வார்னர் முதல் DK வரை 2024ல் கிரிக்கெட்டுக்கு குட்பை சொன்ன அதிரடி வீரர்கள்

2024 ஆண்டு சுருக்கம்: 2024ல் இந்தியா T20 உலகக் கோப்பையை வென்ற பிறகு, நட்சத்திர வீரர்கள் விராட் கோலி, ரோஹித் சர்மா, ரவீந்திர ஜடேஜா ஆகியோர் T20 கிரிக்கெட்டிலிருந்து கூட்டாக ஓய்வு பெற்றனர். இதனிடையே 2024ல் கிரிக்கெட்டில் இருந்து ஓய்வு பெற்ற வீரர்களின் விவரம்.

ரவிச்சந்திரன் அஸ்வின்

இந்திய அணியின் லெஜண்டரி சுழற்பந்து வீச்சாளர் ரவிச்சந்திரன் அஸ்வின் டிசம்பர் 18 அன்று பார்டர்-கவாஸ்கர் தொடரின் மூன்றாவது டெஸ்டுக்குப் பிறகு சர்வதேச கிரிக்கெட்டிலிருந்து ஓய்வு பெற்றார். 106 டெஸ்ட் போட்டிகளில் 537 விக்கெட்டுகளுடன், இந்தியாவுக்காக இரண்டாவது அதிக விக்கெட்டுகள் எடுத்த பந்து வீச்சாளராக என்ற சாதனையுடன் உள்ளார். ஒருநாள் போட்டிகளில் 156 விக்கெட்டுகளும், T20 கிரிக்கெட்டில் 72 விக்கெட்டுகளும் எடுத்துள்ளார்.

டேவிட் வார்னர்

ஆஸ்திரேலிய தொடக்க ஆட்டக்காரர் டேவிட் வார்னர் 2024 இல் சர்வதேச கிரிக்கெட்டிலிருந்து ஓய்வு பெற்றார். டெஸ்ட், ஒருநாள், T20 என எந்த வடிவமாக இருந்தாலும் அதிரடி ஆட்டத்தை வெளிப்படுத்துவதில் வல்லவர். வார்னர் 20,000க்கும் மேற்பட்ட சர்வதேச ரன்கள் குவித்துள்ளார். இதில் 48 சதங்கள் அடங்கும்.

டீன் எல்கர்

தென்னாப்பிரிக்க தொடக்க ஆட்டக்காரர் டீன் எல்கர் 2024ல் சர்வதேச கிரிக்கெட்டில் இருந்து ஓய்வு பெற்றார். டெஸ்ட் கிரிக்கெட்டில் சிறந்து விளங்கிய எல்கர் 86 டெஸ்டுகளில் 5000க்கும் மேற்பட்ட ரன்கள் எடுத்துள்ளார். தென்னாப்பிரிக்க அணிக்கு அவரது தலைமைத்துவமும், கிரீஸில் அவரது உறுதியான மனப்பான்மையும் கிரிக்கெட் வரலாற்றில் அவருக்கு ஒரு தனித்துவமான இடத்தைப் பெற்றுத் தந்துள்ளது.

ஷிகர் தவான்

இந்திய அணியின் நட்சத்திர தொடக்க ஆட்டக்காரர் ஷிகர் தவான் 2024 ஆகஸ்டில் சர்வதேச கிரிக்கெட்டிலிருந்து ஓய்வு பெற்றார். ஒருநாள் போட்டிகளில் 17க்கும் மேற்பட்ட சதங்கள் அடித்த தவான், 2013 சாம்பியன்ஸ் டிராபி இந்தியா வெற்றி பெற முக்கிய பங்காற்றினார். இந்தியாவுக்காக அனைத்து வடிவங்களிலும் சிறப்பாக விளையாடியுள்ளார்.

ரவீந்திர ஜடேஜா

இந்தியாவின் பெருமைக்குரிய ஆல்-ரவுண்டர்களில் ரவீந்திர ஜடேஜாவும் ஒருவர். இந்தியா T20 உலகக் கோப்பையை வென்ற பிறகு, சர்வதேச T20 கிரிக்கெட்டிலிருந்து ஓய்வு பெற்றார்.

