தமிழக அரசு லேப்டாப்பில் இவ்வளவு 'ஹைடெக்' அம்சங்களா? வேற லெவல்.. மாணவர்களுக்கு ஜாக்பாட்!

தமிழக அரசு முதற்கட்டமாக 10 லட்சம் கல்லூரி மாணவர்களுக்கு இன்று லேப்டாப் வழங்கியுள்ளது. இந்த லேப்டாப்பில் என்னென்ன வசதிகள் உள்ளன? என்பது குறித்து இந்த செய்தியில் விரிவாக‌ பார்க்கலாம்.

Image Credit : x

கல்லூரி மாணவர்களுக்கு லேப்டாப்

தமிழகத்தில் 20 லட்சம் கல்லூரி மாணவர்களுக்கு லேப்டாப் வழங்கப்படும் என்று திமுக அரசு பட்ஜெட் தாக்கலின்போது தெரிவித்து இருந்தது. இதில் முதற்கட்டமாக 10 லட்சம் மாணவர்களுக்கு இன்று லேப்டாப் வழங்கப்பட்டுள்ளது. சென்னை நந்தம்பாக்கம் நடந்த விழாவில் கல்லூரி மாணவர்களுக்கு லேப்டாப் வழங்கும் திட்டத்தை முதல்வர் ஸ்டாலின் தொடங்கி வைத்தார்.

Image Credit : x

தமிழக அரசு லேப்டாப்பில் என்னென்ன வசதிகள்?

தமிழக அரசு வழங்கிய லேப்டாப்பில் அரசு சின்னத்துடன் முதல்வர் மு.க.ஸ்டாலின் மற்றும் முன்னாள் முதல்வர் கருணாநிதியின் புகைப்படங்கள் இடம்பெற்றுள்ளன. தமிழக அரசு மாணவர்களுக்கு வழங்கிய விலையில்லா லேப்டாப் Dell, HP, மற்றும் Acer ஆகிய உலகத்தரம் வாய்ந்த நிறுவனங்களிடம் இருந்து வாங்கப்பட்டுள்ளன. 

இதில் 14 இன்ச் அளவிலான உயர் தெளிவுத்திறன் கொண்ட டிஸ்பிளே கொடுக்கப்பட்டுள்ளது. Intel Core i3/ AMD Ryzen 3 என அதிவேகமான பிராசஸர் வழங்கப்பட்டுள்ளது.

Image Credit : x

Perplexity Pro AI சந்தா 6 மாதம் இலவசம்

8 GB DDR4 RAM, 256 GB SSD நினைவகம் கொடுக்கப்பட்டுள்ளது. Windows 11 Home மற்றும் தமிழக அரசின் BOSS Linux ஆகிய இரண்டு இயங்குதளங்களும் உள்ளன. MS Office 365 மென்பொருள் தொகுப்பு இன்ஸ்டால் செய்யப்பட்டுள்ளது. 

மேலும் செயற்கை நுண்ணறிவு தொழில்நுட்பமான Perplexity Pro AI மென்பொருளின் 6 மாத கால சந்தா (Subscription) இலவசமாக வழங்கப்பட்டுள்ளதால் மாணவர்களின் சந்தேகங்களை உடனுக்குடன் தீர்த்துக் கொள்ள முடியும். 

 720p HD கேமரா, Bluetooth 5.0 ஆகிய வசதிகள் உள்ளன. இந்த லேப்டாப்டை எடுத்துச் செல்ல தரமான பேக்கும் வழங்கப்பட்டுள்ளது என்பது குறிப்பிடத்தக்கது.