T20 உலகக்கோப்பை: அதிக ரன்களை சேஸ் செய்து அசத்திய நியூசிலாந்து.. கிளென் பிலிப்ஸ் புதிய மைல்கல்!

பிலிப்ஸ் வெறும் 25 பந்துகளில் 42 ரன்கள் விளாசினார். இதில் 7 பவுண்டரிகள் மற்றும் 1 சிக்ஸர் அடங்கும். சூப்பராக விளையாடிய செப்ஃபர்ட் 42 பந்துகளில் 7 பவுண்டரிகள் மற்றும் 3 சிக்ஸர்களுடன் 65 ரன்கள் எடுத்து அணியின் வெற்றிக்கு முக்கிய காரணமாக விளங்கினார். 

Image Credit : x

T20 உலகக் கோப்பை 2026

ஐசிசி டி20 உலகக் கோப்பை 2026 தொடரில் இன்று (பிப்ரவரி 8) சென்னை எம்.ஏ. சிதம்பரம் மைதானத்தில் நடந்த முதல் போட்டியில் நியூசிலாந்து அணி ஆப்கானிஸ்தானை 5 விக்கெட் வித்தியாசத்தில் வீழ்த்தியது. டாஸ் வென்ற ஆப்கானிஸ்தான் முதலில் பேட்டிங்கைத் தேர்வு செய்தது. 

குல்பாடின் நயீப்பின் அபாரமான ஆட்டம் ஆப்கானிஸ்தானை 182 என்ற வலுவான ஸ்கோரை எட்டச் செய்தது. வெறும் 29 பந்துகளில் அரை சதம் அடித்த குல்பாடின் நயீப் 35 பந்துகளில் நான்கு சிக்ஸர்கள் மற்றும் மூன்று பவுண்டரிகளுடன் 63 ரன்கள் எடுத்தார்.

நியூசிலாந்து அணி வெற்றி

கடைசி கட்டத்தில் அடல் 24 பந்துகளில் 29 ரன்களும், தர்விஷ் ரசூல் 13 பந்துகளில் 20 ரன்களும் எடுத்து அணி 180 ரன்களை கடக்க வைத்தனர். பின்பு 183 ரன்கள் என்ற இலக்கை துரத்திய நியூசிலாந்து அணி 13 பந்துகள் மீதமிருந்த நிலையில் இலக்கை வெற்றிகரமாக எட்டியது. ஆரம்பத்தில் தடுமாறினாலும், டிம் செப்ஃபர்ட்டின் நிதானமான அரைசதமும், கிளென் பிலிப்ஸின் அதிரடி ஆட்டமும் நியூசிலாந்து அணியை எளிதாக வெற்றி பெறச் செய்தது.

பிலிப்ஸ் அதிரடி ஆட்டம்

பிலிப்ஸ் வெறும் 25 பந்துகளில் 42 ரன்கள் விளாசினார். இதில் 7 பவுண்டரிகள் மற்றும் 1 சிக்ஸர் அடங்கும். சூப்பராக விளையாடிய செப்ஃபர்ட் 42 பந்துகளில் 7 பவுண்டரிகள் மற்றும் 3 சிக்ஸர்களுடன் 65 ரன்கள் எடுத்து அணியின் வெற்றிக்கு முக்கிய காரணமாக விளங்கினார். 

டேரில் மிட்செல் 14 பந்துகளில் 25 ரன்கள் எடுத்து அணியின் வெற்றிக்கு உதவினார். டி20 கிரிக்கெட்டில் நியூசிலாந்து அணி தனது அதிகப்பட்ச ஸ்கோரை சேஸ் செய்து சாதனை படைத்துள்ளது.

கிளென் பிலிப்ஸ் புதிய சாதனை

இந்த போட்டியில் 42 ரன்கள் எடுத்ததன் மூலம், நியூசிலாந்தின் அதிரடி பேட்ஸ்மேன் கிளென் பிலிப்ஸ், முன்னாள் கேப்டன் பிரண்டன் மெக்கல்லமை முந்தி, நியூசிலாந்து அணிக்காக டி20 போட்டிகளில் மூன்றாவது அதிக ரன்கள் எடுத்த வீரர் என்ற சாதனையை படைத்தார். 

அதிரடி வீரர் பிலிப்ஸ் 89 டி20 போட்டிகளில் 31.57 சராசரி மற்றும் கிட்டத்தட்ட 142 ஸ்ட்ரைக் ரேட்டுடன் 2147 ரன்கள் எடுத்துள்ளார். முன்னாள் நியூசிலாந்து வீரர் மார்ட்டின் கப்டில் 3,531 ரன்களுடன் முதலிடத்திலும், கேன் வில்லியம்சன் 2575 ரன்களுடன் இரண்டாவது இடத்திலும் உள்ளனர்.