H.ராஜாவுக்கு பக்கவாதம்! முதலுதவி சிகிச்சை அளித்து உயிரை காப்பாற்றிய திமுக டாக்டர்! வெளியான தகவல்

பாஜக தலைவர் எச்.ராஜா மேடையிலேயே மயங்கி விழுந்தார். பக்கவாதம் ஏற்பட்டதாக கூறப்படும் நிலையில் அவருக்கு திமுக மருத்துவர் முதலுதவி சிகிச்சை அளித்துள்ளார்.

Image Credit : our own

தனியார் தொலைக்காட்சி நிகழ்ச்சி

தமிழ்நாடு சட்டமன்றத் தேர்தல் நெருங்கி வரும் நிலையில் சென்னையில் பிரபல தனியார் தொலைக்காட்சி நிறுவனம் நடத்திய Tamil Nadu Summit நிகழ்ச்சியில் இரண்டு நாட்களாக நடைபெற்று வந்தது. இந்த நிகழ்ச்சியில் முதலமைச்சர் மு.க. ஸ்டாலின், எதிர்க்கட்சித் தலைவர் எடப்பாடி பழனிசாமி உள்ளிட்டோர் உள்ளிட்டோர் பங்கேற்றனர். மறுநாள் தொடர்ந்த நிகழ்ச்சியில் பாஜக மூத்த தலைவரான எச்.ராஜா பங்கேற்றிருந்தார்.

Image Credit : our own

பாஜக மூத்த தலைவர் எச்.ராஜா

நிகழ்ச்சி நடந்து கொண்டிருக்கும்போதே திடீரென மேடையிலேயே எச்.ராஜாவுக்கு உடல்நலக்குறைவு ஏற்பட்டு மயங்கி சரிந்து விழுந்தார். அவர் கீழே விழப்போன நிலையில் மேடையில் இருந்தவர்கள் அவரை சுதாரித்துப் பிடித்தனர். இதனால் அங்கு பெரும் பரபரப்பை ஏற்பட்டது. இதையடுத்து அருகிலுள்ள மருத்துவமனைக்கு அழைத்துச் சென்று முதலுதவி அளிக்கப்பட்டது. 

Image Credit : Asianet News

அப்பல்லோ மருத்துவமனையில் அனுமதி

பின்னர் சென்னை கிரீம்ஸ் சாலையில் உள்ள சென்னை அப்பல்லோ மருத்துவமனையில் அனுமதிக்கப்பட்டார். அங்கு மருத்துவர்கள் பல்வேறு பரிசோதனைகள் மேற்கொண்டது மட்டுமல்லாமல் தீவிர சிகிச்சை அளிக்கப்பட்டு வந்தது. அவரது உடல்நலம் குறித்து அரசியல் கட்சி தலைவர்கள் கேட்டறிந்து வருகின்றனர்.

Image Credit : Asianet News

எச்.ராஜாவுக்கு பக்கவாதம்

இந்நிலையில் எச்.ராஜா உடல்நிலை குறித்து அப்பல்லோ மருத்துவமனை பரபரப்பு அறிக்கை வெளியிட்டுள்ளது. பக்கவாதம் ஏற்பட்டுள்ளதாக தெரிவிக்கப்பட்டுள்ளது. அதில், பக்கவாத பாதிப்பு (Stroke) காரணமாக அனுமதிக்கப்பட்ட எச். ராஜா உடல்நிலை தற்போது சீராக உள்ளது. அவர் மருத்துவக் குழுவினரின் தீவிர கண்காணிப்பில் உள்ளார். அவருக்குத் தேவையான அனைத்து சிகிச்சைகளும் வழங்கப்பட்டு வருகின்றன. அவர் தற்போது சிகிச்சைக்கு ஒத்துழைத்து, நன்கு தேறி வருகிறார். தனது குடும்பத்தினர் மற்றும் நண்பர்கள், உறவினர்களுடன் பேசக்கூடிய நிலையில் இருக்கிறார் என்று தெரிவிக்கப்பட்டுள்ளது.

Image Credit : Asianet News

எச்.ராஜா உயிரை காப்பாற்றிய திமுக டாக்டர்

பாஜக மூத்த தலைவர் எச்.ராஜாவுக்கு முதலுதவி அளித்தது திமுகவை சேர்ந்த மருத்துவர்கள் என்ற தகவல் வெளியாகியுள்ளது. அதாவது பிரபல தனியார் தொலைக்காட்சி விவாதத்தின் போது உடல்நலம் பாதிக்கப்பட்டு மோசமான சூழ்நிலையில் இருந்த பாஜக எச்.ராஜாவிற்கு உடனடியாக முதல் உதவி சிகிச்சை அளிக்க முடிவு எடுத்து உயிரை காப்பாற்றிய திமுக டாக்டர் ஹபிசுல்லாஹ் காப்பாற்றியது தெரியவந்தது. குறிப்பாக Golden hour ட்ரீட்மெண்ட் என்பது உடலுக்கு ஆபத்து ஏற்பட்ட அந்த முதல் சில மணி நிமிடங்கள் கொடுக்கும் அதிதீவிர சிகிச்சை. அதை ராஜாவுக்கு கிடைக்க வேண்டும் என்று போராடியவர் ஹபிசுல்லாஹ் என்பது குறிப்பிடத்தக்கது.