டி20 உலகக்கோப்பை.. வருண் 'மிஸ்டரி' ஸ்பின்னில் சிக்கிய நமீபியா.. இந்திய அணி மாபெரும் வெற்றி!

டி20 உலகக்கோப்பையில் நமீபியாவுக்கு எதிரான ஆட்டத்தில் இந்திய அணி அபார வெற்றி பெற்றுள்ளது. இஷான் கிஷன், ஹர்திக் பாண்ட்யாவின் அதிரடி ஆட்டமும், வருண் சக்கரவர்த்தியின் சுழலும் இந்தியாவுக்கு வெற்றி தேடி கொடுத்துள்ளது. 

Image Credit : x/Mufaddal Vohra

இந்தியா vs நமீபியா

டி20 உலககோப்பையில் டெல்லியில் நடைபெற்ற நமீபியாவுக்கு எதிரான போட்டியில் இந்திய அணி 93 ரன்கள் வித்தியாசத்தில் அபார வெற்றி பெற்றது. இந்த போட்டியில் முதலில் பேட்டிங் செய்த இந்திய அணி நிர்ணயிக்கப்பட்ட 20 ஓவர்களில் 9 விக்கெட் இழப்பிற்கு 209 ரன்கள் குவித்தது. 

சிக்சர் மழை பொழிந்த இஷான் கிஷன் வெறும் 20 பந்துகளில் அரை சதம் விளாசி டி20 உலகக்கோப்பையில் அரை சதம் விளாசிய முதல் இந்தியர் என்ற சாதனையை படைத்தார்.

Image Credit : Getty

இந்திய அணி வெற்றி

இஷான் கிஷன் 6 பவுண்டரிகளையும், 5 சிக்சர்களையும் நொறுக்கினார். அதிரடியில் பட்டையை கிளப்பிய ஹர்திக் பாண்ட்யா 28 பந்துகளில் 4 பவுண்டரி, 4 சிக்சர்களுடன் 52 ரன்கள் விளாசினார். பின்பு இமாலய இலக்கை நோக்கி பேட்டிங் செய்த நமீபியா அணி 18.2 ஓவரில் 116 ரன்களுக்கு ஆல் அவுட் ஆனது.

வருண் சக்கரவர்த்தி 3 விக்கெட்

அந்த அணி வீரர் லோரன் ஸ்டீன்காம்ப் அதிகப்பட்சமாக 29 ரன்கள் எடுத்தார். தமிழக வீரர் வருண் சக்கரவர்த்தி 2 ஓவரில் 7 ரன் மட்டுமே கொடுத்து 3 விக்கெட் வீழ்த்தினார். ஹர்திக் பாண்ட்யா, அக்சர் படேல் தலா 2 விக்கெட்டுகளையும், அர்ஷ்தீப் சிங், ஷிவம் துபே, பும்ரா தலா 1 விக்கெட்டுகளையும் சாய்த்தனர். பேட்டிங்கிலும், பவுலிங்கிலும் கலக்கிய ஹர்திக் பாண்ட்யா ஆட்டநாயகன் விருது வென்றார்.

Image Credit : X@BCCI

இந்திய அணி குரூப் ஏ பிரிவில் டாப்

குரூப் ஏ பிரிவில் இருக்கும் இந்திய அணி 2 போட்டிகளில் விளையாடி 2 வெற்றியுடன் 3.050 என்ற ரன் ரேட்டுடன் 4 புள்ளிகளை பெற்றுள்ளது. இந்திய அணி அடுத்ததாக வரும் 15ம் தேதி (ஞாயிற்றுக்கிழமை) பாகிஸ்தானை சந்திக்க உள்ளது.