ஆர்சியோடு இணைந்த டீம் இந்தியாவின் ஸ்விங் பவுலர் புவி!

Bhuvneshwar Kumar Join With RCB : ஐபிஎல் 2025 ஏலத்தில் புவனேஷ்வர் குமாரை ராயல் சேலஞ்சர்ஸ் பெங்களூரு ரூ.10.75 கோடிக்கு வாங்கியது.

RCB IPL 2025 Auction Player List

Bhuvneshwar Kumar Join With RCB : ஐபிஎல் 2025 மெகா ஏலத்தில் பல இந்திய வீரர்கள் சிறப்பாக செயல்பட்டனர். அருமையான விலையைப் பெற்று சாதனைகளை படைத்தனர். ஐபிஎல் மெகா ஏலம் 2025 முதல் நாளில் ரிஷப் பண்ட், ஷ்ரேயாஸ் ஐயர் உள்ளிட்ட வீரர்கள் மீது ஐபிஎல் அணிகள் பண மழை பொழிந்தன. அவர்களை வாங்கிக் கொள்ள கடும் போட்டி நிலவியது. 

இதேபோல், இரண்டாவது நாளிலும் பல வீரர்களுக்காக ஐபிஎல் அணிகள் போட்டி போட்டன. திருப்பங்கள் மேல் திருப்பங்கள் காணப்பட்டன. குறிப்பாக, ஸ்விங் மாஸ்டர் புவனேஷ்வர் குமாருக்காக அணிகள் போட்டி போட்டன. இரண்டு அணிகள் அவரை வாங்கிக் கொள்ள நீயா நானா என்று போட்டி போட்டன. ஆனால், எதிர்பாராத விதமாக, இவ்விரண்டு அணிகளுக்கு இடையே வந்த மூன்றாவது அணி புவியை ஏலத்தில் எடுத்தது. 

IPL 2025 Auction RCB Players List

புவனேஷ்வர் குமாருக்காகப் போட்டியிட்ட இரண்டு அணிகளுக்கு இடையே மூன்றாவது அணி வந்து அவர்களின் ஆசைகளுக்கு முற்றுப்புள்ளி வைத்தது. அதுதான் ஆர்சிபி அணி. புவனேஷ்வர் குமாருக்காக ஏலத்தில் தொடக்கம் முதலே காணப்பட்ட மும்பை இந்தியன்ஸ் (எம்ஐ), லக்னோ சூப்பர் ஜெயண்ட்ஸ் (எல்எஸ்ஜி) அவரை வாங்கிக் கொள்ள போட்டி போட்டன. ஆனால், இந்த இரண்டு அணிகளுக்கும் அதிர்ச்சி அளிக்கும் வகையில் விராட் கோலி தலைமையிலான ராயல் சேலஞ்சர்ஸ் பெங்களூரு அணி வருகையால் அதிர்ச்சியடைந்தன. இந்த இரண்டு அணிகளும் ஆர்சிபியின் திட்டத்தைப் பார்த்து ஆச்சரியப்பட்டன.

Bhuvneshwar Kumar, Bhuvneshwar Kumar Join With RCB

புவனேஷ்வர் குமாருக்காக ஆர்சிபி சர்ப்ரைஸ் என்ட்ரி:

புவனேஷ்வர் குமார் பெயர் ஏலத்திற்கு வந்ததும், மும்பை, லக்னோ அணி உரிமையாளர்கள் அவரை வாங்கிக் கொள்ள போட்டி போட்டனர். இவர்களுக்கு இடையே ஏலம் உயர்ந்துகொண்டே இருந்தது. இரண்டு அணிகளும் பின்வாங்கத் தயாராக இல்லை. ஒரு கட்டத்தில் ஏலம் ரூ.10 கோடியைத் தாண்டியது. மும்பை அணி புவிக்கு ரூ.10.5 கோடிக்கு ஏலம் கேட்டது. இதனால் லக்னோ அணி பக்கம் அனைவரின் பார்வையும் திரும்பியது. ஆனால், அந்த அணி கைவிரித்தது. இதே நேரத்தில் சர்ப்ரைஸ் என்ட்ரி கொடுத்தது ஆர்சிபி. புவனேஷ்வரை 10.75க்கு ஏலம் கேட்டு இரண்டு அணிகளுக்கும் அதிர்ச்சி அளித்தது. இருவருக்கும் இடையேயான சண்டையில் மூன்றாவது அணி புவனேஷ்வர் குமாரை ஏலத்தில் எடுத்தது. 

Bhuvneshwar Kumar Sold to RCB

ஆர்சிபி-யிடம் அதிக பணம்:

ஐபிஎல் 2025 மெகா ஏலத்தின் முதல் நாளில் ஆர்சிபி வீரர்களை பெரிதாக வாங்கவில்லை. இதனால் ஆர்சிபி இரண்டாவது நாளில் பெரிய தொகைக்கு களமிறங்கியது. இந்த அணிக்கு கிட்டத்தட்ட ரூ.30 கோடி மீதம் இருந்தது. இதனால் மும்பை, லக்னோ அணிகள் இந்த அணியை எதிர்கொள்வது கடினமாக இருந்தது. இதனால் புவனேஷ்வர் குமாரை ஆர்சிபி வாங்கியது. வரும் சீசனில் புவி ஆர்சிபி ஜெர்சியில் விளையாடுவார். 

Royal Challengers Bengaluru, IPL 2025 Auction,

ஆர்சிபிக்கு லாபம் கிடைக்குமா? 

ஆர்சிபி பேட்டிங்கில் எப்போதும் வலுவாகவே இருக்கும். ஆனால், பந்துவீச்சில் பலவீனமாக இருக்கும். இதனால்தான் அந்த அணி முக்கியமான நேரத்தில் தோல்வியடைய வேண்டியிருந்தது. ஆனால் இந்த முறை புவனேஷ்வர் குமாரின் அனுபவமிக்க பந்துவீச்சு அணிக்கு லாபம் தரும். ஆர்சிபி முதல் நாள் ஏலத்தில் மிட்செல் ஸ்டார்க்கிற்காக போராடியது, ஆனால் அவரை அணியில் சேர்க்க முடியவில்லை. ஆனால், இந்திய நட்சத்திரத்தை அணிக்குள் சேர்த்து அணியின் பந்துவீச்சுப் பிரிவை பலப்படுத்தியுள்ளது.