ரூட் மாறிய ஃபெங்கல் புயல்.! எந்த பகுதியில், எப்போது கரையை கடக்கும்- வெதர்மேன் புதிய அப்டேட்

Tamil Nadu Weatherman Fengal Cyclone Alert : வங்க கடலில் இன்று மாலை உருவாகும் ஃபெங்கல் புயல் காரணமாக நவம்பர் 29 மற்றும் 30 தேதிகளில் டெல்டா மாவட்டங்கள் மற்றும் சென்னையில் கனமழை பெய்யும்.

Tamil Nadu Rains

வங்க கடலில் உருவாகும் புயல்

தமிழகத்தில் இந்தாண்டின் வட கிழக்கு பருவமழையின் முதல் புயல் உருவாகவுள்ளது. அந்த வகையில்  இந்திய பெருங்கடல் பகுதியில் நிலவிய காற்றழுத்த தாழ்வு மண்டலம் ஆழ்ந்த காற்றழுத்த தாழ்வு மண்டலமாக வலுப்பெற்றுள்ளது. இலங்கை - தமிழகம் கடற்கரை பகுதியில் நிழவும் ஆழ்ந்த காற்றழுத்த தாழ்வு மண்டலம்  மணிக்கு 13 கிலோ மீட்டர் வேகத்தில் நகர்ந்து வருகிறது.  இன்று மாலை புயலாக வலுபெறக்கூடும் என வானிலை மையம் தெரிவித்துள்ளது. இந்த புயலுக்கு ஃபெங்கல் என வானிலை மையம் பெயரிடவுள்ளது. 

எந்த பகுதியில் புயல் கரையை கடக்கும்

இந்த ஃபெங்கல் புயல் டெல்டா மாவட்டங்களில் கரையை கடக்கும், புயலாக உருமாறி பர்மா, வங்கதேசம் நோக்கி செல்லும் என கூறப்பட்டது. அடுத்ததாக சென்னை- புதுவை இடையே கரையை கடக்கும் என தெரிவிக்கப்பட்டது. இந்தநிலையில்  தனியார் வானிலை ஆய்வாளர் தமிழ்நாடு வெதர்மேன் பிரதீப் ஜான் புயல் கரையை கடக்கும் இடம் தொடர்பாக பதிவிட்டுள்ளார். 

மேலும் இந்த புயலின் காரணமாக சென்னைக்கு மழை எப்படி இருக்கும் எனவும் தேதி வாரியாக குறிப்பிட்டுள்ளார். சென்னைக்கு தெற்கே புயல் கரையை கடப்பதால் சென்னைக்கு கன மழை பெய்ய வாய்ப்பு இருப்பதாக தெரிவித்துள்ளார். 

எந்த பகுதியில் மழை

நவம்பர் 30-ம் தேதி பரங்கிப்பேட்டை, கடலூர், சென்னை இடையே கரையை ஃபெங்கல் புயல் கடக்கும் என தெரிவித்துள்ளார். மேலும் இந்த புயலின் காரணமாக தமிழகத்தில் டெல்டா மாவட்டங்கள் மற்றும் நவம்பர் 29 மற்றும் 30 தேதிகளில் சென்னை பகுதியில் கனமழை பெய்யும் என பதிவிட்டுள்ளார். 

tamilnadu rain

சென்னைக்கு மழை வாய்ப்பு

27ம் தேதி - சென்னை இன்று லேசானது முதல் மிதமான மழை - வடக்கு நகர்வு

28th - சென்னை நாளை மிதமான மழை - வடக்கு நகர்வு

29th - சென்னை கனமழை - மேற்கு நோக்கி நகர்வு

30th - சென்னைக்கு கன முதல் மிக கனமழை பெய்யும் - மேற்கு இயக்கம்

டிசம்பரில் மழை

டிசம்பர் 1ஆம் தேதி - சென்னையில்  மிதமான மழை 

டிசம்பர் 2ஆம் தேதி - சென்னை மிதமான மழை - 

மேலும் ராணிப்பேட்டை, வேலூர், திருவண்ணாமலை, திருப்பத்தூர், கிருஷ்ணகிரி போன்ற உள்பகுதிகளை கடந்து கொங்கு பெல்ட் வரை புயல் மற்றும் காற்று அழுத்தத்தால் மழை பெய்யும் என கூறியுள்ளார்.