IND vs SA சூப்பர் 8.. அபிஷேக் சர்மா அதிரடி நீக்கம்? மீண்டும் வரும் சஞ்சு.. இந்திய அணி பிளேயிங் லெவன்!

இந்தியா vs தென்னாப்பிரிக்கா சூப்பர் 8 போட்டியில் அதிரடி மன்னன் அபிஷேக் சர்மா நீக்கப்பட்ட உள்ளதாக கூறப்படுகிறது. இந்திய அணியின் பிளேயிங் லெவன் குறித்து இந்த செய்தியில் விரிவாக காணலாம்.

Image Credit : Getty

இந்தியா vs தென்னாப்பிரிக்கா சூப்பர் 8 போட்டி

இந்தியா மற்றும் இலங்கையில் நடைபெறும் டி20 உலகக்கோப்பை சூப்பர் 8 சுற்று என பரபரப்பான கட்டத்தை எட்டியுள்ளது. இந்தியா, இலங்கை, தென்னாப்பிரிக்கா, பாகிஸ்தான், நியூசிலாந்து, வெஸ்ட் இண்டீஸ், இங்கிலாந்து மற்றும் ஜிம்பாப்வே அணிகள் சூப்பர் 8 சுற்றுக்கு தகுதி பெற்றுள்ளன. 

இந்திய அணி தனது முதல் சூப்பர் 8 சுற்று போட்டியில் பலம் வாய்ந்த தென்னாப்பிரிக்கா அணியை வரும் 22ம் தேதி (ஞாயிற்றுக்கிழமை) குஜராத்தின் அகமதாபாத்தில் உள்ள நரேந்திர மோடி மைதானத்தில் எதிர்கொள்ள உள்ளது.

Image Credit : Getty

அதிரடியாக நீக்கப்படும் அபிஷேக் சர்மா

இந்த போட்டியில் இந்திய அணியின் பிளேயிங் லெவன் எப்படி இருக்கும்? என்பதே இப்போது பேச்சாக உள்ளது. இந்திய அணியில் அதிரடி மாற்றமாக சிக்சர் மன்னன் அபிஷேக் சர்மா (Abhishek Sharma) நீக்கப்படலாம் என தகவல்கள் வெளியாகி உள்ளன. 

டி20 உலகக்கோப்பையில் இவரால் தான் இந்திய அணி 300 ரன்களை கடக்கப்போகிறது என ரசிகர்கள் பயர் விட்டு வந்த நிலையில், அனைவரையும் ஏமாற்றிய அபிஷேக் சர்மா அமெரிக்கா, பாகிஸ்தான் மற்றும் நெதர்லாந்து என தான் விளையாடிய 3 போட்டிகளிலும் ஹாட்ரிக் டக் அவுட்டாகியுள்ளார்.

Image Credit : Getty

சஞ்சு சாம்சனுக்கு மீண்டும் வாய்ப்பு

தனது முதல் டி20 உலகக்கோப்பையில் அபிஷேக் சர்மா இதுவரை ஒரு ரன் கூட அடிக்கவில்லை. கெத்தாக பேட்டை தூக்கிக்கொண்டு களத்துக்கு வரும் அவர் முதல் ஓவரிலேயே அவுட்டாகி நடையை கட்டி விடுகிறார். நமீபியாவுக்கு எதிரான போட்டியில் உடல்நலக்குறைவால் களமிறங்காத அபிஷேக் சர்மா, மனரீதியாகவும் சோர்வாக உள்ளார். 

ஆகவே தென்னாப்பிரிக்காவுக்கு எதிரான சூப்பர் 8 சுற்று போட்டியில் அவருக்கு ஓய்வு அளித்து விட்டு, ஜிம்பாப்வேவுக்கு எதிரான போட்டியில் களமிறக்க பிசிசிஐ முடிவு செய்துள்ளதாக கூறப்படுகிறது. அப்படி அபிஷேக் சர்மா விளையாடவில்லை என்றால் சஞ்சு சாம்சன் (Sanju Samson) மீண்டும் அணியில் இடம்பெற அதிக வாய்ப்புகள் உள்ளன.

Image Credit : X@bcci

2 மெயின் பாஸ்ட் பவுலர்கள் இடம்பெறலாம்

மற்றபடி நெதர்லாந்துக்கு எதிரான போட்டியில் களம் கண்ட தமிழக வீர வாஷிங்டன் சுந்தர் நீக்கப்பட்டு அவருக்கு பதிலாக அந்த போட்டியில் ஓய்வளிக்கப்பட்ட ஆல்ரவுண்டர் அக்சர் படேல் மீண்டும் அணிக்கு திரும்புகிறார். அகமதாபாத் மைதானம் வேகத்துக்கும் கைகொடுக்கும் என்பதால் பும்ராவுடன், அர்ஷ்தீப் சிங்கும் இடம்பெறுவார் என எதிர்பார்க்கப்படுகிறது.

Image Credit : ANI

இந்திய அணி பிளேயிங் லெவன்

தென்னாப்பிரிக்காவுக்கு எதிரான சூப்பர் 8 சுற்று போட்டிக்கான இந்திய அணியின் உத்தேச பிளேயிங் லெவன்: சூர்யகுமார் யாதவ் (கேப்டன்), சஞ்சு சாம்சன், இஷான் கிஷன், திலக் வர்மா, ஹர்திக் பாண்ட்யா, ஷிவம் துபே, ரிங்கு சிங், அக்சர் படேல், அர்ஷ்தீப் சிங், ஜஸ்பிரித் பும்ரா மற்றும் வருண் சக்கரவர்த்தி.