#AUSvsIND ஃபிட்னெஸ் டெஸ்ட்டில் தேர்ச்சி.. ஆஸி.,க்கு எதிரான கடைசி 2 டெஸ்ட்டில் களமிறங்குகிறார் ரோஹித் சர்மா

இந்திய ஒருநாள் மற்றும் டி20 அணிகளின் துணை கேப்டன் ரோஹித் சர்மாவுக்கு ஐபிஎல்லின் போது தொடைப்பகுதியில் காயம் ஏற்பட்டது. அதனால் லீக் சுற்றில் சில போட்டிகளில் ஆடாத ரோஹித் சர்மா, நாக் அவுட் மற்றும் ஃபைனல் ஆகிய போட்டிகளில் ஆடினார். ஆனாலும் காயத்திலிருந்து மீண்டு முழு உடற்தகுதி பெறாததால் ஆஸ்திரேலியாவுக்கு எதிரான ஒருநாள் மற்றும் டி20 தொடர்களுக்கான இந்திய அணியில் எடுக்கப்படவில்லை.

ஐபிஎல் முடிந்ததும், ஆஸ்திரேலிய சுற்றுப்பயணத்தில் இடம்பெற்றிருந்த இந்திய வீரர்கள் அனைவரும், ஐக்கிய அரபு அமீரகத்திலிருந்து நேரடியாக ஆஸ்திரேலியாவிற்கு சென்றுவிட்ட நிலையில், நவம்பர் 19ம் தேதி ரோஹித் சர்மா பெங்களூருவில் உள்ள தேசிய கிரிக்கெட் அகாடமிக்கு பயிற்சிக்கு சென்றார்.