யார் இந்த ஆல்ரவுண்டர் நிதிஷ் ரெட்டி? – பஞ்சாப்பை விரட்டி விரட்டி அடித்த ஹீரோ!

சன்ரைசர்ஸ் ஹைதராபாத் மற்றும் பஞ்சாப் கிங்ஸ் அணிகளுக்கு இடையிலான 23ஆவது லீக் போட்டி தற்போது முல்லன்பூரில் நடைபெற்று வருகிறது. இதில், முதலில் பேட்டிங் செய்த சன்ரைசர்ஸ் ஹைதராபாத் அணியில் ஸ்டார் வீரர்கள் சொற்ப ரன்களில் ஆட்டமிழந்தனர். டிராவிஸ் ஹெட் 21, அபிஷேக் சர்மா 16, ஹென்ரிச் கிளாசென் 9, எய்டன் மார்க்ரம் 0 என்று வரிசையாக ஏமாற்றம் அளித்தனர்.

கடைசியில் இளம் வீரர் 20 வயதான நிதிஷ் ரெட்டி தனது 2ஆவது ஐபிஎல் போட்டியிலேயே அதிரடி சரவெடியாக விளையாடி ஐபிஎல் கிரிக்கெட்டில் முதல் அரைசதம் அடித்தார். மேலும், டி20 கிரிக்கெட்டில் இது அவரது முதல் அரைசதம் ஆகும். அவர், 44 பந்துகளில் 51 ரன்கள் எடுத்து ஐபிஎல் கிரிக்கெட்டில் முதல் அரைசதம் அடித்தார். தொடர்ந்து விளையாடிய அவர், 37 பந்துகளில் 4 பவுண்டரி, 5 சிக்ஸ் உள்பட 64 ரன்கள் எடுத்து ஆட்டமிழந்தார்.

இதில் முதலில் பேட்டிங் செய்த சன்ரைசர்ஸ் ஹைதராபாத் 182 ரன்கள் குவித்தது. பின்னர் விளையாடிய பஞ்சாப் கிங்ஸ் கடைசி ஓவரில் த்ரில் வெற்றி பெற்றது. நிதிஷ் ரெட்டி எடுத்துக் கொடுத்த 64 ரன்கள் தான் சன்ரைசர்ஸ் ஹைதராபாத் அணியின் வெற்றிக்கு வித்திட்டது. பவுலிங்கிலும் சிறப்பாக பந்து வீசி ஒரு விக்கெட் எடுத்துக் கொடுத்தார். பீல்டிங்கில் ஒரு கேட்ச் பிடித்தார்.

யார் இந்த நிதிஷ் ரெட்டி?

கடந்த 2023 ஆம் ஆண்டு சன்ரைசர்ஸ் ஹைதராபாத் அணியில் ரூ.20 லட்சத்திற்கு ஏலம் எடுக்கப்பட்டார். அந்த ஆண்டு நடந்த ஐபிஎல் தொடரில் 2 போட்டிகளில் இடம் பெற்றுள்ளார். இதில் அவருக்கு பேட்டிங்கில் வாய்ப்பு கிடைக்கவில்லை. பவுலிங்கில் மட்டும் 5 ஓவர்கள் வீசி 54 ரன்கள் கொடுத்தார்.

இந்த நிலையில் தான் இந்த சீசனில் 2 போட்டிகளில் இடம் பெற்று விளையாடியுள்ளார். முதல் போட்டியில் சென்னை சூப்பர் கிங்ஸ் அணிக்கு எதிராக 14 ரன்கள் எடுத்தார். இதில் ஒரு சிக்ஸ், ஒரு பவுண்டரி அடங்கும். நேற்று நடந்த போட்டியில் 3 ஓவர்கள் வீசி ஒரு விக்கெட் எடுத்து 33 ரன்கள் கொடுத்தார்.

கடந்த 2003 ஆம் ஆண்டு மே 26 ஆம் தேதி பிறந்த நிதிஷ் ரெட்டி, ஆந்திரா அணிக்காக உள்ளூர் போட்டிகளில் இடம் பெற்று விளையாடியுள்ளார். இதில், 17 ஃபர்ஸ்ட் கிளாஸ் கிரிக்கெட் விளையாடியுள்ளார். மேலும், 22 லிஸ்ட் ஏ போட்டிகளிலும் விளையாடியுள்ளார். நிதிஷ் குமார் ரெட்டி குறித்து ஹனுமா விகாரி கூறியிருப்பதாவது: மிகவும் தாழ்மையான குடும்பத்தைச் சேர்ந்தவர். நிதிஷ் குமார் ரெட்டியின் கிரிக்கெட் வாழ்க்கைக்காக அவரது வேலையைவிட்டு விட்டு அவருக்கு வழிகாட்டியாக இருந்துள்ளார்.

அவர் 17 வயதாக இருக்கும் போதிலிருந்து நான் அவரை பார்த்து வருகிறேன். இப்போது ஒரு சிறந்த வீரராக வளர்ந்து நிற்பதை கண்டு பெருமைப்படுகிறேன். எதிர்காலத்தில் ஹைதராபாத் மற்றும் இந்திய அணியின் சொத்தாக இருப்பார் என்று கூறியுள்ளார்.