காபா பிட்ச் எப்படி? இந்தியர்களின் வயிற்றில் பாலை வார்த்த பிட்ச் தயாரிப்பாளர்! முழு விவரம்!

இந்தியா ஆஸ்திரேலியா இடையிலான 3வது டெஸ்ட் நடக்கும் காபா பிட்ச் எப்படி? இருக்கும் என்பது குறித்து இந்த செய்தியில் விரிவாக பார்க்கலாம். 

How about Gabba pitch?

இந்திய அணி ஆஸ்திரேலியாவுக்கு சுற்றுப்பயணம் செய்து 5 போட்டிகள் கொண்ட டெஸ்ட் தொடரில் விளையாடி வருகிறது. இதில் 2 போட்டிகள் முடிந்து விட்ட நிலையில், பெர்த்தில் நடந்த முதல் டெஸ்ட் போட்டியில் இந்தியா இமாலய வெற்றி பெற்றது.  அதே வேளையில் 2வது பிங் பால் டெஸ்ட் போட்டியில் இந்திய அணி 10 விக்கெட் வித்தியாசத்தில் படுதோல்வியை தழுவியது. 

அணிக்கு தூணாக இருக்க வேண்டிய முன்னணி வீரர்கள் கேப்டன் ரோகித் சர்மா, விராட் கோலி, கே.எல்.ராகுல் ஆகியோர் படுமோசமாக பேட்டிங் செய்ததே இந்திய அணியின் தோல்விக்கு முக்கிய காரணமாகும். மேலும் பும்ரா, சிராஜை தவிர 3வது பவுலரான ஹர்சித் ராணாவும், 4வது பவுலரான ரவிச்சந்திரன் அஸ்வினும் சரியாக பந்துவீசாததும் தோல்விக்கு ஒரு காரணமாகும்.

Ind vs Aus test series

இந்தியா‍ ஆஸ்திரேலியா இடையிலான 3வது டெஸ்ட் போட்டி பிரிஸ்பேனில் உள்ள காபா மைதானத்தில் வரும் 14ம் தேதி தொடங்குகிறது. இந்த தொடரில் முன்னிலை பெறவும், உலக டெஸ்ட் சாம்பியன்ஷிப் பைனல் வாய்ப்பை தக்க வைக்கவும் இந்தியா இந்த போட்டியில் கட்டாயம் வெற்றி பெற வேண்டும். வேகப்பந்து வீச்சாளர்களுக்கு சொர்க்கபுரியாக விளங்கும் காபா பிட்ச் வேகம் மற்றும் பவுன்ஸ் நிறைந்ததாகும்.

5 நாட்களிலும் முதல் 1 மணி நேரம் முதல் ஒன்றரை மணி நேரம் வரை பேட்ஸ்மேன்கள் தேவையில்லாமல் பேட்டை வெளியே நீட்டாமல் பொறுமை காத்தால் நல்ல பலன் கிடைக்கும். இந்நிலையில், 3வது டெஸ்ட் போட்டிக்கு காபா பிட்ச் எப்படி தயார் செய்யப்பட்டுள்ளது? என்பது குறித்து பிட்ச் தயாரிப்பாளர் டேவிட் சந்துர்ஸ்கி கூறுகையில், ''காபா பிட்ச் வேகம் மற்றும் பவுன்ஸ்சுக்கு பெயர் போனது. அதேபோலத்தான் இந்த முறையும் தயார் செய்யப்பட்டுள்ளது.

Gabba Pitch Report

அதே வேளையில் பவுலர்களுக்கு மட்டும் சாதகமாக இருக்கும் வகையில் கூடுதலாக ஏதும் செய்யவில்லை. பவுலர்கள் மற்றும் பேட்ஸ்மேன்கள் இருவருக்குமே பலனளிக்கும் வ‌கையில் பிட்ச் இருக்கும். ஒவ்வொரு நாளின் தொடக்கத்தின்போதும் பசுமையாக இருக்கும் பிட்ச்கள் பவுலர்களுக்கு கைகொடுக்கும். பின்பு போகப்போக பிட்ச் தேய்ந்து பேட்ஸ்மேன்களுக்கு சாதகமாக மாறும்''என்றார்.

Team India

நான் ஏற்கெனவே குறிப்பிட்டப்படி 'பொறுத்தார் பூமி ஆழ்வார்' என்பதற்கேற்ப இந்திய பேட்ஸ்மேன்கள் தேவையில்லாத ஷாட்கள் ஆடாமல், உள்ளே வரும் பந்துகளை மட்டும் எதிர்கொண்டு ரன்கள் சேர்த்தால் பெரிய ஸ்கோரை செட் செய்யலாம். காபா பிட்ச் நன்றாக பவுன்ஸ் ஆகும் என்பதால் இந்திய பவுலர்கள் அதிகமான பவுன்ஸ்களை வீச வேண்டியது அவசியமாகும். முதல் இரண்டு டெஸ்ட் போட்டிகளிலும் இந்திய பவுலர்கள் அதிக பவுன்சர்கள் வீசவில்லை என்பது குறிப்பிடத்தக்கது.