ஜெய்ப்பூரில் ஹாட்ரிக் வெற்றி பெறுமா RR? இதுவரையில்15 போட்டிகளில் ஜெயிச்ச RR, 12ல் ஜெயிச்ச RCB!

ஜெய்ப்பூரில் இன்று இரவு 7.30 மணிக்கு நடைபெறும் 19ஆவது லீக் போட்டியில் ராயல் சேலஞ்சர்ஸ் பெங்களூரு மற்றும் ராஜஸ்தான் ராயல்ஸ் அணிகள் மோதுகின்றன.

IPL 19th League Match

சஞ்சு சாம்சன் தலைமையிலான ராஜஸ்தான் ராயல்ஸ் அணியானது நடப்பு ஆண்டுக்கான ஐபிஎல் 2024 தொடரின் 17ஆவது சீசனில் விளையாடிய 3 போட்டிகளிலும் வெற்றி பெற்று புள்ளிப்பட்டியலில் 2ஆவது இடத்தில் உள்ளது.

IPL 2024

இதில், 2 போட்டி ஹோம் மைதானத்தில் நடந்தது. ஒரு போட்டியில் மும்பை வான்கடே மைதானத்தில் நடந்தது. இந்தப் போட்டியில் முதலில் பேட்டிங் செய்த மும்பை இந்தியன்ஸ் 125 ரன்கள் மட்டுமே எடுத்தது.

Rajasthan Royals

பின்னர் பேட்டிங் செய்த ராஜஸ்தான் ராயல்ஸ் 15.3 ஓவர்களில் 4 விக்கெட்டுகளை இழந்து 127 ரன்கள் எடுத்து 6 விக்கெட்டுகள் வித்தியாசத்தில் வெற்றி பெற்றது. இதே போன்று, பாப் டூப் ளெசிஸ் தலைமையிலான ராயல் சேலஞ்சர்ஸ் பெங்களூரு விளையாடிய 4 போட்டிகளில் 3 போட்டிகளில் தோல்வியும், ஒரு போட்டியில் வெற்றியும் பெற்று புள்ளிப்பட்டியலில் 8ஆவது இடத்தில் உள்ளது.

Royal Challengers Bengaluru

இதில், ஹோம் மைதானத்தில் நடந்த 3 போட்டிகளில் ஒரு போட்டியில் மட்டுமே வெற்றி பெற்றுள்ளது. இந்த நிலையில் தான் ராஜஸ்தான் ராயல்ஸ் மற்றும் ராயல் சேல்சஞ்சர்ஸ் பெங்களூரு அணிகளுக்கு இடையிலான 19ஆவது லீக் போட்டி இன்று இரவு 7.30 மணிக்கு ஜெய்பூரில் உள்ள சவாய் மான்சிங் ஸ்டேடியத்தில் நடைபெறுகிறது.

Sawai Mansingh Stadium

சவாய் மான்சிங் ஸ்டேடியம்:

இந்த மைதானத்தில் இதுவரையில் 54 போட்டிகள் நடந்துள்ளது. இதில், முதலில் பேட்டிங் செய்த அணி 20 போட்டியிலும், 2ஆவது பேட்டிங் செய்த அணி 34 போட்டியிலும் வெற்றி பெற்றுள்ளன. மேலும், இந்த மைதானத்தில் எடுக்கப்பட்ட அதிகபட்ச ஸ்கோர் 217/6, 20 ஓவர்கள் (ஆர் ஆர் மற்றும் சன்ரைசர்ஸ் ஹைதராபாத்).

RR vs RCB, 19th IPL 2024 Match

அதிகமாக சேஸ் செய்யப்பட்ட ரன்கள் 193/4, 19.2 ஓவர்கள் (டெல்லி மற்றும் ராஜஸ்தான் ராயல்ஸ்). குறைந்தபட்ச ஸ்கோர் 59/10, 17.1 ஓவர்கள் (ராஜஸ்தான் ராயல்ஸ் மற்றும் ராயல் சேலஞ்சர்ஸ் பெங்களூரு).

RR vs RCB, IPL 19th Match

பேட்டிங்கிற்கு சாதகமாக இந்த மைதானத்தில் அதிக ரன்கள் குவிக்க வாய்ப்பிருக்கிறது. இதற்கு முன்னதாக இந்த சீசனில் ராஜஸ்தான் ராயல்ஸ் 2 போட்டிகளில் விளையாடியுள்ளது. இதில் 2 போட்டியிலும் முதலில் பேட்டிங் செய்து 193/4 ரன்கள் மற்றும் 185/5 ரன்கள் எடுத்து வெற்றி பெற்றிருக்கிறது.

Royal Challengers Bengaluru

ராஜஸ்தான் ராயல்ஸ் – ராயல் சேலஞ்சர்ஸ் பெங்களூரு:

இதுவரையில் இரு அணிகளும் நேருக்கு நேர் 30 போட்டிகளில் மோதியுள்ளன. இதில், 15 போட்டிகளில் ராஜஸ்தான் ராயல்ஸ் அணியும், 12 போட்டிகளில் ராயல் சேலஞ்சர்ஸ் பெங்களூரு அணியும் வெற்றி பெற்றுள்ளன. மேலும், 3 போட்டிகளுக்கு முடிவு எட்டப்படவில்லை.

Rajasthan Royals

ராஜஸ்தான் ராயல்ஸ் பிளேயிங் 11:

ஜோஸ் பட்லர், யஷஸ்வி ஜெய்ஸ்வால், சஞ்சு சாம்சன் (கேப்டன், விக்கெட் கீப்பர்), ரியான் பராக், துருவ் ஜூரெல், ஷிம்ரான் ஹெட்மயர், ரவிச்சந்திரன் அஸ்வின், யுஸ்வேந்திர சஹால், நந்த்ரே பர்கர், ஆவேஷ் கான், டிரெண்ட் போல்ட்.

இம்பேக்ட் பிளேயர்: ஷுபம் துபே.

RR vs RCB, IPL 19th Match

ராயல் சேலஞ்சர்ஸ் பெங்களூரு:

விராட் கோலி, பாப் டூ ப்ளெசிஸ் (கேப்டன்), ரஜத் படிதார், கிளென் மேக்ஸ்வெல், கேமரூன் க்ரீன், அனுஜ் ராவத் (விக்கெட் கீப்பர்), தினேஷ் கார்த்திக், மாயங்க் டாகர், ரீஸ் டாப்ளே, முகமது சிராஜ், யாஷ் தயாள்.

இம்பேக்ட் பிளேயர்: மகிபால் லோம்ரோர்