சந்தீப் சர்மா வேகத்தில் தடுமாறிய MI: திலக் வர்மா, நேஹல் வதேரா அதிரடி – மும்பை இந்தியன்ஸ் 179 ரன்கள் குவிப்பு!
ராஜஸ்தான் ராயல்ஸ் அணிக்கு எதிரான ஐபிஎல் 2024 தொடரின் 38ஆவது லீக் போட்டியில் டாஸ் வென்று முதலில் பேட்டிங் செய்த மும்பை இந்தியன்ஸ் 20 ஓவர்களில் 9 விக்கெட்டுகளை இழந்து 179 ரன்கள் எடுத்துள்ளது.
FollowRajasthan Royals vs Mumbai Indians 38th IPL 2024 Match
சவாய் மான்சிங் ஸ்டேடியத்தில் மும்பை இந்தியன்ஸ் மற்றும் ராஜஸ்தான் ராயல்ஸ் அணிகளுக்கு இடையிலான ஐபிஎல் 2024 தொடரின் 38ஆவது லீக் நடைபெற்று வருகிறது. இதில், டாஸ் வென்ற மும்பை கேப்டன் ஹர்திக் பாண்டியா பேட்டிங் தேர்வு செய்தார். அதன்படி மும்பை இந்தியன்ஸ் அணியில் ரோகித் சர்மா மற்றும் இஷான் கிஷான் இருவரும் தொடக்க வீரர்களாக களமிறங்கினர்.
Sanju Samson, Rajasthan Royals vs Mumbai Indians 38th IPL 2024 Match
இதில், ரோகித் சர்மா 6, இஷான் கிஷான் 0 மற்றும் சூர்யகுமார் யாதவ் 10 ரன்களில் ஆட்டமிழந்தனர். அடுத்து வந்த முகமது நபி ஓரளவு தாக்குப்பிடித்தார். அவர், 23 ரன்கள் எடுத்திருந்த போது யுஸ்வேந்திர சாஹல் பந்தில் அவரிடம் கேட்ச் கொடுத்து வெளியேறினார். இது அவரது 200ஆவது ஐபிஎல் விக்கெட்டாகும். மேலும், முதல் வீரராக 200 விக்கெட்டுகள் கைப்பற்றிய வீரர் என்ற சாதனையை படைத்தார்.
Tilak Varma, Rajasthan Royals vs Mumbai Indians 38th IPL 2024 Match
பின்னர் திலக் வர்மா உடன் நேஹல் வதேரா ஜோடி சேர்ந்து அதிரடியாக விளையானார். சாஹல் ஓவரில் மட்டும் 3 சிக்ஸர்கள் வீசினார். எனினும் அவர் அரைசதம் அடிக்காமல் 3 பவுண்டரி, 4 சிக்ஸர்கள் உள்பட 49 ரன்களில் ஆட்டமிழந்தார். மும்பை அணிக்காக தனது 100ஆவது ஐபிஎல் போட்டியில் களமிறங்கிய ஹர்திக் பாண்டியா 10 ரன்களில் ஆட்டமிழந்தார்.
Yuzvendra Chahal, Rajasthan Royals vs Mumbai Indians 38th IPL 2024 Match
இவரைத் தொடர்ந்து நிதானமாக தொடங்கி அதிரடியாக விளையாடிய திலக் வர்மா அரைசதம் அடித்த நிலையில், 5 பவுண்டரி, 3 சிக்ஸர் உள்பட 65 ரன்களில் சந்தீப் சர்மா பந்தில் வெளியேறினார். அதன் பிறகு வந்த டிம் டேவிட் 3, ஜெரால்டு கோட்ஸி 0 என்று சொற்ப ரன்களில் ஆட்டமிழந்தனர். கடைசியில் பியூஷ் சாவ்லா 1 ரன்னுடனும், ஜஸ்ப்ரித் பும்ரா 2 ரன்னுடனும் களத்தில் இருந்தனர்.
Nehal Wadhera, Rajasthan Royals vs Mumbai Indians 38th IPL 2024 Match
ராஜஸ்தான் ராயல்ஸ் அணியில் பவுலிங்கைப் பொறுத்த வரையில் சந்தீப் சர்மா 5 விக்கெட்டுகள் கைப்பற்றி அசத்தினார். டிரெண்ட் போல்ட் 2 விக்கெட்டும், ஆவேஷ் கான் மற்றும் யுஸ்வேந்திர சாஹல் தலா ஒரு விக்கெட் கைப்பற்றினர்.
Rajasthan Royals vs Mumbai Indians 38th IPL 2024 Match
மும்பை இந்தியன்ஸ்:
இஷான் கிஷான் (விக்கெட் கீப்பர்), ரோகித் சர்மா, சூர்யகுமார் யாதவ், திலக் வர்மா, ஹர்திக் பாண்ட்யா (கேப்டன்), டிம் டேவிட், நேஹல் வதேரா, முகமது நபி, ஜெரால்டு கோட்ஸி, பியூஸ் சாவ்லா, ஜஸ்ப்ரித் பும்ரா.
ராஜஸ்தான் ராயல்ஸ்:
யஷஸ்வி ஜெய்ஸ்வால், சஞ்சு சாம்சன் (கேப்டன்/விக்கெட் கீப்பர்), ரியான் பராக், துருவ் ஜூரெல், ஷிம்ரன் ஹெட்மயர், ரோவ்மன் பவல், ரவிச்சந்திரன் அஸ்வின், டிரெண்ட் போல்ட், ஆவேஷ் கான், சந்தீப் சர்மா, யுஸ்வேந்திர சஹால்.
சேனலை கிளிக் செய்து பின்தொடரவும்
