அதிமுக- பாஜக கூட்டணியில் புதிய கட்சி.! டெல்லியில் இருந்து ஸ்கெட்ச் போட்ட அமித்ஷா

தமிழக சட்டமன்ற தேர்தலை எதிர்கொள்ள திமுக தனது கூட்டணியை பலப்படுத்தி வருகிறது. அதேசமயம், அதிமுக எதிர்ப்பு வாக்குகளை ஒருங்கிணைக்க பாஜகவுடன் கூட்டணி அமைத்த போதிலும், புதிய கட்சிகளை கூட்டணியில் இணைப்பதில் சிக்கல் ஏற்பட்டுள்ளது.

Image Credit : our own

தமிழக சட்டமன்ற தேர்தலுக்கு இன்னும் சில மாதங்களே உள்ளது. இந்த நிலையில் தேர்தலை எதிர்கொள்ள அரசியல் கட்சிகள் தயாராகி வருகிறது. அந்த வகையில் ஆளுங்கட்சியான திமுக, கடந்த 7 வருடமாக தனது கூட்டணியை கட்டி காப்பாற்றி வருகிறது. எனவே வருகிற சட்டமன்ற தேர்தலிலும் இந்த கூட்டணியை தொடர திட்டமிட்டுள்ளது. 

மேலும் இந்த கூட்டணியில் புதிதாக மக்கள் நீதி மையம் இணைந்துள்ளது. அடுத்தாக எஸ்டிபிஐ கட்சியும் பேச்சுவார்த்தை நடத்தி வருகிறது. எனவே பலம் வாய்ந்த கூட்டணியாக உள்ள திமுக கூட்டணியை வீழ்த்த அசூர பலம் வாய்ந்த கூட்டணியை உருவாக்க அதிமுகவும் காய் நகர்த்துகிறது. அந்த வகையில் திமுகவின் எதிர்ப்பு வாக்குகளை ஒருங்கிணைக்கும் வகையில் பாஜகவுடன் முறிந்து போன கூட்டணியை மீண்டும் ஒட்டவைத்துள்ளது அதிமுக,

Image Credit : google

தற்போது மக்களை காப்போம், தமிழகத்தை மீட்போம் என்ற தலைப்பில் பிரச்சார பயணத்தை தொடங்கியுள்ளார் அதிமுக பொதுச்செயலாளர் எடப்பாடி பழனிசாமி,  இஇதனிடையே அதிமுக கூட்டணியில் இணைய முதல் கட்டமாக தவெக தலைவர் விஜய்க்கு தூது அனுப்பப்பட்டது. ஆனால் விஜய் அதிமுக,பாஜக தூண்டிலில் சிக்காமல் நழுவினார். 

அடுத்தாக ஏற்கனவே கூட்டணி அமைத்த தேமுதிக, பாமக மற்றும் அமமுகவிற்கு தங்கள் அணியில் இணைய பேசப்பட்டது. ஆனால் அதிமுக மற்றும் பாஜகவிடம் தங்களுக்கான உரிய முக்கியத்துவம் இல்லாத காரணத்தால் கூட்டணி தொடர்பாக எந்த முடிவும் எடுக்காமல் ஜனவரி மாதம் தங்களது முடிவை அறிவிப்பதாக கூறி அதிர்ச்சி கொடுத்துள்ளது இந்த கட்சிகள்,

Image Credit : Asianet News

எனவே பலம் வாய்ந்த கூட்டணியை உறுதி செய்ய நாம் தமிழர் கட்சி ஒருங்கிணைப்பாளர் சீமானிடம் பேச்சுவார்த்தை நடத்தப்பட்டிருப்பதாக கூறப்படுகிறது. ஆனால் நாம் தமிழர் கட்சியும் தனி அணியாகவே களத்தில் இறங்க இருப்பதாக தெரிவித்துள்ளது. இதனால் அதிர்ச்சி அடைந்துள்ள பாஜக- அதிமுக, கூட்டணி  வலிமைப்படுத்த என்ன செய்யலாம் என ஆலோசனை நடத்தி வருகிறது. 

இந்த நிலையில் டெல்லியில் மத்திய உள்துறை அமைச்சர் அமித்ஷாவின் இல்லத்தில் தமிழக பாஜக நிர்வாகிகளோடு முக்கிய ஆலோசனை நடைபெற்றது.இந்த ஆலோசனை கூட்டத்தில் தமிழக பாஜக தலைவர் நயினார் நாகேந்திரன் மத்திய இணை அமைச்சர் எல் முருகன், தமிழிசை சௌந்தரராஜன், பொன் ராதாகிருஷ்ணன், ஹெச் ராஜா, வானதி சீனிவாசன், அமைப்புச் செயலாளர் கேசவ விநாயகம், மூத்த பொறுப்பாளர் அரவிந்த் மேனன் சுதாகர் ரெட்டி உள்ளிட்ட தமிழக பாஜகவின் மூத்த தலைவர்கள் கலந்து கொண்டுள்ளனர்.

Image Credit : X/@NainarBJP

தமிழகத்தில் பாஜகவை அமைப்பு ரீதியாக பல்வேறு மாவட்டங்களில் பலப்படுத்துவது, எதிர்வரும் தமிழக சட்டப்பேரவை தேர்தல் கூட்டணி , தேர்தலுக்கு முன்பாக பாஜகவின் சார்பில் நடத்த திட்டமிடப்பட்டுள்ள மாநில மாநாடு ஆகிய பல்வேறு அம்சங்கள் குறித்து ஆலோசிக்கப்படுகிறது. இந்த கூட்டத்தில் திமுகவிற்கு எதிராக எதிர்ப்பு வாக்குகளை ஒருங்கிணைக்கும் வகையில் கட்சிகளை இணைக்க ஆலோசனை வழங்கப்பட்டுள்ளதாக தகவல் வெளியாகியுள்ளது.