6-6-6-6... யுவராஜ், விராட் கோலியின் சாதனையை அடித்து நொறுக்கிய அபிஷேக் ஷர்மா
நியூசிலாந்துக்கு எதிரான முதல் டி20 போட்டியில் அபிஷேக் சர்மா தனது பேட்டிங்கால் மிரட்டியுள்ளார். தனது அதிரடி ஆட்டத்தால், முன்னாள் வீரர்கள் யுவராஜ் சிங் மற்றும் விராட் கோலியின் சாதனையை முறியடித்துள்ளார்.
நியூசிலாந்துக்கு எதிராக அபிஷேக் அதிரடி
இந்தியா-நியூசிலாந்து முதல் டி20 போட்டி நாக்பூரில் நடைபெற்றது. டாஸ் வென்ற நியூசிலாந்து பந்துவீச்சை தேர்வு செய்தது. இதை அபிஷேக் சர்மா தவறென நிரூபித்தார். சிக்ஸருடன் இன்னிங்ஸை தொடங்கி, பவுலர்களை திணறடித்தார். தொடர்ந்து பவுண்டரி, சிக்ஸர் மழை பொழிந்து அரைசதம் அடித்தார். அவர் 8 சிக்ஸர்களுடன் 84 ரன்கள் குவித்தார்.
யுவராஜ் சிங் சாதனை முறியடிப்பு
நியூசிலாந்துக்கு எதிரான போட்டியில், அபிஷேக் சர்மா தனது குருவான யுவராஜ் சிங்கின் சாதனையை முறியடித்தார். போட்டியின் 2வது சிக்ஸரை அடித்தபோது, யுவராஜின் 74 சிக்ஸர்கள் என்ற சாதனையை கடந்தார். போட்டிக்கு முன் 73 சிக்ஸர்களுடன் இருந்த அபிஷேக், தற்போது யுவராஜை பின்னுக்குத் தள்ளியுள்ளார்.
இந்தியாவுக்காக அதிக சிக்சர்கள் அடித்த வீரர்
டி20 போட்டிகளில் இந்தியாவுக்காக அதிக சிக்ஸர்கள் அடித்தவர்கள் பட்டியலில் அபிஷேக் சர்மா 6வது இடத்திற்கு முன்னேறியுள்ளார். இதற்கு முன் 7வது இடத்தில் இருந்த யுவராஜ் சிங்கை அவர் பின்னுக்குத் தள்ளினார். இவருக்கு முன்னால் 99 சிக்ஸர்களுடன் கே.எல். ராகுல் மற்றும் 106 சிக்ஸர்களுடன் ஹர்திக் பாண்டியா உள்ளனர்.
விராட் சாதனையை முறியடித்தார்
அபிஷேக் சர்மா, விராட் கோலியின் முக்கிய சாதனையையும் முறியடித்துள்ளார். டி20 போட்டிகளில் அதிவேகமாக 5000 ரன்களை கடந்த 3வது இந்திய வீரர் ஆனார். 165 இன்னிங்ஸ்களில் இந்த சாதனையை செய்த கோலியை அவர் முந்தியுள்ளார். கே.எல். ராகுல் இப்பட்டியலில் முதலிடத்தில் உள்ளார்.
டாப் 3ல் சிக்ஸர் கிங்
இந்தியாவின் டி20 போட்டிகளில் அதிக சிக்ஸர்கள் அடித்தவர் ரோஹித் சர்மா (205). இரண்டாவது இடத்தில் சூர்யகுமார் யாதவ் (156) உள்ளார். மூன்றாவது இடத்தில் விராட் கோலி (124) உள்ளார்.
