கே எல் ராகுல் - அதியா ஷெட்டி திருமணம் கன்பார்ம்: தேதி குறிச்சாச்சு, கெஸ்ட் ஹவுஸ் கூட ரெடி!

தமிழ் சினிமாவில் 12பி, தர்பார் ஆகிய படங்களில் நடித்துள்ள பாலிவுட் நடிகர் சுனில் ஷெட்டியின் மகள் தான் பாலிவுட் நடிகையான அதியா ஷெட்டி. இவர், ஹீரோ, முபாரகான், மோட்டிஜோர் சக்னாஜோர், நவாப்ஷாடே ஆகிய படங்களில் நடித்துள்ளார்.
 

கே எல் ராகுல் மற்றும் அதியா ஷெட்டி இருவரும் கடந்த 2018 ஆம் ஆண்டு முதல் காதலித்து வருகின்றனர். ஆங்கிலப்புத்தாண்டு தினத்தைக் கூட இருவரும் துபாயில் வைத்து கொண்டாடியுள்ளனர். அப்போது எடுக்கப்பட்ட புகைப்படம் சமூக வலைதளங்களைல் வைரலானது. 

வரும் 23 ஆம் தேதி கே எல் ராகுலுக்கும் மற்றும் அதியா ஷெட்டிக்கும் திருமணம் நடக்க இருக்கிறது. அதியா ஷெட்டியின் விக்கிப்பீடியா பக்கத்திலும் இது உறுதிபட தெரிவிக்கப்பட்டுள்ளது. மகாராஷ்டிரா மாநிலத்தில் உள்ள காண்டாலா பகுதியில் உள்ள சுனில் ஷெட்டியின் விருந்தினர் மாளிகையான ஜஹானில் வைத்து இவர்களது திருமணம் மிக பிரம்மாண்டமாக நடக்க இருக்கிறது. 

இவர்களது திருமண விழா வரும் 21 ஆம் தேதி முதலே சங்கீத நிகழ்ச்சி, மெஹந்தி என்று கோலாகலமாக தொடங்க இருக்கிறது. இதில், அதியா ஷெட்டியின் சகோதரர் அஹான் மற்றும் அவரது பெற்றோர்கள் இந்த சங்கீத நிகழ்ச்சியில் கலந்து கொண்டு சிறப்பு சேர்க்க இருக்கின்றனர். 

கே எல் ராகுல் மற்றும் அதியா ஷெட்டியின் திருமண நிகழ்ச்சியின் பாலிவுட் பிரபலங்களான சல்மான் கான், ஜாக்கி ஷெராஃப், அக்‌ஷய் குமார், எம் எஸ் தோனி, விராட் கோலி ஆகியோர் உள்பட பலர் கலந்து கொள்ள இருக்கின்றனர்.

தற்போது இந்தியாவில் சுற்றுப்பயணம் மேற்கொண்டுள்ள இலங்கை அணிக்கு எதிரான ஒரு நாள் போட்டியில் இடம் பெற்றுள்ள கே எல் ராகுல் சிறப்பாக விளையாடி வருகிறார். 

ஏற்கனவே நடந்து முடிந்த 2 போட்டிகளில் இந்திய அணி வெற்றி பெற்று தொடரையும் 2-0 என்று கைப்பற்றிய நிலையில், 3ஆவது மற்றும் கடைசி ஒரு நாள் போட்டி வரும் 15 ஆம் தேதி திருவனந்தபுரத்தில் நடக்க இருக்கிறது. இந்தப் போட்டியில் கே எல் ராகுல் பங்கேற்க மாட்டார் என்று தெரிகிறது.

அதுமட்டுமின்றி வரும் 18 ஆம் தேதி இந்தியா வரும் நியூசிலாந்துக்கு எதிரான ஒரு நாள் மற்றும் டி20 போட்டிகள் கொண்ட தொடரிலும் கே எல் ராகுல் இடம் பெற மாட்டார் என்று தெரிகிறது. அதே போன்று ஆஸ்திரேலியா தொடரிலும் அவர் பங்கேற்பது சந்தேகம் தான்.