IND vs ENG 2nd T20: சஞ்சு சாம்சன் பார்த்த வேலை; 2வது டி20யில் இங்கிலாந்து பவுலர் அதிரடி நீக்கம்!

இந்தியா இங்கிலாந்து தொடர் 

இங்கிலாந்து அணி இந்தியாவில் சுற்றுப்பயணம் செய்து 5 டி20 போட்டிகள் மற்றும் 3 ஓடிஐ போட்டிகள் கொண்ட தொடரில் விளையாடுகிறது. இதில் கொல்கத்தாவின் ஈடன் கார்டன் மைதானத்தில் நடைபெற்ற முதல் டி20 போட்டியில் இந்திய அணி 7 விக்கெட் வித்தியாசத்தில் அபார வெற்றி பெற்றது. இந்த போட்டியில் முதலில் பேட்டிங் செய்த இங்கிலாந்து அணி 20 ஓவர்களில் 132 ரன்களுக்கு ஆட்டமிழந்தது. 

அந்த அணியின் கேப்டன் ஜோஸ் பட்லர் அரைசதம் (44 பந்துகளில் 68 ரன்கள்) அடித்தார். இந்திய அணி வீரர் தமிழ்நாட்டை சேர்ந்த வருண் சக்கரவர்த்தி 3 விக்கெட் வீழ்த்தி ஆட்டநாயகனக ஜொலித்தார். ஹர்திக் பாண்ட்யா, அர்ஷ்தீப் சிங், அக்சர் படேல் தலா 2 விக்கெட்டுகளை வீழ்த்தினார்கள்.

எளிய இலக்கை நோக்கி ஆடிய இந்திய அணி 13 ஓவர்களில் 3 விக்கெட் மட்டுமே இழந்து 133 ரன்கள் எடுத்து அபார வெற்றி பெற்றது. இளம் வீரர் அபிஷேக் ஷர்மா 34 பந்தில் 79 ரன்கள் அடித்து வெற்றிக்கு முக்கிய பங்கு வகித்தார்.

பவுலர் அதிரடி நீக்கம்

இந்தியா இங்கிலாந்து அணிகள் இடையிலான 2வது டி20 போட்டி சென்னை சேப்பாக்கம் மைதானத்தில் நாளை நடக்கிறது. இந்நிலையில், 2வது டி20 போட்டிக்கான இங்கிலாந்து பிளேயிங் லெவன் அணி அறிவிக்கப்பட்டுள்ளது. அந்த அணியில் பாஸ்ட் பவுலர் கஸ் அட்கின்சனுக்கு பதிலாக பேசர் பிரைடன் கார்ஸ் இடம்பெற்றுள்ளார். மேலும் விக்கெட் கீப்பர் ஜேமி ஸ்மித்தும் கூடுதலாக இங்கிலாந்து அணியில் சேர்க்கப்பட்டுள்ளார்.

தரவரிசையில் முதல் இடம்! ஐசிசியின் ஒருநாள் டீமில் ஒருவருக்கு கூட இடமில்லை - இந்தியாவுக்கு நேர்ந்த அவலம்
 

சஞ்சு சாம்சன் பார்த்த வேலை

முதல் டி20 போட்டியில் மோசமாக பந்துவீசியதாலேயே கஸ் அட்கின்சன் அணியில் இருந்து நீக்கப்பட்டுள்ளார். அதாவது 2 ஓவர்கள் வீசிய அவர் 19 ரன்கள் எகானாமியில் 38 ரன்களை விட்டுக்கொடுத்தார். அதுவும் கஸ் அட்கின்சன் வீசிய முதல் ஓவரில் சஞ்சு சாம்சன் 4 பவுண்டரிகள், 1 சிக்சர்கள் என 22 ரன்கள் விளாசினார். இந்த மோசமான பவுலிங் காரணமாக கஸ் அட்கின்சன் அணியில் இருந்து அதிரடியாக நீக்கப்பட்டுள்ளார். 

இங்கிலாந்து அணி வீரர்கள் 

27 வயதான கஸ் அட்கின்சன் 4 டி20 போட்டிகளில் விளையாடி 6 விக்கெட்டுகளை வீழ்த்தியுள்ளது குறிப்பிடத்தக்கது. முதல் டி20 போட்டியில் இங்கிலாந்து வீரர் மார்க் வுட்டும் 2.5 ஓவர்களில் 25 ரன்கள் வழங்கி இருந்தார். ஒரு விக்கெட்டும் வீழ்த்தவில்லை என்பது குறிப்பிடத்தக்கது. 2வது டி20 போட்டிக்கான இங்கிலாந்து அணியின் பிளேயிங் லெவன்:‍ பென் டக்கெட், பில் சால்ட், ஜோஸ் பட்லர், ஹாரி புரூக், லியாம் லிவிங்ஸ்டோன், ஜேக்கப் பெத்தேல், ஜேமி ஓவர்டன், பிரைடன் கார்ஸ், ஜோஃப்ரா ஆர்ச்சர், அடில் ரஷீத் மற்றும் மார்க் வுட்.

IPL 2025: தொடருக்கு முன்பாக சொந்த ஊரில் உள்ள கோவிலில் சிறப்பு வழிபாடு செய்த தோனி