பள்ளி மாணவர்கள் எதிர்பார்த்த செய்தி! இன்று வெளியாகிறது முடிவுகள்! யாருக்கெல்லாம் ரூ.10,000 கிடைக்கும்?

தமிழக பள்ளிக் கல்வித்துறை சார்பில் நடத்தப்பட்ட முதலமைச்சர் திறனாய்வுத் தேர்வு முடிவுகள் வெளியாகியுள்ளன. தேர்வெழுதிய மாணவர்கள் www.dge.tn.gov.in என்ற இணையதளத்தில் தங்கள் மதிப்பெண்களை அறிந்து கொள்ளலாம்.

Image Credit : our own

முதலமைச்சர் திறனாய்வுத் தேர்வு

திமுக அரசு வெற்றி பெற்று முதல்வராக மு.க.ஸ்டாலின் பொறுப்பேற்றதில் இருந்து கல்விக்கு அதிக முக்கியத்துவம் கொடுக்கப்பட்டு வருகிறது. குறிப்பாக ஆரம்ப கல்வியே அடிப்படை கல்வி என்ற நோக்கில் தரமான கல்வியை வழங்க வேண்டும் என மாநில பாடத்திட்டத்தை சிறப்பாக செயல்படுத்தி மாணவர்களின் உயர்கல்விக்கு வழிவகுத்து வருகிறது. இந்நிலையில் பள்ளி மாணவர்கள் உயர்கல்வி படிப்பதை ஊக்கப்படுத்தும் வகையில், தமிழக பள்ளிக் கல்வித்துறை சார்பில் முதலமைச்சர் திறனாய்வுத் தேர்வு ஒவ்வொரு ஆண்டும் நடத்தப்பட்டு வருகிறது.

Image Credit : Google

திறனாய்வுத் தேர்வு

இத்தேர்வில்‌ 1000 மாணாக்கர்கள்‌ (500 மாணவர்கள்‌ + 500 மாணவியர்கள்‌) தேர்வு செய்யப்பட்டு அவர்களுக்கு இளநிலை பட்டப்படிப்பு வரை மாதம்‌ ரூ.1000 வீதம்‌ 10 மாதங்களுக்கு உதவித் தொகையாக ரூ.10,000 வழங்கப்படும்‌. இந்நிலையில் முதல்வர் திறனாய்வு தேர்வு எழுதவுள்ள பள்ளி மாணவர்களுக்கான ஹால் டிக்கெட்கள் ஜனவரி 20-ம் தேதி வெளியிடப்பப்பட்டு ஜனவரி 25-ம் தேதி தமிழக முதல்வர் திறனாய்வு தேர்வு நடைபெற்றது. இந்த தேர்வுகள் முடிவுகள் எப்போது வெளியாகும் என எதிர்பார்த்து காத்திருந்த மாணவ, மாணவிகளுக்கு முக்கிய அறிவிப்பு வெளியாகியுள்ளது.

Image Credit : our own

அரசுத் தேர்வுத்துறை இயக்குநர்

இதுதொடர்பாக அரசுத் தேர்வுத்துறை இயக்குநர் வெளியிட்டுள்ள செய்தி குறிப்பில்: அரசு மற்றும் அரசு உதவிபெறும் பள்ளிகளில் பத்தாம் வகுப்பு பயிலும் மாணவர்களின் திறனைக் கண்டறிவதற்கும் , அவர்களை ஊக்குவிக்கும் வகையிலும் தமிழ்நாடு முதலமைச்சரின் திறனாய்வுத்தேர்வு கடந்த ஜனவரி மாதம் 25ம் தேதி சனிக்கிழமை அன்று நடைபெற்றது. இந்த தேர்வை 1,43,351 மாணவ மாணவியர்கள் எழுதினர்.

Image Credit : our own

மாதம் ரூ.1000 உதவித் தொகை

இத்தேர்வில் 1000 மாணாக்கர்கள் ( 500 மாணவர்கள் + 500 மாணவியர்கள் ) தெரிவு செய்யப்பட்டு அவர்களுக்கு இளநிலை பட்டப்படிப்பு வரை மாதம் ரூ .1000 வீதம் ஒரு கல்வியாண்டிற்கு 10 மாதங்களுக்கு மட்டும் உதவித்தொகையாக ரூ .10,000 வழங்கப்படும். பிற்பகல் இத்தேர்வின் முடிவுகள் இன்று பிற்பகலில் வெளியாக உள்ளது.

Image Credit : our own

தேர்வு முடிவுகளை பார்ப்பது எப்படி?

எனவே இத்தேர்வெழுதிய மாணாக்கர்கள் www.dge.tn.gov.in என்ற இணையதளத்தில் RESULTS என்ற தலைப்பில் சென்று TAMILNADU CHIEF MINISTER TALENT SEARCH EXAMINATION Results என்ற பக்கத்தில் தங்களது பதிவெண் மற்றும் பிறந்த தேதியினை உள்ளீடு செய்து மதிப்பெண்களை அறிந்து கொள்ளலாம் . மேலும் ஊக்கத்தொகைக்கான தெரிவுப்பட்டியல் இவ்விணையதளத்திலே other Examination → TAMILNADU CHIEF MINISTER TALENT SEARCH EXAMINATION பக்கத்தில் வெளியிடப்படும் என்று தெரிவிக்கப்படுகிறது.