Ajit Agarkar: ரோகித் சர்மாவுடன் மோதல்?.. இனி இந்த பதவி வேண்டாம்.. அஜித் அகர்கர் முடிவின் பின்னணி!

Ajit Agarkar: இந்திய கிரிக்கெட் அணியின் தேர்வுக்குழு தலைவர் பதவியில் இருந்து அஜித் அகர்கர் விலக உள்ளார். ரோகித் சர்மாவுடன் ஏற்பட்ட மோதலே இதற்கு காரணமாக கூறப்படுகிறது. இது குறித்து விரிவாக பார்ப்போம்.

Image Credit : ANI

பதவியில் தொடர விருப்பமில்லை

இந்திய கிரிக்கெட் அணியின் தேர்வுக்குழு தலைவர் பதவியில் இருந்து அஜித் அகர்கர் விலகுவது உறுதியாகிவிட்டது. தனது மூன்றாண்டு ஒப்பந்தம் முடிவடைய உள்ள நிலையில், இந்தப் பதவியில் தொடர தனக்கு விருப்பமில்லை அகர்கர் என பிசிசிஐயிடம் தெரிவித்துள்ளார். அக்டோபர் 4ஆம் தேதியுடன் அகர்கரின் பதவிக்காலம் முடிகிறது. இதன் பிறகுதான் புதிய தேர்வுக்குழு தலைவரின் பெயரை அறிவிப்போம் என பிசிசிஐ செயலாளர் தேவ்ஜித் சைகியா தெளிவுபடுத்தியுள்ளார்.

Image Credit : Asianet News

ஒப்பந்தத்தை நீட்டிக்க வேண்டாம் என்ற அகர்கர்

தனது ஒப்பந்தத்தை நீட்டிக்க வேண்டாம் என்ற முடிவை செப்டம்பர் 18ஆம் தேதியே பிசிசிஐ-யிடம் அகர்கர் சொல்லிவிட்டார். இதன்பிறகு, தேர்வுக்குழுவின் அடுத்தகட்ட நகர்வுகள் குறித்து முடிவெடுக்கும் பொறுப்பு பிசிசிஐ நிர்வாகிகளிடம் ஒப்படைக்கப்பட்டது. இது தொடர்பாக பிசிசிஐ செயலாளர் அளித்த பேட்டியில், புதிய தலைவரைத் தேடும் விஷயத்தில் அவசரம் காட்டத் தேவையில்லை என்றும், தங்களுக்குப் போதுமான நேரம் இருக்கிறது என்றும் கூறியுள்ளார்.

அக்டோபர் 4ஆம் தேதி வரை அகர்கர் தனது பதவியில் நீடிப்பார். அதன்பிறகு காலியாகும் இடத்திற்குப் புதியவரைத் தேட பிசிசிஐக்கு நிறைய நேரம் கிடைக்கும். சைகியா, இறுதி முடிவு எடுத்தவுடன் அதிகாரப்பூர்வமாக அறிவிப்போம் எனத் தெரிவித்துள்ளார்.

Image Credit : ANI

அகர்கர் தலைமையில் 3 ஐசிசி கோப்பை

அஜித் அகர்கர் 2023 ஜூலையில் சேத்தன் சர்மாவுக்குப் பதிலாக முதன்மை தேர்வுக்குழு தலைவராகப் பொறுப்பேற்றார். இந்திய அணி, அகர்கர் தலைமையில் 2024 டி20 உலகக்கோப்பை, 2025 சாம்பியன்ஸ் டிராபி மற்றும் 2026 ஐசிசி டி20 உலகக்கோப்பையை வென்றது. புதிய தேர்வுக்குழு தலைவரின் முன் உள்ள மிகப்பெரிய சவால், 2027 ஒருநாள் உலகக்கோப்பைக்காக ஒரு வலுவான அணியை உருவாக்குவதுதான். பிசிசிஐ, இந்தத் தேர்வுக்குழு தலைவர் பதவிக்கு முன்னாள் கிரிக்கெட் வீரர் பார்த்திவ் படேலின் பெயரைப் பரிசீலித்து வருவதாகத் தகவல்கள் வெளியாகி உள்ளன.

Image Credit : Getty

ரோகித் சர்மா-அகர்கர் இடையே மோதல்

இங்கிலாந்துக்கு எதிரான ஒருநாள் தொடருக்கு முன்பாகவே, சீனியர் வீரர் ரோகித் சர்மாவுக்கும் பிசிசிஐ தேர்வுக்குழு தலைவர் அஜித் அகர்கருக்கும் இடையே பனிப்போர் தொடங்கிவிட்டதாகக் கூறப்படுகிறது. அஜித் அகர்கர், 2027 ஒருநாள் உலகக்கோப்பைக்கு இளம் வீரர்களுக்கு அதிக முக்கியத்துவம் கொடுக்கப் போவதாக ரோகித் சர்மாவிடம் சொல்லியிருக்கிறார். ஆனால் ரோகித் சர்மா, லார்ட்ஸ் மைதானத்தில் நடந்த இங்கிலாந்துக்கு எதிரான மூன்றாவது ஒருநாள் போட்டியில் சதம் விளாசி விமர்சகர்களின் வாயை அடைத்தார். மேலும், பிசிசிஐ செயலாளர் வெளிப்படையாகவே ரோகித் சர்மாவுக்கு ஆதரவு தெரிவித்தார். இதனால் அஜித் அகர்கருக்கும் பிசிசிஐக்கும் இடையே மனக்கசப்பு தொடங்கியதாகச் சொல்லப்படுகிறது.