அரையாண்டு தேர்வுக்கு தயாரா.. மாணவர்களுக்கு பள்ளிக்கல்வித்துறை வெளியிட்ட முக்கிய அப்டேட்!

பள்ளிக்கல்வித்துறை 6 முதல் 12 ஆம் வகுப்பு மாணவர்களுக்கான அரையாண்டு தேர்வு அட்டவணையை வெளியிட்டுள்ளது. மேலும், 1 முதல் 8 ஆம் வகுப்பு வரையிலான மாணவர்களுக்கு வினாத்தாள்களை EMIS மற்றும் தேர்வு இணையதளம் மூலம் பதிவிறக்கம் செய்வதற்கான புதிய வழிகாட்டுதல்கள்.

Image Credit : our own

அரையாண்டு தேர்வு

அரசு, அரசு உதவி பெறும் மற்றும் தனியார் பள்ளிகளுக்கு 6 முதல் 12ம் வகுப்பு மாணவர்களுக்கான அரையாண்டு தேர்வுக்கான அட்டவணையை பள்ளிக்கல்வித்துறை கடந்த சில நாட்களுக்கு முன் வெளியிட்டுள்ளது. இதில் 6 முதல் 9-ம் வகுப்பு வரையிலான மாணவர்களுக்கு டிசம்பர் 15-ம் தேதி தொடங்கி 23-ம் தேதி வரையிலும், 10 மற்றும் 12-ம் வகுப்பிற்கு டிசம்பர் 10-ம் தேதி தேர்வுகள் தொடங்கி 23-ம் தேதி வரையும் நடைபெறுகிறது.

Image Credit : our own

1 முதல் 8-ம் வகுப்பு மாணவர்கள்

இதற்​கான வினாத்​தாள் தயாரிப்பு பணி​களில் ஆசிரியர்கள் குழு ஈடுபட்டு வருகின்றது. இந்​நிலை​யில், 1 முதல் 8-ம் வகுப்பு வரை மாணவர்​களுக்​கான வினாத்​தாளை பதி​விறக்​கம் செய்​வதற்​கான வழி​காட்​டு​தல்​களை தொடக்​கக் கல்​வித் துறை வெளி​யிட்​டுள்​ளது.

Image Credit : our own

1 முதல் 5-ம் வகுப்புகளுக்கு

அதாவது 1 முதல் 5-ம் வகுப்பு வரை​யான வினாத்​தாள்​களை எமிஸ் தளத்​தில் டிசம்பர் 3-ம் தேதி வரை மாவட்​டக் கல்வி அலு​வலர்​கள் பதி​விறக்​கம் செய்து கொள்​ளலாம். அதன்​பின்​னர் பள்ளிகளில் குழந்​தைகளின் எண்ணிக்கைக்கு ஏற்ப அவற்றை பிரதி எடுக்க வேண்​டும். தொடர்ந்து வினாத்​தாள்​களை வகுப்​பு, பாடம், பயிற்​று மொழி வாரி​யாக பிரித்​து, உறை​யிட்ட கவரில் வைத்து தேர்​வுக்கு 2 நாட்​களுக்கு முன்​பாக வட்​டாரக் கல்வி அலுவலர்​கள் வாயி​லாக பள்​ளி​களுக்கு அனுப்​பி வைக்க வேண்டும்.

Image Credit : our own

6 முதல் 8ம் வகுப்புகளுக்கு

தலைமை ஆசிரியர்​கள் அவற்றை பாது​காப்​பாக வைத்​து, தேர்வு நடை​பெறும் நாளில் வினாத்​தாளை எடுத்து பயன்​படுத்த வேண்​டும். இதே​போல், 6 முதல் 8-ம் வகுப்பு வரை​யான மாணவர்​களுக்கு https://exam.tnschools.gov.in என்ற இணை​யதளத்​தில் வினாத்​தாள்​கள் பதிவேற்​றம் செய்​யப்​படும். தேர்வு நடை பெறும் நாளுக்கு முந்​தைய தினம் காலை 9 மணி​யில் இருந்து பள்​ளி​கள் நேரடி​யாக வினாத்​தாள்​களை பதி​விறக்​கம் செய்து கொள்ள வாய்ப்பு வழங்​கப்​படும். வழி​காட்​டு​தல்​களை பின்​பற்றி தேர்வை சிறப்​பாக நடத்தி முடிக்க வேண்​டும் என தெரிவிக்கப்பட்டுள்ளது.