Abhishek Sharma: சிக்சர் மன்னனுக்கு என்னாச்சு? டக் அவுட்களில் அபிஷேக் சர்மா மோசமான சாதனை!

T20 World Cup 2026: இந்திய அணியின் சிக்சர் மன்னன் அபிஷேக் சர்மா டக் அவுட்களில் மோசமான சாதனை படைத்துள்ளார். இது தொடர்பாக இந்த செய்தியில் விரிவாக காண்போம்.

Image Credit : Getty

அபிஷேக் சர்மா டக் அவுட்

இந்திய தொடக்க ஆட்டக்காரரும், உலகின் நம்பர் 1 டி20 பேட்ஸ்மேனுமான அபிஷேக் சர்மா நெதர்லாந்துக்கு எதிரான டி20 உலகக் கோப்பை போட்டியில் மூன்று பந்துகளில் டக் அவுட் ஆகி ஒரு மோசமான சாதனையை பதிவு செய்துள்ளார். ஆட்டத்தின் முதல் ஓவரிலேயே நெதர்லாந்து சுழற்பந்து வீச்சாளர் ஆர்யன் தத் அபிஷேக் சர்மாவை கிளீன் போல்டாக்கி ஆட்டமிழக்கச் செய்தார்.

Image Credit : Getty

அபிஷேக் சர்மா மோசமான சாதனை

அமெரிக்கா மற்றும் பாகிஸ்தானுக்கு எதிரான இந்தியாவின் முந்தைய போட்டிகளில் டக் அவுட் ஆனதைத் தொடர்ந்து, இந்த தொடரில் அபிஷேக் சர்மா தொடர்ந்து 3வது முறை டக் அவுட் ஆகியுள்ளார். இந்த டி20 உலகக் கோப்பையில் அபிஷேக் சர்மா இன்னும் தனது ரன் கணக்கைத் தொடங்கவில்லை. அபிஷேக் சர்மா 2026-ல் டி20 போட்டிகளில் ஐந்து டக் அவுட்களை பதிவு செய்துள்ளார்.

Image Credit : Getty

ஒரு காலண்டர் ஆண்டில் அதிக டக் அவுட்கள்

இதன்மூலம், ஒரு காலண்டர் ஆண்டில் அதிக டக் அவுட்களை அடித்த தொடக்க ஆட்டக்காரர்கள் பட்டியலில் அவர் இணைந்துள்ளார். இந்த மோசமான சாதனை பட்டியலில், 2025-ல் ஆறு டக் அவுட்களை பதிவு செய்த பாகிஸ்தானின் சயிம் அயூப் உள்ளார். அபிஷேக் சர்மா தொடக்க ஆட்டக்காரராக இப்போது ஐந்து டக் அவுட்களைப் பதிவு செய்துள்ளார். 

இவருடன் சலோம்வாங் சத்பைசன் (தாய்லாந்து, 2024), குஷால் புர்டெல் (நேபாளம், 2024), தர்மா கேசுமா (இந்தோனேசியா, 2025) மற்றும் பர்வேஸ் ஹொசைன் எமோன் (பங்களாதேஷ், 2025) ஆகியோர் உள்ளனர். இவர்களும் அபிஷேக் சர்மாவை போல் 5 டக் அவுட்களை பதிவு செய்துள்ளனர்.

Image Credit : Getty

முன்னாள் வீரர்கள் அறிவுரை

அபிஷேக் சர்மா பலமே அவரது அதிரடி தான் என இருந்து வந்த நிலையில், இப்போது அவரது பலமே பலவீனமாகியுள்ளது. டி20 உலகக்கோப்பை போன்ற பெரிய போட்டிகளில் அபிஷேக் சர்மா முதலில் சில ஓவர்களில் பொறுமை காத்து விக்கெட்டை இழக்காமல் இருந்து பின்பு அதிரடியில் ஈடுபட வேண்டும் என முன்னாள் வீரர்கள் பலர் அறிவுரை வழங்கியுள்ளனர்.