FIFA Prize Money: தோத்த அர்ஜென்டினாவுக்கு 317 கோடி, ஜெயிச்ச ஸ்பெயினுக்கு எவ்வளவு?

ஃபிஃபா உலகக்கோப்பை 2026 சாம்பியனான ஸ்பெயின் கொண்டாட்டத்தில் இருக்கு. ரன்னர்-அப் ஆன அர்ஜென்டினாவுக்கு 317 கோடி ரூபாய் பரிசுன்னா, கோப்பையை ஜெயிச்ச ஸ்பெயினுக்கு எவ்வளவு பரிசுத்தொகை? வாங்க பார்க்கலாம்.

Image Credit : ANI

ஃபிஃபா உலக சாம்பியன் ஆன ஸ்பெயின்

39 நாட்கள் நடந்த ஃபிஃபா உலகக்கோப்பை திருவிழா முடிவுக்கு வந்தது. இறுதிப்போட்டியில் அர்ஜென்டினாவை 1-0 என்ற கோல் கணக்கில் வீழ்த்தி ஸ்பெயின் சாம்பியன் பட்டத்தை வென்றது. 16 ஆண்டுகளுக்குப் பிறகு ஸ்பெயின் அணி ஃபிஃபா கோப்பையை மீண்டும் கைப்பற்றியுள்ளது. இதற்கு முன் 2010-ல் நெதர்லாந்தை வீழ்த்தி ஸ்பெயின் சாம்பியன் ஆனது.

Image Credit : Instagram

8400 கோடி ரூபாய் பரிசு

ஃபிஃபா உலகக்கோப்பை தொடரில் சாம்பியன், ரன்னர்-அப், அரையிறுதிக்கு வந்த அணிகள், ஏன் லீக் சுற்றில் பங்கேற்ற அணிகளுக்குக் கூட பரிசுத்தொகை உண்டு. இந்தத் தொடரின் மொத்தப் பரிசுத்தொகை மட்டுமே சுமார் 8,400 கோடி ரூபாய். இது கடந்த உலகக்கோப்பையை விட மிக அதிகம்.

Image Credit : Getty

ரன்னர் அப் அர்ஜென்டினா அணிக்கு 317 கோடி ரூபாய்

இறுதிப்போட்டியில் ஸ்பெயினிடம் தோற்ற அர்ஜென்டினா அணி, ரன்னர்-அப் பட்டத்தை வென்றது. இதற்காக அர்ஜென்டினா அணிக்கு 317 கோடி ரூபாய் பரிசுத்தொகை கிடைக்கும். கோப்பையை வெல்லும் முனைப்பில் இருந்த அர்ஜென்டினா, கோல் அடிக்கத் தவறியதால் இரண்டாம் இடத்தைப் பிடித்தது.

Image Credit : FIFA World Cup X

ஜெயித்த ஸ்பெயின் அணிக்கு 490 கோடி ரூபாய்

அர்ஜென்டினாவை வீழ்த்தி சாம்பியன் பட்டம் வென்ற ஸ்பெயின் அணிக்கு 490 கோடி ரூபாய் பரிசுத்தொகை கிடைத்துள்ளது. மற்ற விளையாட்டுப் போட்டிகளுடன் ஒப்பிடும்போது, ஃபிஃபா உலகக்கோப்பை பரிசுத்தொகை மிக அதிகம். உதாரணமாக, ஐபிஎல் கோப்பையை வெல்லும் அணிக்கு 20 கோடி ரூபாய்தான் பரிசு.

Image Credit : Asianet News

மூன்றாவது மற்றும் நான்காவது இடம் பிடித்த அணிகளின் பரிசு

ஃபிஃபா உலகக்கோப்பை 2026 தொடரில், இங்கிலாந்து அணி மூன்றாவது இடத்தைப் பிடித்தது. இதற்காக இங்கிலாந்து அணிக்கு 250 கோடி ரூபாய் பரிசுத்தொகை வழங்கப்பட்டது. நான்காவது இடத்தைப் பிடித்த பிரான்ஸ் அணி 230 கோடி ரூபாய் பரிசுத்தொகையைப் பெற்றது.