முதல்வர் ஸ்டாலினின் அடுத்த அதிரடி சரவெடி அறிவிப்பு..! 1 லட்சம் நபர்களுக்கு இலவச வீடு..!

கலைஞர் கனவு இல்லத்தின் கீழ் தமிழகம் முழுவதும் தற்போது வரை சுமார் 2 லட்சம் வீடுகள் கட்டப்பட்டுள்ள நிலையில், மேலும் ஒரு லட்சம் வீடுகளைக் கட்ட அனுமதி வழங்கி தமிழக அரசு அறிவிப்பு வெளியிட்டுள்ளது.

Image Credit : Google

திட்டத்தின் இலக்கு மற்றும் நிதி ஒதுக்கீடு

தமிழகத்தில் குடிசைகளே இல்லாத நிலையை உருவாக்க வேண்டும் என்கிற இலக்கோடு, 2024-25 நிதியாண்டிற்கான பட்ஜெட்டில் முதலமைச்சர் மு.க.ஸ்டாலின் இத்திட்டத்தினை அறிமுகப்படுத்தினார். "ஏழையின் சிரிப்பில் இறைவனைக் காண்போம்" என்ற அண்ணா அவர்களின் கொள்கைப்படி, கிராமப்புறங்களில் உள்ள ஏழை எளிய மக்கள் தங்களுக்கு என ஒரு கான்கிரீட் வீட்டைக் கொண்டிருக்க வேண்டும் என்பதே இதன் நோக்கம்.

தமிழக அரசு தமிழகத்தை "குடிசைகள் இல்லாத மாநிலமாக" மாற்ற இலக்கு நிர்ணயித்துள்ளது. இத்திட்டத்தின் கீழ் தற்போது வரை சுமார் 2 லட்சம் வீடுகள் கட்டி கொடுக்கப்பட்டுள்ளதாக அறிவிக்கப்பட்டுள்ளது. மேலும் அடுத்த சில ஆண்டுகளில் மொத்தம் 8 லட்சம் வீடுகள் கட்ட திட்டமிடப்பட்டுள்ளது. ஒரு வீடு கட்டுவதற்கு தமிழக அரசு ரூ. 3.50 லட்சம் நிதியுதவி வழங்குகிறது.

Image Credit : Google

வீட்டின் பரப்பளவு மற்றும் கட்டமைப்பு

ஒவ்வொரு வீடும் குறைந்தபட்சம் 360 சதுர அடி பரப்பளவில் கட்டப்பட வேண்டும். இதில் ஒரு சமையலறை மற்றும் கழிப்பறை வசதி கண்டிப்பாக இருக்க வேண்டும்.

அரசு வழங்கும் ரூ. 3.50 லட்சம் நிதியுடன், பயனாளிகள் தங்கள் விருப்பத்திற்கேற்ப கூடுதல் தொகையைச் செலவழித்து வீட்டை விரிவுபடுத்திக் கொள்ளவும் அனுமதி உண்டு.

சுயஉதவிக்குழுக்கள் மூலமாகவோ அல்லது பயனாளிகளே நேரடியாகவோ கட்டுமானப் பணிகளை மேற்கொள்ளலாம்.

Image Credit : Google

தகுதிகள் மற்றும் விண்ணப்பிக்கும் முறை

இத்திட்டத்தில் பயன்பெற பின்வரும் தகுதிகள் அவசியம்:

பயனாளி வறுமைக் கோட்டிற்கு கீழ் இருக்க வேண்டும்.

சொந்தமாக பட்டா நிலம் இருக்க வேண்டும் (நிலம் இல்லாதவர்களுக்கு அரசு நிலம் வழங்க முன்னுரிமை அளிக்கும்).

பழைய குடிசை வீடு அல்லது ஓட்டு வீடுகளில் வசிப்பவராக இருக்க வேண்டும்.

மத்திய/மாநில அரசின் இதர வீட்டு வசதி திட்டங்களில் ஏற்கனவே பயன் பெற்றிருக்கக் கூடாது.

விண்ணப்பிக்கும் முறை: அந்தந்த ஊராட்சி மன்ற அலுவலகம் அல்லது பிளாக் டெவலப்மெண்ட் அலுவலகத்தில் (BDO Office) விண்ணப்பிக்கலாம். தற்போது பெரும்பாலான மாவட்டங்களில் இதற்கான தகுதியான பயனாளிகள் பட்டியல் ஆன்லைன் மூலம் சரிபார்க்கப்படுகிறது.

இந்த நிலையில் தமிழகம் முழுவதும் மேலும் சுமார் 1 லட்சம் வீடுகளைக் கட்ட தமிழக அரசு அனுமதி வழங்கி உத்தரவு வெளியிட்டுள்ளது. இதனால் இத்திட்டத்தில் விண்ணப்பித்து காத்திருக்கும் பயனாளிகள் மகிழ்ச்சி அடைந்துள்ளனர்.