T20 WC IND vs NAM.. இந்திய அணியில் 3 அதிரடி மாற்றங்கள்.. மேட்ச் வின்னர் நீக்கம்.. பிளேயிங் லெவன் இதோ!

டி20 உலகக்கோப்பையில் இந்திய அணி தனது அடுத்த ஆட்டத்தில் நமீபியாவை வரும் 12ம் தேதி எதிர்கொள்ள உள்ளது. இந்த போட்டியில் இந்திய அணியின் பிளேயிங் லெவன் குறித்து விரிவாக பார்க்கலாம்.

Image Credit : Getty

T20 உலகக்கோப்பை 2026

T20 உலகக்கோப்பை கிரிக்கெட் தொடர் விறுவிறுப்பாக நடந்து வரும் நிலையில், அமெரிக்காவுக்கு எதிரான முதல் போட்டியில் இந்திய அணி 29 ரன்கள் வித்தியாசத்தில் வெற்றி பெற்றது. கேப்டன் சூர்யகுமார் யாதவ் 49 பந்தில் 10 பவுண்டரி, 4 சிக்சருடன் 84 ரன்கள் எடுத்து தனியொருவனாக ஆட்டத்தை வெற்றி பெற வைத்தார். 

முதல் போட்டியில் பெரிதும் எதிர்பார்க்கப்பட்ட அதிரடி மன்னன் அபிஷேக் சர்மா டக் அவுட்டாகி ஏமாற்றம் அளித்தார். இதேபோல் அதிரடி சூரர்கள் இஷான் கிஷன், திலக் வர்மா ஆகியோரும் அமெரிக்கா அணியிடம் பெட்டிப் பாம்பாக அடங்கினார்கள்.

Image Credit : Getty

அபிஷேக் சர்மாவுக்கு பதில் சஞ்சு சாம்சன்

டி20 உலகக்கோப்பையில் இந்திய அணி தனது 2வது ஆட்டத்தை வரும் 12ம் தேதி (வியாழக்கிழமை) நமீபியாவுடன் விளையாட உள்ளது. இந்த போட்டியில் இந்திய அணியில் 3 மாற்றங்கள் செய்யப்பட்ட உள்ளதாக தகவல் வெளியாகி உள்ளது. அதாவது அதிரடி வீரர் அபிஷேக் சர்மா காய்ச்சலால் அவதிப்படுவதாக கேப்டன் சூர்யகுமார் கூறியிருந்தார். 

அவருக்கு பெரிய அளவில் பாதிப்பு இல்லை என்றாலும் கத்துக்குட்டியான நமீபியாவுக்கு எதிராக அவருக்கு ஓய்வு கொடுக்க அதிக வாய்ப்புள்ளது. அவருக்கு பதிலாக சஞ்சு சாம்சன் மீண்டும் பிளேயிங் லெவனில் இடம்பெற வாய்ப்புள்ளது.

Image Credit : Getty

முகமது சிராஜ் நீக்கம்

இதேபோல் அமெரிக்காவுக்கு எதிரான ஆட்டத்தில் காய்ச்சல் காரணமாக விளையாடாத ஜஸ்பிரித் பும்ரா நமீபியாவுக்கு எதிரான போட்டியில் களமிறங்குகிறார். இதனால் முகமது சிராஜ் நீக்கப்பட அதிக வாய்ப்புகள் உள்ளன. அமெரிக்காவுக்கு எதிரான போட்டியில் சிராஜ் 3 விக்கெட்டுகளை வீழ்த்தி மேட்ச் வின்னராக ஜொலித்து இருந்தாலும், அர்ஷ்தீப் சிங் தொடர்ந்து நல்ல நிலையில் பந்து வீசி வருவதால் சிராஜ் நீக்கப்படவே வாய்ப்புகள் இருக்கின்றன.

Image Credit : Getty

இந்திய அணியின் பிளேயிங் லெவன்

அடுத்ததாக காயம் காரணமாக இந்திய அணியில் நீண்ட காலம் விளையாடாத தமிழக வீரர் வாஷிங்டன் சுந்தர் மீண்டும் அணியில் கம்பேக் கொடுக்கிறார் என்று சூர்யகுமார் ஏற்கெனவே தெரிவித்து விட்டார். இதனால் பிளேயிங் லெவனில் வாஷிங்டன் சுந்தர் சேர்க்கப்பட்டு ஆல்ரவுண்டர் ஷிவம் துபே நீக்கப்பட உள்ளார்.

நமீபியாவுக்கு எதிரான ஆட்டத்தில் இந்திய அணியின் உத்தேச பிளேயிங் லெவன்: சூர்யகுமார் யாதவ் (கேப்டன்), சஞ்சு சாம்சன், இஷான் கிஷன், திலக் வர்மா, ஹர்திக் பாண்ட்யா, ரிங்கு சிங், அக்சர் படேல், வாஷிங்டன் சுந்தர், வருண் சக்கரவர்த்தி, ஜஸ்பிரித் பும்ரா, மற்றும் அர்ஷ்தீப் சிங்.