Dream 11: கோடி கோடியாக கல்லா கட்டும் 'ட்ரீம் 11' உரிமையாளர் யார்? சொத்து மதிப்பு என்ன?

கிரிக்கெட் ரசிகர்கள் அனைவரும் பணம் கட்டி விளையாடும் பெட்டிங் ஆப் 'ட்ரீம் 11' உரிமையாளர் யார்? அவரது சொத்து மதிப்பு என்ன? என்பது குறித்து பார்க்கலாம்.

Dream 11 Harsh Jain Net Worth: இந்தியாவில் ஐபிஎல் கிரிக்கெட் திருவிழா களைகட்டியுள்ளது. ஒவ்வொரு நாளும் போட்டிகள் விறுவிறுப்பாக சென்று வருகின்றன. ஐபிஎல் பார்க்கும் பெரும்பாலானவர்கள் ட்ரீம் 11 Dream 11ஐஅறியாமல் இருக்க மாட்டார்கள். நாட்டின் முதல் கிரிக்கெட் பேண்டஸி நிறுவனமான ட்ரீம் 11 கேமிங் யூனிகார்ன் ஆகும். தெளிவாக சொல்ல வேண்டுமென்றால் இது ஒரு பெட்டிங் ஆப் ஆகும். 

ஐபிஎல் போட்டிகளில் ஒவ்வொரு நாளும் இரண்டு அணிகள் மோதும் நிலையில், ட்ரீம் 11ல் இரண்டு அணி வீரர்களையும் வைத்து 11 பேர் கொண்ட ஒரு அணியை பணம் கட்டி உருவாக்க வேண்டும். நீங்கள் தேர்வு செய்த இந்த 11 வீரர்கள் போட்டியில் சரியாக விளையாடிவிட்டால் கட்டிய பணம் ரிட்டன் வந்து விடும். சில நேரங்களில் கூடுதல் பணம் கிடைக்கும். 

Dream 11, IPL, Cricket

'ட்ரீம் 11' உரிமையாளர் யார்?

ஆனால் நீங்கள் தேர்வு செய்த வீரர்களில் ஒன்றிரண்டு வீரர்கள் போட்டியில் சொதப்பி விட்டாலும் கட்டிய பணம் போய் விடும். தினமும் பல கோடிக்கணக்கானவர்கள் பணம் கட்டி விளையாடுவதால் ட்ரீம் 11க்கு கோடி கோடியாக பணம் கொட்டுகிறது. இந்த ட்ரீம் 11 நிறுவனத்தின் உரிமையாளர் யார்? அவர்களின் வருமானம் எவ்வளவு? என்று எப்போதாவது யோசித்திருக்கிறீர்களா?

ட்ரீம் 11 பேண்டஸி நிறுவனத்தின் உரிமையாளர் மற்றும் CEO மும்பையை சேர்ந்த ஹர்ஷ் ஜெயின் ஆவார். 
மும்பையில் தனது குழந்தை பருவத்தை கழித்தார். 10 ஆம் வகுப்பு வரை படித்த பிறகு, 11 மற்றும் 12 ஆம் வகுப்புகளுக்காக இங்கிலாந்து சென்றார். இதற்குப் பிறகு, பென்சில்வேனியா பல்கலைக்கழகத்தில் பட்டம் பெற்றார். அவர் ஆரம்பத்திலிருந்தே விளையாட்டில் அதிக ஆர்வம் காட்டினார். நண்பர்களுடன் கால்பந்து மற்றும் கிரிக்கெட் விளையாடுவார்.

Harsh Jain, IPL, Cricket

ட்ரீம் 11 ஐடியா எப்படி வந்தது?

ஹர்ஷ் ஜெயின் அமெரிக்காவில் பொறியியல் படித்துக் கொண்டிருந்தபோது, ​​அவர் கால்பந்து மீது பைத்தியமாக இருந்தார். அங்கு அவர் பேண்டஸி கால்பந்து விளையாடுவார். இந்தியாவில் ஐபிஎல் தொடங்கியபோது, ​​ட்ரீம் 11 பற்றிய யோசனை அவருக்கு வந்தது. இந்த யோசனையை தனது பால்ய நண்பர் பவித் சேத்துடன் பகிர்ந்து கொண்டார். அதன் பிறகு இருவரும் இணைந்து ட்ரீம் 11 ஐ தொடங்கினர். பவித் நிறுவனத்தின் தலைமை இயக்க அதிகாரி (COO) மற்றும் செயல்பாடுகளை கவனித்து வருகிறார். அதே நேரத்தில் ஹர்ஷ் ஜெயின் தொழில்நுட்பம், தயாரிப்பு, வடிவமைப்பு மற்றும் மார்க்கெட்டிங் பணிகளை கவனித்து வருகிறார்.

கிரிக்கெட் பேண்டஸியில் ட்ரீம் 11 முதலிடம் 

ட்ரீம் 11 இந்தியாவில் பேண்டஸி விளையாட்டுகளில் முதலிடத்தில் உள்ளது. கிரிக்கெட், கால்பந்து, கபடி, கூடைப்பந்து என ஒவ்வொரு விளையாட்டிலும் இந்த ஆப் முதலிடத்தில் உள்ளது. உண்மையான வீரர்களின் செயல்திறனுக்கு ஏற்ப புள்ளிகள் மற்றும் பணம் சம்பாதிப்பதாக பல பயனர்கள் கூறுகின்றனர். 2016 ஆம் ஆண்டில், இந்த பயன்பாட்டில் 2 மில்லியன் பயனர்கள் மட்டுமே இருந்தனர். அது இன்று 220 மில்லியனுக்கும் அதிகமாக அதிகரித்துள்ளது.

Sports News in Tamil, Harsh Jain Net Worth

ஹர்ஷ் ஜெயின் சொத்து மதிப்பு என்ன?

ட்ரீம் 11 உரிமையாளர் ஹர்ஷ் ஜெயின் இன்று பல கோடிகளில் மிதந்து வருகிறார் என்றே சொல்லலாம். 
அறிக்கைகளின்படி, அவரது நிகர சொத்து மதிப்பு சுமார் 5,500 கோடி ரூபாய். ட்ரீம் 11 இன் மோகம் அதிகரித்து வருவதால், அவரது வருமானமும் அதே வேகத்தில் அதிகரித்து வருகிறது. ''இளைஞர்கள் ஒருபோதும் முயற்சியை கைவிடக்கூடாது, கனவுகளையும் கைவிடக்கூடாது, தொடர்ந்து எப்போதும் விட்டுக்கொடுக்காத மனப்பான்மையுடன் வேலை செய்ய வேண்டும்'' என்று ஹர்ஷ் ஜெயின் கூறியுள்ளார்.