160 பயணிகளுக்கு உயிர்பயம் காட்டிய ஏர் இந்தியா.. 1 மணி நேரம் வானில் வட்டமடித்த விமானம்.. திருச்சியில் திக் திக்

திருச்சியில் இருந்து துபாய்க்கு புறப்பட்ட ஏர் இந்தியா எக்ஸ்பிரஸ் விமானத்தில் ஏற்பட்ட தொழில்நுட்ப கோளாறு காரணமாக விமானம் சுமார் 1 மணி நேரம் கழித்து மீண்டும் திருச்சியிலேயே தரையிரக்கப்பட்டதால் பரபரப்பு.

Image Credit : ANI

விமானத்தில் தொழில்நுட்ப கோளாறு

துபாய்க்குச் சென்ற ஏர் இந்தியா எக்ஸ்பிரஸ் விமானம், தொழில்நுட்பக் கோளாறு காரணமாக திங்கள்கிழமை திருச்சி சர்வதேச விமான நிலையத்திற்குத் திரும்பியது. விமானத்தில் தொழில்நுட்பக் கோளாறு ஏற்பட்டதை விமானிகள் உணர்ந்ததால், விமானத்தை தரையிறக்க முடிவு செய்தனர். விமான நிலைய வட்டாரங்களின்படி, விமானம் மதியம் 3:30 மணியளவில் தரையிறங்குவதற்கு முன்பு சுமார் ஒரு மணி நேரம் வானில் வட்டமிட்டது.

Image Credit : social media

எரிபொருளைக் காலி செய்ய ஒரு மணி நேரம் வானில் பறந்த விமானம்

அறிக்கைகளின்படி, ஏர் இந்தியா எக்ஸ்பிரஸ் விமானம் IXO61, திட்டமிட்டபடி மதியம் 12:45 மணிக்கு திருச்சி விமான நிலையத்திலிருந்து புறப்பட இருந்தது. ஆனால், விமானம் புறப்படுவதில் தாமதம் ஏற்பட்டு, மதியம் 1:55 மணிக்கு புறப்பட்டது. இந்த விமானத்தில் 160 பயணிகள் இருந்தனர். புறப்பட்ட சிறிது நேரத்திலேயே, விமான ஊழியர்கள் விமானத்தில் சில தொழில்நுட்பக் கோளாறுகளைக் கண்டறிந்தனர். சுமார் ஒரு மணி நேரம், விமானம் எரிபொருளைக் காலி செய்வதற்காக திருச்சி மற்றும் புதுக்கோட்டை வான்வெளியில் வட்டமிட்டது. பின்னர் திருச்சியில் அவசரமாக தரையிறக்கப்பட்டது.

Image Credit : Getty

மதியம் 3:53 மணிக்கு அவசர தரையிறக்கம்

விமானத்தில் ஏற்பட்ட தொழில்நுட்பக் கோளாறு காரணமாக விமானம் தொடர்ந்து வட்டமிட்டதாக நாகப்பட்டினம் முன்னாள் எம்.எல்.ஏ தமீம் அன்சாரியின் உறவினர்கள் அவரிடம் தெரிவித்தனர். மதியம் 3:53 மணிக்கு ஏர் இந்தியா எக்ஸ்பிரஸ் விமானம் திருச்சி விமான நிலையத்தில் அவசரமாக தரையிறங்கியது. கோளாறு ஏற்பட்ட விமானம் நேரோ பாடி போயிங் 738 ரகத்தைச் சேர்ந்தது. பின்னர், பயணிகள் மாற்று விமானம் மூலம் துபாய்க்கு அனுப்பி வைக்கப்பட்டனர். திருச்சியிலிருந்து துபாய்க்கான சாதாரண பயண நேரம் நான்கு மணி 45 நிமிடங்கள் என்பது குறிப்பிடத்தக்கது.