ரசிகர்களின் உணர்வுகளுடன் விளையாடி பார்த்த ஆர்சிபி – இந்த முறையும் ஏமாற்றமா?

RCB Played With Fans Emotions in IPL 2025 Auction : ஐபிஎல் 2025 ஏலத்தில் ஆர்சிபி அணியானது ரசிகர்களிடன் உணர்வுகளுடன் விளையாடியுள்ளதாக பேச்சு அடிபடுகிறது. ஏன் அவ்வாறு சொல்லப்படுகிறது என்று பார்க்கலாம்.

Rsiva kumar

First Published Nov 26, 2024, 9:35 AM IST | Last Updated Nov 26, 2024, 9:41 AM IST

RCB Retain Players, RCB Played With Fans Emotions in IPL Auction

RCB Played With Fans Emotions in IPL Auction : ஐபிஎல் 2025 தொடரின் 18ஆவது சீசனுக்கான ஐபிஎல் 2025 ஏலம் 24 மற்றும் 25ஆம் தேதிகளில் சவுதி அரேபியாவின் ஜெட்டா நகரில் நடைபெற்றது. இந்த ஏலத்திற்கு பதிவு செய்த 1000க்கும் அதிகமான வீரர்களிலிருந்து 577 வீரர்கள் மட்டுமே தேர்வு செய்யப்பட்டனர். இவர்களில் 367 இந்திய வீரர்கள் மற்றும் 210 வெளிநாட்டு வீரர்கள்.

ஆனால், ஐபிஎல் 2025 தொடருக்கு மொத்தமாக 204 வீரர்கள் மட்டுமே ஏலம் எடுக்கப்பட இருந்தனர். இதில், 70 வெளிநாட்டு வீரர்கள் அடங்குவர். ஆனால், 2 நாட்கள் நடைபெற்ற ஏலத்தில் மொத்தமாக 62 வெளிநாட்டு வீரர்கள் உள்பட மொத்தமாக 182 வீரர்கள் மட்டுமே தேர்வு செய்யப்பட்டனர்.

RCB Franchise, IPL 2025 Auction RCP Players List

இதில் ராயல் சேலஞ்சர்ஸ் பெங்களூரு மற்ற அணிகள் வேண்டாம் என்று விடுவித்த வீரர்ககளை அதிக தொகை கொடுத்து எடுத்து வைத்திருக்கிறது. என்ன ஆச்சரியம் என்றால் அன்கேப்டு வீரர்களை கூட பல கோடி கொடுத்து ஏலம் எடுத்துள்ளது. ஐபிஎல் கிரிக்கெட் திருவிழாவில் பிரபலமான அணிகளில் ஒன்றாக இருப்பது ராயல் சேலஞ்சர்ஸ் பெங்களூரு. கடந்த 17 ஐபிஎல் சீசன்களில் விளையாடியிருந்தாலும் ஒரு முறை கூட டிராபி வெல்லவில்லை. மூன்று முறை இரண்டாம் இடத்தைப் பிடித்ததே அவரது மிகப்பெரிய சாதனை.

IPL 2025 Auction, RCB Players List

18வது ஐபிஎல் போட்டிக்கு தயாராகி வரும் ஆர்சிபி, ஏலத்திற்கு முன்னதாக விராட் கோலி, ரஜத் படிதார் மற்றும் யாஷ் தயாள் ஆகியோரை மட்டும் தக்க வைத்துக் கொண்டது. வில் ஜாக்ஸ், பாப் டு பிளெசிஸ், கிளென் மேக்ஸ்வெல், முகமது சிராஜ் போன்ற வீரர்களை விடுவித்து ஆச்சரியப்படுத்தியது. இதில் குறைந்தது இருவரையாவது ஆர்டிஎம் மூலம் தக்க வைத்துக் கொள்ளலாம் என ரசிகர்கள் நினைத்தனர்.

Akash Ambani Goes Up To RCB Table

ஆர்சிபிக்கு கை கொடுத்த ஆகாஷ் அம்பானி:

ஐபிஎல் 2025 ஏலத்தின் போது மும்பை எடுத்த வில் ஜாக்ஸை ஆர்சிபி ஆர்டிஎம் பயன்படுத்தாமல் விட்டுவிட்டதால் RCB உரியாளருடன் மும்பை உரிமையாளர் ஆகாஷ் அம்பானி கைகுலுக்கி சென்றார். ஆர்சிபியின் இந்த செயல் கிரிக்கெட் விமர்சகர்களை அதிர்ச்சியடைச் செய்தது. ஏன், இவ்வாறு ஆர்சிபி செய்தது என்று கேள்வி எழுப்பவும் செய்தது. கடந்த சீசனில் ஆர்சிபியில் இடம் பெற்ற வில் ஜாக்ஸ் 8 போட்டிகளில் இடம் பெற்று 230 ரன்கள் மட்டும் 2 விக்கெட்டுகளை எடுத்தார். அப்படிப்பட்ட ஒரு அருமையான வீரரை ஆர்சிபி கோட்டைவிட்டது தான் சமூக வலைதளங்களில் கேள்விக்குறியாகியுள்ளது.

