Ashes Test: ஆஸி.க்கு மரண அடி கொடுத்த இங்கிலாந்து! ஒரே நாளில் 19 விக்கெட்டுகள் சரிவு!

Ashes 2025: ஆஷஸ் கிரிக்கெட் தொடரின் முதல் டெஸ்ட்டில் இங்கிலாந்து அணி 172 ரன்னுக்கு ஆல் அவுட் ஆனது. பின்பு ஆஸ்திரேலியாவும் 121/9 என பரிதாபமான நிலையில் உள்ளது. ஒரே நாளி 19 விக்கெட்டுகள் சரிந்தன. 

Image Credit : Getty

ஆஷஸ் டெஸ்ட் கிரிக்கெட் தொடர்

ஆஸ்திரேலியா, இங்கிலாந்து இடையிலான 5 போட்டிகள் கொண்ட ஆஷஸ் கிரிக்கெட் தொடர் மிகவும் பாரம்பரியம் மிக்கதாகும். இந்த ஆண்டு ஆஷஸ் தொடர் ஆஸ்திரேலியாவில் நடைபெறுகிறது. இதில் முதல் போட்டி பெர்த்தில் இன்று தொடங்கியது. 

இதில் டாஸ் வென்ற இங்கிலாந்து அணி முதலில் பேட்டிங் செய்தது. வேகத்துக்கு உகந்த பெர்த் ஆடுகளத்தில் பந்து ஜெட் வேகத்தில் சென்றதால் பேட்ஸ்மேன்கள் ரன்கள் அடிக்க சிரமப்பட்டனர்.

Image Credit : AFP

இங்கிலாந்து அணி தடுமாற்றம்

தொடக்க வீரர் ஜாக் கிராலி ரன் ஏதும் எடுக்காமல் ஸ்டார்க் பந்தில் அவுட் ஆனார். சிறிது தாக்குப்பிடித்த பென் டக்கெட் (21) ஸ்டார்க் பந்தில் எல்.பி.டள்யூ ஆனார். தொடர்ந்து ரன் மெஷின் ஜோ ரூட்டும் ஸ்டார்க் பந்தில் டக் அவுட் ஆக இங்கிலாந்து அணி 39/3 என பரிதவித்தது. 

பின்பு அதிரடியாக விளையாடிய ஆலிவ் போப் (46 ரன்) கிரீன் பந்தில் வெளியேறினார். கேப்டன் பென் ஸ்டோக்ஸும் (6) வந்த வேகத்தில் ஸ்டார்க் பந்தில் காலியானர்.

172 ரன்களுக்கு ஆல் அவுட்

ஒருபக்கம் விக்கெட் வீழ்ந்தாலும் மறுபக்கம் ஹாரி ப்ரூக் வழக்கம்போல் அதிரடியாக விளையாடி அரைசதம் (51 ரன்) அடித்தார். அவர் டாகெட் பந்தில் அவுட்டானவுடன் இங்கிலாந்தின் மீதமிருக்கும் விக்கெட்டுகளும் சீட்டுக்கட்டு போல் சரிந்தன. 

ஜேமி ஸ்மித் (33) தவிர கஸ் அட்கின்சன் (1), பிரைடன் கார்ஸ் (6), ஜோப்ரா ஆர்ச்சர் (0) சொற்ப ரன்னில் வெளியேறியதால் வெறும் 32.5 ஓவர்கள் மட்டுமே தாக்குப்பிடித்த இங்கிலாந்து அணி 172 ரன்களுக்கு ஆல் அவுட் ஆனது.

Image Credit : Getty

ஸ்டார்க் 7 விக்கெட் வீழ்த்தி அசத்தல்

ஆஸ்திரேலியா தரப்பில் அசத்தலாக பந்துவீசிய மிட்ச்செல் ஸ்டார்க் 12.5 ஓவரில் 58 ரன்கள் கொடுத்து 7 விக்கெட் சாய்த்து அசத்தினார். டாகெட் 2 விக்கெட் வீழ்த்தினார். பின்பு தனது முதல் இன்னிங்சை தொடங்கிய ஆஸ்திரேலிய அணிவும் கொத்து கொத்தாக விக்கெட்டுகளை இழந்தது. 

தொடக்க வீரர்கள் ஜேக் வெதரால்ட் (0), மார்னஸ் லபுஸ்சேன் (9) ஆர்ச்சர் வேகத்தில் அவுட் ஆனார்கள். பின்பு தொடந்து கேப்டன் ஸ்டீவ் ஸ்மித் (17), உஸ்மான் கவாஜா (2) கார்ஸ் பந்தில் வெளியேற ஆஸ்திரேலியா 31/4 என பரிதவித்தது.

Image Credit : Getty

ஆஸ்திரேலியாவும் படுமோசமான பேட்டிங்

இதனைத் தொடர்ந்து டிராவிஸ் ஹெட் (21), கேமரூன் கிரீன் (24), அலெக்ஸ் கேரி (26), ஸ்டார்க் (12) ஆகியோர் இங்கிலாந்து கேப்டன் பென் ஸ்டோக்ஸின் வேகத்தை சமாளிக்க முடியாமல் அடுத்தடுத்து அவுட் ஆனார்கள். முதல் நாள் ஆட்ட நேர முடிவில் ஆஸ்திரேலிய அணி 39 ஓவரில் 9 விக்கெட் இழப்பிற்கு 123 ரன்களுடன் தடுமாறி வருகிறது. இங்கிலாந்தை விட இன்னும் 49 ரன்கள் பின் தங்கியுள்ளது.