ரோகித் சர்மாவின் அதிரடி, வருணின் சிறப்பான பவுலிங்: சாம்பியனாக மகுடம் சூடிய இந்தியா!

IND vs NZ Final, ICC Champions Trophy 2025 : நியூசிலாந்திற்கு எதிரான ஐசிசி சாம்பியன்ஸ் டிராபி இறுதிப் போட்டியில் இந்தியா 4 விக்கெட்டுகள் வித்தியாசத்தில் வெற்றி பெற்று 3ஆவது முறையாக டிராபியை கைப்பற்றி சாதனை படைத்துள்ளது.

IND vs NZ Final, ICC Champions Trophy 2025 : ஐசிசி சாம்பியன்ஸ் டிராபி 2025 தொடரின் இறுதிப் போட்டி துபாயில் நடைபெற்றது. இதில், இந்தியா மற்றும் நியூசிலாந்து அணிகள் மோதின. இந்தப் போட்டியில் டாஸ் வென்று நியூசிலாந்து முதலில் பேட்டிங் செய்து நிர்ணயிக்கப்பட்ட 50 ஓவர்களில் 7 விக்கெட்டுகளை இழந்து 251 ரன்கள் குவித்தது. டேரில் மிட்செல் 63 ரன்களும், மைக்கேல் பிரேஸ்வெல் 53 ரன்களும் எடுத்தனர். ரச்சின் ரவீந்திரா 37 ரன்கள் எடுத்தார். கிளென் பிலிப்ஸ் 34 ரன்கள் எடுத்து ஆட்டமிழந்தார்.

Indian Cricket Team, IND vs NZ Final, ICC Champions Trophy 2025 Final

இந்திய அணியின் ஸ்பின்னர்கள் சிறப்பாக பந்து வீசவே நியூஸிலாந்தின் நெட் ரன் ரேட் குறைந்தது. ஆரம்பத்தில் அதிரடியாக விளையாடிய நியூசி வீரர்கள் மிரடில் ஆர்டரில் ரன்ரேட் 4க்கும் குறைவாக எடுத்தது. இந்திய அணியைப் பொறுத்த வரையில் குல்தீப் யாதவ் மற்றும் வருண் சக்கவர்த்தி தலா 2 விக்கெட்டுகள் கைப்பற்றினர். ரவீந்திர ஜடேஜா மற்றும் முகமது ஷமி தலா ஒரு விக்கெட் கைப்பற்றினர்.

Asianet News Tamil, New Zealand Cricket Team

பின்னர் 252 ரன்களை இலக்காகக் கொண்டு இந்திய அணியில் ரோகித் சர்மா மற்றும் சுப்மன் கில் இருவரும் களமிறங்கினர். இதில், ரோகித் சர்மா அதிரடியாக விளையாடி 41 பந்துகளில் ஒருநாள் கிரிக்கெட்டில் தனது 58ஆவது அரைசதத்தை அடித்தார். மறுபுறம் நிதானமாக தொடங்கிய கில் 31 ரன்னுக்கு கேப்டன் சான்ட்னர் பந்தில் ஆட்டமிழந்தார். அடுத்து வந்த கோலி 1 ரன்னுக்கு ஆட்டமிழந்தார்.

Rohit Sharma, India vs New Zealand, Cricket News Tamil

இதைத் தொடர்ந்து ரோகித் சர்மா உடன் ஷ்ரேயாஸ் ஐயர் ஜோடி சேர்ந்தார். ஒவ்வொரு முறை ஷ்ரேயாஸ் ஐயர் தூக்கி அடிக்கும் போது ரோகித் சர்மா பயந்தார். மேலும் அவரிடம் மெதுவாக விளையாட சொன்ன ரோகித் சர்மா ஒருநாள் கிரிக்கெட்டில் 58ஆவது அரைசதம் அடித்தார். 41 பந்துகளில் அரைசதம் அடித்த ரோகித் சர்மா சதம் விளாசுவார் என்று எதிர்பார்க்கப்பட்டது, ஆனால், அவர் அவசரப்பட்டு இறங்கி அடிக்க முயற்சித்து 76 ரன்னுகு ஸ்டெம்ங்கில் ஆட்டமிழந்தார்.

Varun Chakaravarthy, Mitchell Santner

அதன் பிறகு அக்‌ஷர் படேல் வந்தார். அக்‌ஷர் தன் பங்கிற்கு நிதானமாக விளையாட அடித்து ஆட முயற்சித்து ஷ்ரேயாஸ் ஐயர் 48 ரன்களுக்கு அவுட்டானார். அக்‌ஷர் படேலும் 29 ரன்னுக்கு ஆட்டமிழக்க கடைசியாக கேஎல் ராகுல் மற்றும் ஹர்திக் பாண்டியா இருவரும் இணைந்து நிதானமாக விளையாடி அணியை வெற்றி பாதைக்கு அழைத்து சென்றனர். பாண்டியா 18 ரன்னுக்கு ஆட்டமிழக்க, அடுத்து வந்த ஜடேஜா கடைசியில் பவுண்டரி அடித்து அணிக்கு வெற்றி தேடிக் கொடுத்தார். இறுதியாக இந்திய அணி 49 ஓவர்களில் 6 விக்கெட்டுகளை இழந்து 254 ரன்கள் எடுத்து வெற்றி பெற்றுள்ளது.

Champions Trophy 2025 Final, Kuldeep Yadav, Rohit Sharma

இந்தப் போட்டியில் வெற்றி பெற்றதன் மூலமாக முதல் முறையாக ரோகித் சர்மா ஐசிசி சாம்பியன்ஸ் டிராபியை வென்றுள்ளார். இதற்கு முன்னதாக சவுரவ் கங்குலி மற்றும் எம்.எஸ்.தோனி இருவரும் டிராபியை வென்ற நிலையில் தற்போது ரோகித் சர்மாவும் ஐசிசி சாம்பியன்ஸ் டிராபியை வென்று கொடுத்துள்ளார்.

IND vs NZ Final, ICC Champions Trophy 2025 Final

நியூசிலாந்து அணியைப் பொறுத்த வரையில் பவுலிங்கில் கேப்டன் மிட்செல் சாண்ட்னர் மற்றும் மைக்கேல் பிரேஸ்வெல் தலா 2 விக்கெட்டுகள் கைப்பற்றினர். ரச்சின் ரவீந்திரா மற்றும் கேல் ஜேமிசன் தலா ஒரு விக்கெட் கைப்பற்றினர்.