Royal Challengers Bengaluru, IPL 2025 Auction

ரசிகர்களை ஏமாற்றிய ஆர்சிபி:

ஆனால், ஏலத்தில் வீரர்கள் வாங்கப்பட்ட விதத்தைப் பார்க்கும்போது ஆர்சிபி விரும்புவது கோப்பையை அல்ல, ரசிகர்களின் பணத்தைத்தான் என்று தோன்றுகிறது. RCB வெற்றி அல்லது தோல்வியை கன்னடர்கள் ஆதரிப்பார்கள். இவ்வளவு ஏன் ஏலம் எடுத்துக் கொண்டிருக்கும் போது ஆர்சிபி ஏலம் எடுக்கும் போதெல்லாம் ரசிகர்கள் ஆர்சிபி ஆர்சிபி என்று கோஷம் எழுப்பினர். அப்படியிருக்கும் போது ரசிகர்களின் ஆர்வத்தை RCB பயன்படுத்திக் கொண்டது. போட்டிகளுக்கான விலையுயர்ந்த டிக்கெட்டுகளை விற்று பணம் சம்பாதிப்பது தான் இப்போது அவர்களது நோக்கமாக இருப்பதாக தெரிகிறது. சென்னை, மும்பை போட்டிகளுக்கான டிக்கெட்டுகள் 30-40 ஆயிரம் என்றாலும், ரசிகர்கள் வாங்கிச் செல்கின்றனர்.

IPL 2025 Auction RCB Players List

ஆர்சிபியில் கன்னடர்களுக்கு வாய்ப்பில்லை:

ஆர்சிபி கடந்த சில ஆண்டுகளாக கன்னடர்களை புறக்கணித்து வருகிறது. கேஎல் ராகுல், கருண் நாயர், அபினவ் மனோகர், மணீஷ் பாண்டே, வைஷாக் விஜய்குமார், தேவ்தத் படிக்கல், மாயங்க் அனுராக் அகர்வால், வித்வத் கவீரப்பா ஆகியோர் ஏலத்தில் பதிவு செய்யப்பட்டனர். ஆனால் RCB அவரை வாங்கவில்லை. மனோஜ் பாண்டேஜ் அடிப்படை விலையான ரூ.30 லட்சத்துக்கு வாங்கப்பட்டாலும் அவர் பெஞ்சில் உட்கார வாய்ப்பு அதிகம்.

IPL Auction 2025

ஆர்சிபி கோப்பை வென்றால் க்ரேஸ் குறையுமா?

ஈ சாலா கப் நம்தே என பல ஆண்டுகளாக ரசிகர்கள் ஆதரவு அளித்து வருகின்றனர். ஆனால் கோப்பை மட்டும் இல்லை. கோப்பையை வென்றால் ஆர்சிபியின் மோகம் குறையும் என்பது ரசிகர் வட்டாரத்தில் நகைச்சுவையாக உள்ளது. ஆனால் சமீபத்திய முன்னேற்றங்கள் உண்மையாகவே தெரிகிறது.

ரசிகர்களின் நம்பிக்கையைப் பயன்படுத்திக் கொண்டுள்ள ஆர்சிபி, கோப்பையை வென்று நம்பிக்கையைக் காப்பாற்றுமா அல்லது ரசிகர்களின் உணர்வுகளுடன் விளையாடுமா என்பதை பொறுத்திருந்துதான் பார்க்க வேண்டும்.

IPL 2025 Auction RCB Players List

ஐபிஎல் 2025 ஏலம்: ஆர்சிபியில் ஏலம் எடுக்கப்பட்ட வீரர்கள்:

ஐபிஎல் 2025 ஏலத்தில் ஆர்சிபி 8 வெளிநாட்டு வீரர்கள் உள்பட 19 வீரர்களை ஏலம் எடுத்தது. ஏலத்திற்கு பிறகு தக்க வைப்பு வீரர்களுடன் ஆர்சிபியில் 22 வீரர்கள் இருக்கின்றனர். ரூ.120 கோடியில் மீதம் ரூ.75 லட்சம் மட்டும் கையில் உள்ளது என்பது குறிப்பிடத்தக்கது.