கோலி, சாஸ்திரியின் குறுக்குபுத்தி இந்திய வீரர்கள் அனைவருக்கும் தெரியும்..! டீமையே நாசமாக்கி வச்சுருக்காங்க

நீங்கள்(கோலி) சரியாக ஆடாதபோதிலும், உங்கள் மீது நம்பிக்கை வைத்து தொடர் வாய்ப்பளித்த தோனியை நீங்கள் இன்றைக்கு நினைவுகூருவதை போல, இப்போதைய இந்திய அணியில் உங்களை(கோலியை) நினைவுகூர ஒரு வீரர் உண்டா என்று கேள்வி எழுப்பி, கடுமையாக விமர்சித்தார் சேவாக்.

இந்நிலையில், முகமது கைஃபும் கோலியை கடுமையாக விமர்சித்துள்ளார். ஷ்ரேயாஸ் ஐயரை முதல் டி20 போட்டியில் நீக்கியது குறித்து கருத்து தெரிவித்த முகமது கைஃப், ஷ்ரேயாஸ் ஐயர் தான் இந்திய அணியின் 4ம் வரிசை வீரராக அண்மைக்காலத்தில் ஆடிவருகிறார். அவர்தான் இந்திய அணிக்கு போட்டிகளை முடித்து கொடுத்து வருகிறார். நியூசிலாந்து தொடரில் நன்றாகத்தான் ஆடினார்.

ஆனால் ஒருநாள் போட்டிகளில் ஒரு சில இன்னிங்ஸ்களில் சரியாக ஆடவில்லை என்பதற்காக அவரை ஆஸ்திரேலியாவுக்கு எதிரான முதல் டி20 போட்டிக்கான அணியில் எடுக்கவில்லை. இந்திய அணியின் கலாச்சாரம் இப்போது இப்படித்தான் இருக்கிறது. ஒருசில போட்டிகளில் சரியாக ஆடாவிட்டால், கோலியும் சாஸ்திரியும் சேர்ந்து தங்களை தூக்கி எறிந்துவிடுவார்கள் என்ற எதார்த்தத்தை வீரர்களும் நன்கு புரிந்தே வைத்துள்ளனர். தாதா கேப்டனாக இருந்த காலத்தில் எங்களது திறமையை நிரூபிக்க போதிய வாய்ப்பளித்து எங்களை வளர்த்துவிட்டார் என்று கைஃப் தெரிவித்தார்.