விராட் கோலி

கிரிக்கெட்டில் அற்புதமான ஆட்டத்தை வெளிப்படுத்திய நட்சத்திர பேட்ஸ்மேன் விராட் கோலி, இந்தியா T20 உலகக் கோப்பை 2024ஐ வென்ற பிறகு, T20 கிரிக்கெட்டில் இருந்து ஓய்வு பெற்றார். இறுதிப் போட்டியில் கோலி அடித்த 76 ரன்கள் இந்தியா கோப்பையை வெல்ல முக்கிய பங்காற்றியது.

ரோஹித் சர்மா

இந்திய அணி கேப்டன் ரோஹித் சர்மா, ICC T20 உலகக் கோப்பை 2024இல் இந்தியாவை சாம்பியன் பட்டம் வெல்ல வைத்த பிறகு, சர்வதேச T20 கிரிக்கெட்டிலிருந்து ஓய்வு பெற்றார். தற்போது ரோஹித் ஒருநாள் மற்றும் டெஸ்ட் கிரிக்கெட்டில் விளையாடி வருகிறார். ஐபிஎல் போட்டிகளில் மும்பை இந்தியன்ஸ் அணிக்காக விளையாடுகிறார்.

ஜேம்ஸ் ஆண்டர்சன்

இங்கிலாந்து அணியின் லெஜண்டரி வேகப்பந்து வீச்சாளர் ஜேம்ஸ் ஆண்டர்சன் 2024இல் சர்வதேச கிரிக்கெட்டிலிருந்து ஓய்வு பெற்றார். டெஸ்ட் கிரிக்கெட்டில் 704 விக்கெட்டுகள் வீழ்த்திய ஆண்டர்சன், சர்வதேச கிரிக்கெட்டில் அதிக விக்கெட்டுகள் எடுத்த வேகப்பந்து வீச்சாளர் என்ற பெருமையைப் பெற்றுள்ளார்.

தினேஷ் கார்த்திக்

இந்திய அணியின் நட்சத்திர விக்கெட் கீப்பர் பேட்ஸ்மேன் தினேஷ் கார்த்திக் 2024இல் அனைத்து சர்வதேச கிரிக்கெட் வடிவங்களிலிருந்தும் ஓய்வு பெற்றார். விக்கெட்டுகளுக்குப் பின்னால் அற்புதங்களைச் செய்ததோடு மட்டுமல்லாமல், முக்கியமான தருணங்களில் சிறப்பான பேட்டிங்கை வெளிப்படுத்திய தினேஷ் கார்த்திக், இந்தியா 2007இல் T20 உலகக் கோப்பையை வெல்ல முக்கிய பங்காற்றினார்.

காலின் மன்ரோ

நியூசிலாந்து தொடக்க ஆட்டக்காரர் காலின் மன்ரோ 2024இல் சர்வதேச கிரிக்கெட்டிலிருந்து ஓய்வு பெற்றார். குறுகிய ஓவர் கிரிக்கெட்டில் அதிரடி ஆட்டக்காரரான மன்ரோ, நியூசிலாந்துக்காக T20 மற்றும் ஒருநாள் போட்டிகளில் விளையாடியுள்ளார்.

ஹென்ரிச் கிளாசன்

தென்னாப்பிரிக்க விக்கெட் கீப்பர் பேட்ஸ்மேன் ஹென்ரிச் கிளாசன் 2024 டெஸ்ட் கிரிக்கெட்டிலிருந்து ஓய்வு பெற்றார். ஒரு சில டெஸ்ட் போட்டிகளில் மட்டுமே விளையாடிய கிளாசன், குறுகிய ஓவர் கிரிக்கெட்டில் கவனம் செலுத்துகிறார். ஒருநாள் மற்றும் T20 போட்டிகளில் தென்னாப்பிரிக்காவுக்காக சிறப்பாக விளையாடியுள்ளார்.