12 ஆண்டுகளுக்கு பிறகு ரஞ்சி டிராபியில் விளையாடும் விராட் கோலி; எந்த டீம் தெரியுமா?
விராட் கோலி 12 ஆண்டுகளுக்கு பிறகு ரஞ்சி டிராபி கிரிக்கெட்டில் விளையாட இருக்கிறார். பிசிசிஐயின் அழுத்தத்துக்கு பணிந்து அவர் இந்த முடிவெடுத்துள்ளார்.
FollowRanji Trophy Virat Kohli
ரஞ்சி டிராபி கிரிக்கெட்
ஆஸ்திரேலியாவுக்கு எதிரான டெஸ்ட் தொடரில் படுதோல்வி அடைந்ததால் இந்திய அணி மீது கடும் விமர்சனங்கள் முன்வைக்கப்பட்டன. குறிப்பாக பேட்டிங்கில் சொதப்பிய விராட் கோலி, பேட்டிங் மற்றும் கேப்டன்சியில் சொதப்பிய ரோகித் சர்மா மீது ரசிகர்கள், முன்னாள் வீரர்கள் பாயந்தனர். இந்தியாவில் ரஞ்சி டிராபி உள்ளிட்ட பல்வேறு உள்ளூர் கிரிக்கெட் போட்டிகள் நடந்து வருகின்றன.
முன்பெல்லாம் இந்திய வீரர்கள் பெரிய நாடுகளுக்கு எதிராக டெஸ்ட் தொடரில் விளையாடுவதற்கு முன்பாக உள்ளூர் போட்டிகளில் விளையாடுவார்கள். இது அவர்களுக்கு பெரிய போட்டிகளை எதிர்கொள்ள உதவியாக இருக்கும். ஆனால் இப்போது இந்திய அணி வீரர்கள் உள்ளூர் கிரிக்கெட்டில் விளையாடுவது கிடையாது.
இதனால் விராட் கோலி, ரோகித் சர்மா உள்ளிட்ட இந்திய அணி வீரர்கள் அனைவரும் உள்ளூர் கிரிக்கெட்டில் விளையாட வேண்டும். அப்படி விளையாடாத வீரர்கள் மீது கடும் நடவடிக்கை எடுக்க வேண்டும் என்று முன்னாள் வீரர் சுனில் கவாஸ்கர் உள்ளிட்ட பல்வேறு தரப்பினரும் தெரிவித்தனர்.
Ranji Trophy Rohit Sharma
ரோகித் சர்மா
இதனைத் தொடர்ந்து இளம் வீரர்கள் மட்டுமின்றி இந்திய அணியின் மூத்த வீரர்கள் அனைவரும் ரஞ்சி டிராபி உள்ளிட்ட உள்ளூர் கிரிக்கெட்டில் விளையாட வேண்டும் என பிசிசிஐ உத்தரவிட்டது. இதனால் ரோகித் சர்மா, விராட் கோலி ஆகியோர் ரஞ்சி கிரிக்கெட்டில் விளையாட வேண்டிய நிலைக்கு தள்ளப்பட்டனர். ரோகித் சர்மா ரஞ்சி டிராபியில் மும்பை அணிக்காக விளையாட இருக்கிறார் என அறிவிக்கப்பட்டது.
ரஞ்சி டிராபி தொடரில் மும்பை அணி தனது தொடக்க ஆட்டத்தை ஜம்மு காஷ்மீர் அணிக்கு எதிராக விளையாட உள்ளது. இந்த போட்டியில் ரோகித் சர்மா களம் காண்கிறார். அஜிங்க்யா ரஹானே தலைமையில் மும்பை அணி விளையாட உள்ளது. இதேபோல் விராட் கோலியும் ரஞ்சி டிராபியில் டெல்லி அணிக்காக விளையாடுவார் என தகவல்கள் வெளியாயின.
ரஞ்சி டிராபியில் களமிறங்கும் ரோகித் சர்மா; எந்த டீம் தெரியுமா? விராட் கோலி விளையாடுகிறாரா?
Virat Kohli Delhi Team
விராட் கோலி டெல்லி அணி
ஆனால் அவர் திடீரென கழுத்து வலியால் அவதிப்படுவதாகவும், இதற்காக வலி நிவாரண ஊசி போட்டுக் கொண்டதாகவும் சில நாட்களுக்கு முன்பு தகவல் வெளியாயின. இதனால் அவர் ரஞ்சி டிராபியில் களம் காண்பாரா? என சந்தேகம் நிலவி வந்தது. இந்நிலையில், விராட் கோலி ரஞ்சி டிராபியில் விளையாட உள்ளதாக அதிகாரப்பூர்வமாக தெரிவிக்கப்பட்டுள்ளது.
Virat Kohli-Rohit Sharma
போட்டி எப்போது நடக்கிறது?
விராட் கோலி ரஞ்சி டிராபியில் டெல்லி அணிக்காக விளையாட இருக்கிறார். ஜனவரி 30ம் தேதி டெல்லியில் நடைபெறவிருக்கும் ரயில்வேஸ் அணிக்கு எதிரான போட்டியில் கோலி களம் காண்கிறார். முன்னதாக, ஜனவரி 23ம் தேதி சவுராஷ்டிராவுக்கு எதிரான ரஞ்சி டிராபி போட்டியில் அவர் களம் காண்பார் என எதிர்பார்க்கப்பட்ட நிலையில், கழுத்து வலி காரணமாக கோலி அந்த போட்டியில் விளையாடவில்லை.
கடைசியாக கடந்த 2012ம் ஆண்டு விராட் கோலி ரஞ்சி டிராபியில் விளையாடி இருந்தது குறிப்பிடத்தக்கது.
இந்தியா-இங்கிலாந்து டி20 தொடர் நாளை தொடக்கம்; போட்டிகள் தொடங்கும் நேரம்? எந்த டிவியில் பார்க்கலாம்?
சேனலை கிளிக் செய்து பின்தொடரவும்
