#AUSvsIND செமயா பவுலிங் போடுறாப்ள.. டெஸ்ட் அணியிலும் நடராஜனை எடுங்க..! சச்சின் டெண்டுல்கர் அதிரடி

கேப்டன் விராட் கோலியும் அணி நிர்வாகமும் தன் மீது வைத்திருந்த நம்பிக்கையை வீணடிக்காமல், முதல் டி20 போட்டியில் 3 விக்கெட்டுகளை வீழ்த்திய நடராஜன், 2வது போட்டியில் 2 விக்கெட்டுகளையும் 3வது டி20 போட்டியில் ஒரு விக்கெட்டையும் வீழ்த்தினார். நடராஜன் வீழ்த்திய அனைத்து விக்கெட்டுகளுமே ஆட்டத்தின் முக்கியமான கட்டத்தில் வீழ்த்தப்பட்ட முக்கியமான விக்கெட்டுகள். தொடர் நாயகன் விருதை வென்ற ஹர்திக் பாண்டியா அந்த விருதை நடராஜனிடம் கொடுத்து நடராஜனை கொண்டாடினார். கேப்டன் விராட் கோலியும் டி20 தொடரை வென்ற கோப்பையை நடராஜனிடம் கொடுத்து கௌரவப்படுத்தினார்.

க்ளென் மெக்ராத், பிரெட் லீ உள்ளிட்ட ஆஸி., முன்னாள் லெஜண்ட் ஃபாஸ்ட் பவுலர்கள் முதல் பல ஜாம்பவான்களும் நடராஜனின் பவுலிங்கை புகழ்ந்துவருகின்றனர். இந்நிலையில், டி20 மற்றும் ஒருநாள் போட்டிகளில் அசத்தலாக பந்துவீசிய நடராஜனை டெஸ்ட் போட்டிகளிலும் ஆடவைக்க வேண்டும் என்று சச்சின் டெண்டுல்கர் அறிவுறுத்தியுள்ளார்.

இதுகுறித்து பேசியுள்ள சச்சின் டெண்டுல்கர், ஆஸ்திரேலியாவில் ஒருநாள் மற்றும் டி20 கிரிக்கெட்டில் நடராஜன் அருமையாக பந்துவீசியிருக்கிறார். டெஸ்ட் போட்டிகளில் இஷாந்த் சர்மா ஆடாத நிலையில், நடராஜனை டெஸ்ட் அணியில் எடுத்து ஆஸ்திரேலியாவுக்கு எதிராக ஆடவைக்கலாம் என்பது எனது கருத்து என்று சச்சின் டெண்டுல்கர் தெரிவித்துள்ளார்.