DC அணியில் ஜே ரிச்சர்ட்சன், குமார் குஷாக்ரா அறிமுகம் – திரும்ப வந்த சூர்யகுமார் யாதவ் – DC பவுலிங் தேர்வு!

வான்கடே மைதானத்தில் டெல்லி கேபிடல்ஸ் மற்றும் மும்பை இந்தியன்ஸ் அணிகளுக்கு இடையிலான 20ஆவது லீக் போட்டி இன்னும் சற்று நேரத்தில் தொடங்குகிறது. இதில், டாஸ் வென்ற டெல்லி அணியின் கேப்டன் ரிஷப் பண்ட் பவுலிங் தேர்வு செய்துள்ளார்.

டெல்லி அணியில் ஜே ரிச்சர்ட்சன் மற்றும் குமார் குஷாக்ரா இருவரும் அறிமுகம் செய்யப்பட்டுள்ளனர். மேலும், சுமித் குமாருக்கு பதிலாக லலித் யாதவ்வும் இடம் பெற்றுள்ளார். இதே போன்று மும்பை இந்தியன்ஸ் அணியிலும் மாற்றங்கள் செய்யப்பட்டுள்ளது.

அதன்படி, நமன் திர்ருக்கு பதிலாக சூர்யகுமார் யாதவ் இடம் பெற்றுள்ளார். இளம் வேகப்பந்து வீச்சாளர் குவெனா மபாகாவிற்கு பதிலாக ரோமாரியா ஷெஃப்பர்டு மற்றும் டிவால்டு பிரேவிஸிற்கு பதிலாக  முகமது நபி அணியில் இடம் பெற்றுள்ளார்.

இந்த தொடரில் இதுவரையில் மும்பை இந்தியன்ஸ் விளையாடிய 3 போட்டிகளிலும் தோல்வியை சந்தித்து புள்ளிப்பட்டியலில் கடைசி இடத்தில் உள்ளது. ஆனால், டெல்லி கூட ஒரு போட்டியில் அதுவும் சென்னை சூப்பர் கிங்ஸ் அணியை 20 ரன்கள் வித்தியாசத்தில் வீழ்த்தி வெற்றி பெற்றிருக்கிறது.

இன்றைய போட்டியில் மும்பை வான்கடே மைதானத்தில் நடைபெறுகிறது. ஐபிஎல் டிரெண்ட் முறையில் பார்த்தால் மும்பை இந்தியன்ஸ் அணி வெற்றி பெறுவதற்கு 60 சதவிகித வாய்ப்பு உள்ளது. மேலும், அவே அணி வெற்றி பெறுகிறது என்ற ஐபிஎல் டிரெண்ட் முறையில் பார்த்தால் டெல்லி கேபிடல்ஸ் அணிக்கு 40 சதவிகித வாய்ப்புகள் இருக்கிறது.

டெல்லி கேபிடல்ஸ்:

டேவிட் வார்னர், பிரித்வி ஷா, அபிஷேக் போரெல், ரிஷப் பண்ட் (கேப்டன்/விக்கெட் கீப்பர்), டிரிஸ்டன் ஸ்டப்ஸ், அக்‌ஷர் படேல், லலித் யாதவ், ஜே ரிச்சர்ட்சன், ஆண்ட்ரிச் நோர்ட்ஜே, இஷாந்த் சர்மா, கலீல் அகமது.

மும்பை இந்தியன்ஸ்:

ரோகித் சர்மா, இஷான் கிஷான் (விக்கெட் கீப்பர்), சூர்யகுமார் யாதவ், திலக் வர்மா, ஹர்திக் பாண்டியா (கேப்டன்), டிம் டேவிட், முகமது நபி, ரோமாரியா ஷெபெர்டு, பியூஷ் சாவ்லா, ஜெரால்டு கோட்ஸி, ஜஸ்ப்ரித் பும்ரா.

இன்றைய போட்டியில் சாதிக்க காத்திருக்கும் வீரர்கள்:

ரிஷப் பண்ட் இன்றைய போட்டியில் 10 ரன்கள் எடுத்தால் ஐபிஎல் கிரிக்கெட்டில் 3000 ரன்களை கடந்து சாதிப்பார்.

ரோகித் சர்மா ஒரு கேட்ச் பிடித்தால் ஐபிஎல் கிரிக்கெட்டில் 100 கேட்சுகள் பிடித்த வீரர் என்ற சாதனை படைப்பார்.

ஜஸ்ப்ரித் பும்ரா 2 விக்கெட்டுகள் எடுத்தால் 150 விக்கெட்டுகள் எடுத்த வீரர் என்ற சாதனை படைப்பார்.

ஆண்ட்ரிச் நோர்ட்ஜே 2 விக்கெட்டுகள் எடுத்தால் டி20 கிரிக்கெட்டில் 150 விக்கெட்டுகள் எடுத்த வீரர் என்ற சாதனை படைப்பார்.