WPL 2023 Auction: அதிகமான தொகைக்கு விலைபோன டாப் 10 வீராங்கனைகள்

மகளிர் பிரீமியர் லீக் முதல் சீசனுக்கான ஏலம் மும்பையில் நடந்துவருகிரது. மும்பை இந்தியன்ஸ், ஆர்சிபி, குஜராத் ஜெயிண்ட்ஸ், டெல்லி கேபிடள்ஸ், யுபி வாரியர்ஸ் ஆகிய 5 அணிகள் ஏலத்தில் கலந்துகொண்டு வீராங்கனைகளை ஏலத்தில் வாங்கினர். மொத்தம் 409 வீராங்கனைகள் ஏலத்தில் விடப்பட்டனர். இந்த ஏலத்தில் அதிகபட்ச தொகைக்கு விலைபோன டாப் 10 வீராங்கனைகளை பார்ப்போம்.

karthikeyan V

First Published Feb 13, 2023, 8:14 PM IST | Last Updated Feb 13, 2023, 8:14 PM IST

1. ஸ்மிரிதி மந்தனா - ரூ.3.4 கோடி

இந்திய மகளிர் அணியின் டாப் ஆர்டர் நட்சத்திர வீராங்கனை ஸ்மிரிதி மந்தனாவை ரூ.3.4 கோடி என்ற அதிகபட்ச தொகை கொடுத்து ஆர்சிபி அணி ஏலத்தில் எடுத்தது.

2. ஆஷ்லே கார்ட்னெர் - ரூ.3.2 கோடி

ஆஸ்திரேலிய ஆல்ரவுண்டர் ஆஷ்லே கார்ட்னெரை ரூ.3.2 கோடி கொடுத்து குஜராத் ஜெயிண்ட்ஸ் அணி எடுத்தது.

3. நாட் ஸ்கைவர் பிரண்ட் - ரூ.3.2 கோடி

இங்கிலாந்து வீராங்கனை நாட் ஸ்கைவரும் அதே ரூ.3.2 கோடிக்கு விலைபோனார் . ஆல்ரவுண்டரான இவரை மும்பை இந்தியன்ஸ் அணி ஏலத்தில் வாங்கியது.

WPL 2023 ஏலத்திற்கு பின் பயங்கரமா பங்கம் செய்யப்படும் பாபர் அசாம் & பாகிஸ்தான் சூப்பர் லீக்

4. தீப்தி ஷர்மா - ரூ.2.6 கோடி

இந்திய ஆல்ரவுண்டர் தீப்தி ஷர்மாவை ரூ.2.6 கோடி கொடுத்து யுபி வாரியர்ஸ் அணி ஏலத்தில் தட்டி தூக்கியது.

5. ஜெமிமா ரோட்ரிக்ஸ் - ரூ.2.2 கோடி

இந்திய அணியின் நட்சத்திர வீராங்கனை ஜெமிமா ரோட்ரிக்ஸை ரூ.2.2 கோடி கொடுத்து டெல்லி கேபிடள்ஸ் அணி ஏலத்தில் எடுத்தது. இந்திய வீராங்கனைகளில் இவர் தான் இந்திய வீராங்கனைகளில் அதிகபட்ச தொகைக்கு எடுக்கப்பட்ட 3வது வீராங்கனை ஆவார்.

6. ஷஃபாலி வெர்மா - ரூ.2 கோடி

இந்திய அணியின் இளம் அதிரடி டாப் ஆர்டர் வீராங்கனை ஷஃபாலி வெர்மா. இவரது கேப்டன்சியில் தான் இந்திய அண்டர்19 மகளிர் அணி அண்டர்19 டி20 உலக கோப்பையை வென்றது. இவரை ரூ.2 கோடி கொடுத்து டெல்லி கேபிடள்ஸ் அணி வாங்கியது.