தமிழகத்தில் மழைக்கு வாய்ப்பா? வெயில் எப்படி இருக்கும்? வானிலை மையம் சொன்ன முக்கிய தகவல்!

தமிழகத்தில் பகலில் வெப்பம் அதிகரித்தும், இரவில் பனிமூட்டமும் நிலவுகிறது. வரும் நாட்களில் வெப்பநிலை உயரக்கூடும் என்று வானிலை மையம் தெரிவித்துள்ளது.

தமிழகத்தில் இரவு மற்றும் அதிகாலை வேளையில் பனிபொழிவும், பகல் நேரத்தில் கோடை வெயிலை மிஞ்சும் அளவுக்கு கடுமையான வெயில் சுட்டெரித்து வருகிறது. இதனால் பொதுமக்கள் பகல் நேரங்களில் வெளியில் செல்வதற்கே அஞ்சுகின்றனர். இந்நிலையில் தமிழகத்தில் வரும் நாட்களில் பனிபொழிவு மற்றும் வெப்ப நிலை எப்படி இருக்கும் என சென்னை வானிலை மையம் அறிவிப்பு வெளியிட்டுள்ளது. 

tamil nadu weather update

அதாவது இன்று மற்றும் நாளை தமிழகம், புதுவை மற்றும் காரைக்கால் பகுதிகளில் பொதுவாக வறண்ட வானிலை நிலவக்கூடும். காலை வேளையில் பொதுவாக லேசான பனிமூட்டம் காணப்படும். 

இதையும் படிங்க: இரண்டு நாட்கள் விடுமுறை! மாணவர்களுக்கு மட்டுமல்ல பொதுமக்களுக்கும் சூப்பர் நியூஸ் சொன்ன போக்குவரத்து துறை!

temperature prediction

அதேபோல் மார்ச் 07 முதல் 09 வரை தமிழகம், புதுவை மற்றும் காரைக்கால் பகுதிகளில் பொதுவாக வறண்ட வானிலை நிலவக்கூடும். 10 மற்றும் 11ம் தேதி வரை தமிழகம், புதுவை மற்றும் காரைக்கால் பகுதிகளில் ஒரிரு இடங்களில் லேசானது முதல் மிதமான மழை பெய்யக்கூடும் என வானிலை மையம் தெரிவித்துள்ளது.

temperature increases

மார்ச் 5 முதல் 9ம் தேதி வரை அதிகபட்ச வெப்பநிலை படிப்படியாக 2° செல்சியஸ் வரை உயரக்கூடும். தமிழகத்தில் அதிகபட்ச வெப்பநிலை ஓரிரு இடங்களில் 2-3° செல்சியஸ் இயல்பை விட அதிகமாக இருக்கக்கூடும்.

Chennai Fog

சென்னை மற்றும் புறநகர் பகுதிகளில் இன்று வானம் ஓரளவு மேகமூட்டத்துடன் காணப்படும். அதிகாலை வேளையில் பொதுவாக லேசான பனிமூட்டம் காணப்படும். அதிகபட்ச வெப்பநிலை 33-34° செல்சியஸை ஒட்டியும், குறைந்தபட்ச வெப்பநிலை 24° செல்சியஸை ஒட்டியும் இருக்கக்கூடும்.

Chennai weather report

நாளை வானம் ஓரளவு மேகமூட்டத்துடன் காணப்படும். அதிகாலை வேளையில் பொதுவாக லேசான பனிமூட்டம் காணப்படும். அதிகபட்ச வெப்பநிலை 33-34° செல்சியஸை ஒட்டியும், குறைந்தபட்ச வெப்பநிலை 24° செல்சியஸை ஒட்டியும் இருக்கக்கூடும் என தெரிவித்துள்ளது. மீனவர்களுக்கு எந்த எச்சரிக்கையும் விடுக்கப்படவில்லை.