பள்ளிகளுக்கு 45 நாட்கள் கோடை விடுமுறை.. மாணவர்கள், ஆசிரியர்கள் குஷி.. முழு விவரம் இதோ!

தமிழகத்தில் பள்ளிகளுக்கு ஆண்டு இறுதித்தேர்வு முடிந்து 45 நாட்கள் கோடை விடுமுறை விடப்படுகிறது. எப்போது இருந்து விடுமுறை தொடங்குகிறது? என்பது குறித்து இந்த செய்தியில் விரிவாக பார்க்கலாம். 

Image Credit : Asianet News

பள்ளிகளுக்கு கோடை விடுமுறை

விடுமுறை என்றாலே பள்ளி மாணவர்கள் குஷியில் துள்ளிக்குதிக்க ஆரம்பித்து விடுவார்கள். 2026ம் ஆண்டின் தொடக்கத்தில் ஜனவரி மாதம் பொங்கல் பண்டிகை, குடியரசு தினம் என நிறைய விடுமுறை கிடைத்தது. ஆனால் பிப்ரவரி மாதமும், மார்ச் மாதமும் போதிய விடுமுறை கிடைக்கவில்லை. அடுத்த மாதமான ஏப்ரல் மாதத்தில் முழு ஆண்டு தேர்வு முடிந்து கோடை விடுமுறை தொடங்குவது வழக்கம். ஆகையால் இந்த ஆண்டு கோடை விடுமுறை குறித்த அறிவிப்பு எப்போது வரும் என மாணவர்கள் எதிர்பார்த்து காத்திருந்தனர்.

Image Credit : our own

ஆண்டு இறுதித்தேர்வு எப்போது?

இந்த நிலையில், இந்த ஆண்டு பள்ளி இறுதித் தேர்வுகள் முடிந்து 45 நாட்கள் கோடை விடுமுறை விடப்படும் என குஷியான தகவல் வெளியாகி உள்ளது. அதாவது தமிழகத்தில் சட்டமன்ற தேர்தல் ஏப்ரல் 23ம் தேதி நடைபெற உள்ள நிலையில், அதற்கு பள்ளி இறுதியாண்டு தேர்வுகள் நடத்தி முடிக்கப்பட உள்ளது. 6ம் வகுப்பு முதல் 9ம் வகுப்பு வரையில் படிக்கும் மாணவர்களுக்கு ஏப்ரல் 16ம் தேதிக்குள் தேர்வுகள் நடத்தி முடிக்கப்படும்.

Image Credit : Asianet News

45 நாட்கள் பள்ளிகளுக்கு விடுமுறை

இதன்பின்பு ஏப்ரல் 17ம் தேதி முதல் மே 31ம் தேதி வரையிலான 45 நாட்கள் பள்ளிகளுக்கு கோடை விடுமுறை விடப்படும் என பள்ளிக்கல்வித்துறை அதிகாரிகள் தெரிவித்துள்ளனர். கோடை விடுமுறை முடிந்து பள்ளிகள் எப்போது திறக்கப்படும்? என்பது குறித்து பின்னர் அறிவிக்கப்படும். பள்ளிகளுக்கு 45 நாட்கள் கோடை விடுமுறை வருவதால் மாணவர்கள், ஆசிரியர்கள் மகிழ்ச்சியில் துள்ளிக்குதிக்க ஆரம்பித்துள்ளனர்.

Image Credit : stockPhoto

கோடை சுற்றுலாவுக்கு ரெடி

10ம் வகுப்பு மாணவர்களை பொறுத்தவரை மார்ச் 11 முதல் ஏப்ரல் 6ம் தேதி வரையில் தேர்வுகள் நடைபெறுகின்றன. 11ம் வகுப்பு மாணவர்களுக்கு மார்ச் 27 ஆம் தேதி வரையிலும் தேர்வுகள் நடைபெற உள்ளன. ஆகையால் இந்த இரண்டு வகுப்புகளுக்கும் முன்கூட்டியே விடுமுறை கிடைக்கும் என்பது குறிப்பிடத்தக்கது. பள்ளிகள் கோடை விடுமுறை அறிவிப்பு வந்து விட்டதால் சில மாணவர்களின் வீட்டில் இப்போதே கோடை சுற்றுலாவுக்கு திட்டமிட தொடங்கி விட்டனர்.