இந்திய அணியின் பின்னடைவுக்கு இதுதான் காரணமா? உலகக்கோப்பை வெல்ல மாற வேண்டிய முக்கிய மாற்றங்கள்!

Team India Opening Pair Struggle : 2026 டி20 உலகக்கோப்பையில் இந்திய அணியின் வெற்றிப் பயணம் தொடர்ந்தாலும், தொடக்க வீரர்களின் செயல்பாடு பெரும் கவலையை ஏற்படுத்தியுள்ளது.

Image Credit : Getty

ஆபத்தில் உலகக்கோப்பை கனவு.. இந்திய தொடக்க ஜோடிக்கு என்ன ஆனது?

2026 டி20 உலகக்கோப்பையில் இந்திய அணியின் வெற்றிப் பயணம் தொடர்ந்தாலும், தொடக்க வீரர்களின் செயல்பாடு பெரும் கவலையை ஏற்படுத்தியுள்ளது. இதுவரை விளையாடிய 5 போட்டிகளில் இந்திய தொடக்க ஜோடி வெறும் 34 ரன்கள் மட்டுமே சேர்த்துள்ளது. மிடில் ஆர்டர் பேட்ஸ்மேன்கள் அணியைக் காப்பாற்றி வந்தாலும், நாக்-அவுட் சுற்றுகளில் இந்த பலவீனம் இந்தியாவின் உலகக்கோப்பை கனவைச் சிதைத்துவிடுமோ என்ற அச்சம் ரசிகர்கள் மற்றும் கிரிக்கெட் விமர்சகர்களிடையே எழுந்துள்ளது.

Image Credit : Getty

சராசரி வெறும் 6.8 ரன்கள்.. மிடில் ஆர்டர் மீது கடும் அழுத்தம்

இந்திய கிரிக்கெட் அணி 2026 டி20 உலகக்கோப்பையில் வெற்றிகளை நோக்கி நகர்ந்தாலும், அணியின் தொடக்க ஜோடி (Opening Pair) ஒரு மிகப்பெரிய பலவீனமாக உருவெடுத்துள்ளது. 5 போட்டிகள் முடிந்த நிலையில், புள்ளிவிவரங்கள் இந்திய ரசிகர்களையும் அணி நிர்வாகத்தையும் கடும் அதிர்ச்சியில் ஆழ்த்தியுள்ளன. இந்தத் தொடரில் இந்திய தொடக்க ஜோடியின் சராசரி வெறும் 6.8 ரன்கள் மட்டுமே! ஒவ்வொரு போட்டியிலும் தொடக்க வீரர்கள் சொற்ப ரன்களில் ஆட்டமிழப்பதால், மிடில் ஆர்டர் பேட்ஸ்மேன்கள் மிகப்பெரிய அழுத்தத்திற்கு தள்ளப்படுகின்றனர்.

Image Credit : Getty

சஞ்சு சாம்சன் முயற்சியால் பதிவான அதிகபட்ச பார்ட்னர்ஷிப்

பாகிஸ்தானுக்கு எதிராக: 1 ரன்னில் முதல் விக்கெட் சரிந்தது.

நெதர்லாந்துக்கு எதிராக: ரன் கணக்கைத் தொடங்கும் முன்பே அபிஷேக் சர்மா (0) அவுட்.

தென்னாப்பிரிக்காவுக்கு எதிராக: முதல் ஓவரிலேயே இஷான் கிஷன் (0) வெளியேற்றம்.

அமெரிக்காவுக்கு எதிராக: வெறும் 8 ரன்கள் மட்டுமே சேர்த்தனர்.

அபிஷேக் சர்மாவின் 'டக்-அவுட்' ஹாட்ரிக்:

அதிரடி வீரராக எதிர்பார்க்கப்பட்ட அபிஷேக் சர்மா, இந்தத் தொடரில் தொடர்ச்சியாக மூன்று போட்டிகளில் ரன் ஏதும் எடுக்காமல் (Duck out) ஆட்டமிழந்து ஏமாற்றினார். "ஒவ்வொரு பந்தையும் சிக்ஸருக்கு விரட்ட வேண்டும்" என்ற அவரது அதிரடி அணுகுமுறை, மெதுவான பிட்ச்களில் (Slow Pitches) எடுபடாமல் போனதே இதற்கு முக்கிய காரணமாகப் பார்க்கப்படுகிறது.

Image Credit : ANI

சஞ்சு சாம்சன் கொடுத்த நம்பிக்கை:

நமீபியாவுக்கு எதிரான போட்டியில் ஒரு சிறிய மாற்றம் செய்யப்பட்டது. அபிஷேக் சர்மாவுக்குப் பதிலாக சஞ்சு சாம்சன் தொடக்க வீரராகக் களமிறங்கினார். இஷான் கிஷனுடன் இணைந்த அவர், வெறும் 12 பந்துகளில் 25 ரன்கள் சேர்த்தார். ஆச்சரியம் என்னவென்றால், இந்தத் தொடரில் இந்திய தொடக்க ஜோடி எடுத்த அதிகபட்ச ரன்களே இதுதான்!

Image Credit : Getty

அதிகப்படியான ஆக்ரோஷம் அணிக்கு சாபமாக மாறியதா?

அபிஷேக் - இஷான் ஜோடியின் அதிரடி ஃபார்முலா இந்த உலகக்கோப்பையில் இதுவரை பலனளிக்கவில்லை. நாக்-அவுட் சுற்றுகள் நெருங்கும் வேளையில், தொடக்க ஆட்டக்காரர்களின் இந்த படுமோசமான செயல்பாடு இந்தியாவின் கோப்பை கனவைச் சிதைத்துவிடுமோ என்ற கவலை எழுந்துள்ளது. சஞ்சு சாம்சனை நிரந்தரத் தொடக்க வீரராகப் பயன்படுத்த வேண்டிய கட்டாயத்தில் இந்தியா உள்ளது.