#NZvsAUS ரோஷத்துடன் பொளந்துகட்டும் ஆஸி., கேப்டன் ஆரோன் ஃபின்ச்..!

First Published Mar 5, 2021, 2:09 PM IST

நியூசிலாந்துக்கு எதிரான 3வது டி20 போட்டியில் சிறப்பாக ஆடிய ஃபின்ச், 4வது போட்டியிலும் அபாரமாக ஆடினார். 4வது டி20 போட்டியில் ஃபின்ச்சின் அதிரடி அரைசதத்தால், 157 ரன்கள் என்ற இலக்கை நிர்ணயித்தது ஆஸி., அணி.

நியூசிலாந்து - ஆஸ்திரேலியா இடையேயான 5 டி20 போட்டிகள் கொண்ட தொடரின் முதலிரண்டு போட்டிகளிலும் நியூசிலாந்து அணி வென்றது. அந்த 2 போட்டிகளிலும் படுமோசமாக பேட்டிங் ஆடினார் ஆஸி., கேப்டன் ஆரோன் ஃபின்ச். பேட்டிங்கில் சொதப்பியதுடன், அவரது கேப்டன்சியில் ஆஸி., அணி தோல்விகளை சந்தித்துவருவதால், ஆரோன் ஃபின்ச்சை கேப்டன்சியிலிருந்து நீக்குவது குறித்த விவாதம் எழுந்தது.