- Home
- Sports
- Sports Cricket
- Ishan Kishan RBI Job: பேங்க் ஆபீஸரான இஷான் கிஷன்! மாச சம்பளம் எவ்வளவு தெரியுமா?
Ishan Kishan RBI Job: பேங்க் ஆபீஸரான இஷான் கிஷன்! மாச சம்பளம் எவ்வளவு தெரியுமா?
இந்திய கிரிக்கெட் வீரர் இஷான் கிஷன், ரிசர்வ் வங்கியில் உதவி மேலாளராகப் பொறுப்பேற்றுள்ளார். கழுத்தில் ஐடி கார்டுடன் அவர் வங்கியில் இருக்கும் புகைப்படங்கள் இணையத்தில் வைரலாகி வருகின்றன. அவரின் மாத சம்பளம் எவ்வளவு தெரியுமா?
வங்கி அலுவலகத்தில் கிரிக்கெட் வீரர்.. சோஷியல் மீடியாவில் வைரலாகும் போட்டோஸ்!
சிக்ஸர் மழை பொழியும் இந்திய கிரிக்கெட் வீரர் இஷான் கிஷன் திடீரென ட்ரெண்டாகி வருகிறார். ஆனால் இந்த முறை கிரிக்கெட்டால் அல்ல. பீகார் தலைநகர் பாட்னாவில் உள்ள ரிசர்வ் வங்கி (RBI) அலுவலகத்தில், ஃபார்மல் உடையில், கழுத்தில் ஐடி கார்டுடன் அவர் காணப்பட்டார். அங்கே அவர் டெபாசிட்கள், கடன்கள் மற்றும் பிற கோப்புகளைப் பார்ப்பது போன்ற புகைப்படங்கள் சமூக வலைதளங்களில் வைரலாகி வருகின்றன. இதைப் பார்த்த ரசிகர்கள், 'கிரிக்கெட்டை விட்டுவிட்டு வங்கி வேலையில் சேர்ந்துவிட்டாரா?' என அதிர்ச்சியடைந்துள்ளனர்.
Ishan Kishan at Reserve Bank of India Patna 🔥
- Cricket off season, Banking job for Ishan. pic.twitter.com/ayrq1Chybq— Johns. (@CricCrazyJohns) August 5, 2026
RBI-ல் வேலை எப்படி கிடைத்தது? சம்பளம் எவ்வளவு?
இந்த வைரல் புகைப்படங்களுக்குப் பின்னால் உள்ள உண்மை இதுதான். இஷான் கிஷனுக்கு, மத்திய அரசின் விளையாட்டு வீரர்களுக்கான இட ஒதுக்கீட்டின் (Sports Quota) கீழ், ரிசர்வ் வங்கியில் 'உதவி மேலாளர்' பணி கிடைத்துள்ளது. சமீபத்தில் நடந்த இலங்கை தொடரில் இஷானுக்கு வாய்ப்பு கிடைக்கவில்லை. இதனால், சர்வதேச போட்டிகள் இல்லாத இந்த ஓய்வு நேரத்தை வீணாக்காமல், பாட்னாவில் உள்ள RBI அலுவலகத்திற்குச் சென்று தனது பணியைச் செய்துள்ளார்.
வங்கி உதவி மேலாளர் பதவிக்கு மாதத்திற்கு சுமார் ₹1.22 லட்சம் முதல் ₹1.24 லட்சம் வரை மொத்த சம்பளம் கிடைக்கும். பி.எஃப், வரி போன்ற பிடித்தங்கள் போக, கையில் ₹1.08 லட்சம் முதல் ₹1.12 லட்சம் வரை சம்பளமாகப் பெறலாம். இஷான் கிஷனும் தற்போது இதே சம்பளத்தைப் பெறுவார்.
🚨 ISHAN KISHAN WORKING AS A BANKER 🤯
Ishan Kishan has been keeping busy away from the cricket field these days by taking up a regular job at a local bank in Jharkhand, handling customer accounts and paperwork while the Indian team has no matches scheduled. With the… pic.twitter.com/RLdT1CTr1H— Venky Mama (@venkymama100) August 4, 2026
கிரவுண்ட் மட்டுமல்ல.. டெஸ்க் ஜாப்பிலும் கெத்து!
வங்கிக்கு வந்த இஷான் கிஷனைப் பார்த்த சக ஊழியர்கள் மகிழ்ச்சி அடைந்தனர். அவருடன் புகைப்படங்களும், செல்ஃபிக்களும் எடுத்துக்கொண்டனர். கோடிக்கணக்கில் ஐபிஎல் ஒப்பந்தம், ஸ்டார் அந்தஸ்து இருந்தும், அரசுப் பணியை மதித்து அலுவலகம் வந்த இஷானின் பொறுப்புணர்வை நெட்டிசன்கள் பாராட்டி வருகின்றனர்.
இதற்கு முன், தோனி, கபில் தேவ், சச்சின் டெண்டுல்கர் போன்ற ஜாம்பவான்களும் விளையாட்டு ஒதுக்கீட்டில் அரசுப் பணிகளில் இருந்துகொண்டே கிரிக்கெட் ஆடினர். இந்த ஒதுக்கீட்டில், வீரர்கள் பயிற்சி செய்யவும், போட்டிகளில் பங்கேற்கவும் முழு சுதந்திரம் உண்டு. எனவே, இந்தப் பணியால் இஷானின் கிரிக்கெட் வாழ்க்கைக்கு எந்தப் பாதிப்பும் ஏற்படாது.
இஷான் கிஷனின் அடுத்த கிரிக்கெட் ஷெட்யூல் இதுதான்
இந்த சிறிய இடைவேளையை வங்கிப் பணிக்கு ஒதுக்கினாலும், இஷான் கிஷனின் முழு கவனமும் மீண்டும் இந்திய அணிக்குத் திரும்புவதில்தான் உள்ளது. 2022-ல் வங்கதேசத்துக்கு எதிராக ஒருநாள் போட்டியில் இரட்டைச் சதம் அடித்த இளம் வீரர் என்ற சாதனையை இவர் படைத்தார். ஆகஸ்ட் 23-ல் தொடங்கும் 'துலீப் டிராபி 2026' தொடரில், கிழக்கு மண்டல (East Zone) அணிக்கு இஷான் கிஷன் கேப்டனாக நியமிக்கப்பட்டுள்ளார். இந்த அணி தனது முதல் போட்டியில் வடக்கு மண்டலத்தை (North Zone) எதிர்கொள்கிறது. அதன்பிறகு, அக்டோபரில் வெஸ்ட் இண்டீஸுக்கு எதிரான டி20 தொடரில் மீண்டும் இந்திய ஜெர்சியில் களமிறங்குவார்.
