#AUSvsIND நெட்டில் கோலி, ரஹானே, புஜாராவின் விக்கெட்டை எல்லாம் தட்டி தூக்கிய நடராஜன்..! அணி நிர்வாகம் செம குஷி

வலைப்பயிற்சியில் பும்ரா, ஷமி, உமேஷ் யாதவ் ஆகியோருடன், வலைப்பயிற்சி பவுலர்களாக எடுக்கப்பட்ட நடராஜன், ஷர்துல் தாகூர் என அனைவரையும் வீசவைத்து, கோலி, ரஹானே, புஜாரா, மயன்க் அகர்வால், பிரித்வி ஷா, ஹனுமா விஹாரி என அனைவரும் தீவிரமாக பேட்டிங் பயிற்சி செய்துவருகின்றனர்.

தனது அபாரமான பவுலிங்கால் ஆஸ்திரேலிய வீரர்களை அலறவிட்டு, கேப்டன் விராட் கோலியின் நன்மதிப்பை சம்பாதித்த நடராஜன், வலைப்பயிற்சியில் கோலியையே அலறவிட்டுவிட்டார். வலையில் நடராஜன் மிகச்சிறப்பாக பந்துவீசிவருவதாக ஏற்கனவே தகவல்கள் வெளியான நிலையில், கோலி, ரஹானே, புஜாரா ஆகியோரின் விக்கெட்டை எடுக்குமளவிற்கான பந்துகளை நடராஜன் வீசியிருக்கிறார்.

சமகாலத்தின் தலைசிறந்த பேட்ஸ்மேனான விராட் கோலி, டெஸ்ட் ஸ்பெஷலிஸ்ட் பேட்ஸ்மேன்களான ரஹானே, புஜாரா ஆகிய இந்திய அணியின் முக்கியமான வீரர்கள், நடராஜனின் பவுலிங்கில் ஆடிய ஷாட்டுகள் நிஜ களமாக இருந்திருந்தால் கேட்ச் ஆகியிருக்கும் அல்லது பந்தை ஆடாமல் எல்பிடபிள்யூ ஆகியிருக்கும் என்று ஆஸி.,யிலிருந்து கிடைக்கும் தகவல்கள் தெரிவிக்கின்றன. வலையில் நடராஜனின் பவுலிங்கை கண்டு அணி நிர்வாகம் செம மகிழ்ச்சியில் உள்ளதகாவும் தகவல் வெளியாகியுள்ளது. வெள்ளைப்பந்தில்(ஒருநாள் மற்றும் டி20) தனது திறமையை நிரூபித்த நடராஜன், சிவப்பு பந்திலும் நெட்டில் அருமையாக வீசுவதால், டெஸ்ட் அணியில் இடம் கிடைத்தாலும் ஆச்சரியப்படுவதற்கில்லை.