போல வெங்காயத்தின் விலையும் எந்த வித மாற்றமும் இன்றி ஒரு கிலோ 20 ரூபாய் முதல் 30 வரை வரை தரத்தை பொறுத்து விற்பனை செய்யப்படுகிறது. எனவே தக்காளி மற்றும் வெங்காயத்தின் விலை குறைவாக இருப்பதால் பை நிறைய பொதுமக்கள் வாங்கி செல்கிறார்கள்.

Image Credit : our own

பச்சை காய்கறிகளின் விலை என்ன.?

சென்னை கோயம்பேடு காய்கறி சந்தையில், பெரிய வெங்காயம் ஒரு கிலோ 15 முதல் 20 ரூபாய்க்கும், சின்ன வெங்காயம் ஒரு கிலோ 45 ரூபாய்க்கும், தக்காளி ஒரு கிலோ 25 முதல் 35 ரூபாய்க்கும், பச்சை மிளகாய் ஒரு கிலோ 40 ரூபாய்க்கும், பீட்ரூட் ஒரு கிலோ ரூ. 20 ரூபாய்க்கும்,

 உருளைக்கிழங்கு ஒரு கிலோ 25 ரூபாய்க்கும், வாழைப்பூ ஒரு கிலோ 15 ரூபாய்க்கும், குடைமிளகாய் ஒரு கிலோ 40 ரூபாய்க்கும், பாகற்காய் ஒரு கிலோ 40 ரூபாய்க்கும், சுரைக்காய் ஒரு கிலோ 35 ரூபாய்க்கும், அவரைக்காய் ஒரு கிலோ 60 ரூபாய்க்கும், முட்டைக்கோஸ் ஒரு கிலோ 10 ரூபாய்க்கும் விற்பனை செய்யப்பட்டு வருகிறது.

Image Credit : Asianet News

கேரட், வெண்டைக்காய் விலை என்ன.?

கேரட் ஒரு கிலோ 40 ரூபாய்க்கும், காலிபிளவர் ஒரு கிலோ 25 ரூபாய்க்கும், கொத்தவரை ஒரு கிலோ 60 ரூபாய்க்கும், வெள்ளரிக்காய் ஒரு கிலோ 25 ரூபாய்க்கும், முருங்கைக்காய் ஒரு கிலோ 20 ரூபாய்க்கும், கத்திரிக்காய் ஒரு கிலோ 40 ரூபாய்க்கும், பீன்ஸ் ஒரு கிலோ 40 ரூபாய்க்கும், இஞ்சி ஒரு கிலோ 80 ரூபாய்க்கும், 

வெண்டைக்காய் ஒரு கிலோ 25 ரூபாய்க்கும், பூசணி ஒரு கிலோ 35 ரூபாய்க்கும், முள்ளங்கி ஒரு கிலோ 20 ரூபாய்க்கும், பீர்க்கங்காய் ஒரு கிலோ 50 ரூபாய்க்கும், புடலங்காய் ஒரு கிலோ 30 ரூபாய்க்கும், கோவக்காய் ஒரு கிலோ 20 ரூபாய்க்கும் சென்னை கோயம்பேடு காய்கறி சந்தையில் விற்பனை செய்யப்பட்டு வருகிறது